ЯҢАЛЫКЛАР
14 декабрьдән башлап 16на кадәр Югары медицина технологияләренең белем бирү үзәге һәм «Республика клиник офтальмология хастаханәсе» ДАССОсы «Шәфкатъ туташлар эшендә факоэмульсификация» дигән тематик цикл уздыралар. Цикл максаты – факоэмульсификацияне уздыруда катнашучы операция эше белгечләрен хәзерләү сыйфатын күтәрү, операциядән соң чорда йогышлы өзлегүләрнең үсешен кисәтү һәм пациентларның яшәү сыйфатын күтәрү.
Шарлы авторучканы алыр өчен бармакларны янәшә китерү, ишек ачыр өчен беләзек сөякләрен бору, аяк киеме бавын бәйләү өчен аякларны тездән бөгү... Көн саен без иң гади хәрәкәтләр ясыйбыз һәм әгәр алар авырту китермәсәләр, аларга игътибар бирмибез. Ләкин ревматоид артрит белән җәфаланган күп кеше өчен хәтта шул кечкенә хәрәкәтләр дә азапка әйләнергә мөмкин. Артритның шушы төре турында «Яңалыклар – Татарстан» ДТРКнең корреспондентлары өчен ТР ССМ Республика клиник хастаханәсенең ревматология бүлеге мөдире, югары категорияле табиб-ревматолог, ТР атказанган табибы Абдракипов Рифкәт Җәүдәт улы сөйләде.
Сюжет адресы: http://trt-tv.ru/rossiya-24/medicina/rossiya-24-medicina-10-12-15/
Бүген «Чирмешән РҮХ» ДАССО хезмәткәрләре Бөтендөнья СПИД белән көрәшү көненә багышланган чираттагы акция оештырдылар һәм уздырдылар. Табиблар «Норлат аграр техникумы» ДАСББОда күчмә очрашуны уздырдылар. Акциядә 72 укучы катнашты. Алар күп кызык мәгълүматлар ишетттеләр, аларны кызыксындыручы сораулар бирделәр һәм ВИЧ йогышын профилактикалау буенча китаплар-буклетлар алдылар.
Халыкара коррупция белән көрәшү көне чикләрендә «Чистай РҮХ» ДАССО җирлегендә юстиция органнарының һәм Чистай муниципаль районы Башкарма комитетының вәкилләре белән коррупцион җинаятьләргә каршылык күрсәтү мәсьәләләре буенча очрашу булды. Чарада район хастаханәсенең җитәкчесе Рәис Мостафин башлыгында бөтен структур бүлекчеләренең җитәкчеләре катнаштылар. Очрашу чикләрендә баш табиб хокук буенча беле тарату чараларының әһәмиятлелеген һәм коррупция белән көрәшү темасының актульлеген билгеләде. Очрашу ахырында медицина хезмәткәрләре коррупциягә каршылык күрсәтүгә юнәлгән чараларны камилләштерү буенча фикерләр, тәкъдимнәр һәм теләкләр әйтеп бирделәр, шулай ук охшаш очрашуларны уздыруның кирәклеген һәм хокук белемнәрен формалаштыруда һәм коррупциягә каршы хокук аңлауны арттыруда мондый чараларның әһәмиятлелеген билгеләделәр. Юстиция органнарының вәкиле очрашу барышында медицина хезмәткәрләре белән бирелгән сорауларга тулы җаваплар бирде.
Конференция программасына пленар утырышлар һәм чыгышлар гына түгел, катлаулы клиник очраклар турында фикер алышулар, белгечләр өчен махсус мәктәпләр, әйдәүче экспертларның лекцияләре һәм мастер-класслары да керделәр. Форумның әһәмиятле гамәли мәгънәсе дә бар – ул табибларны өзлексез укытуга, экспертлар һәм төрле регионнарның белгечләре арасында тәҗрибә белән уртаклашуга булыша, фәнни тикшеренүләрнең нәтиҗәләрен гамәли сәламәтлек саклауга иң тиз урнаштыруны стимуллаштыра.
24 ноябрьдә Казан Кремленең Туп ишек алдында ТР Дәүләт советының Рәисе Фәрит Мөхәммәтшин Россия Федерациясенең һәм Татарстан Республикасының дәүләт бүләкләрен мәгариф, сәламәтлек саклау, дәүләт идарәсе өлкәсендәге хезмәткәрләргә, фән һәм мәдәният, машина төзелеше, авыл хуҗалыгы һәм башка тармакларның эшлекләренә тапшырды. Республика парламенты башлыгының кулларыннан бүләкләрне 50дән артык Татарстанда яшәүчеләр алдылар.
2015 елның 24 ноябрендә «Татарстан Республикасы Сәламәтлек саклау министрлыгының Республика СПИД һәм йогышлы авырулар белән көрәшү һәм аларны профилактикалау үзәге» ДАССОна Татарстан Республикасы Профсоюзлар федерациясендә «Бюджет өлкәсенең предприятиеләре һәм оешмалары» категориясендә «Иң яхшы коллектив шартнамәсе» дигән VI Республика конкурсының җиңүчесенең дипломы тапшырылды.
Бүләк белән котлыйбыз!
Яр Чаллы шәһ. Элеватор тавы поселогында фельдшер-акушерлык пунктының (ФАП) тантаналы ачылуы булды. Районның халкын Татарстан Республикасы Сәламәтлек саклау министрлыгының Яр Чаллы шәһ. буенча Сәламәтлек саклау идарәсенең җитәкчесе вазыйфасын башкаручы Людмила Репина, район башлыгы Владислав Гаврилов, Яр Чаллының С.П. Титов исемендәге картон-кәгазь комбинатының директоры Андрей Фомичев бәйрәм белән тәбрикләделәр. ФАПны ачу ТР Президенты, ТР Сәламәтлек саклау министрлыгы һәм шәһәрнең җитәкчелеге булышлыгы аркасында мөмкин булды. Проектны гамәлгә ашыру өчен республика һәм муниципаль бюджеттан 5 млн сумнан артыграк акча бүлеп бирелде. Элеватор тавы п. ФАП төзелеше 2015 елның язында башланды: апрельдә фундамент салынды, көзгә бина тулысынча төзелеп бетерелде һәм эксплуатацияләүгә тапшырылды. Бу ФАП «4нче номерлы Шәһәр сырхауханәсе» ДАССОның хезмәт күрсәтү территориясенә керә. ФАП төзү аркасында Элеватор тавы п. торучылар (1155 беркетелгән кеше) табибка хәтле сыйфатлы медицина ярдәмен адым ераклыгында ала алалар.
30нче ноябрьдә онкологик аврулар һәм аларның туганнары өчен «Пациент мәктәбе» узачак. Чара темасы «Сөяк системасының метастатик зарарланулары. Профилактика һәм дәвалау».
Баш табиб Айрат Зиатдинов оешма структур бүлекчәләренең эше белән таныштырды: регистратураның, ашыгыч ярдәм блогының, иң яңа медицина җиһазлары белән җиһазландырылган функциональ һәм нур диагностикасы кабинетлары белән аякка бастырып дәвалау бүлегенең, көндезге стационарның һәм башка бүлекләрнең; ТР ЭЯ БДМС, тавыш һәм визуаль хәбәр итү белән электрон чиратны «Студенческая» сырхауханәсенә кертү тәҗрибәсе турында сөйләде.