ЯҢАЛЫКЛАР
Исегезгә төшерәбез, «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103» (түләүсез). Әгәр шалтыратып булмый икән, тормышка куркыныч янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын тиз итеп җибәрү өчен һәм үз вакытында медицина ярдәмен күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.
Менделеевск районының Татар Чаллысы авылында модульле ФАПның ачылуы булды. Тантаналы церемониясендә ТР Сәламәтлек саклау министрлыгының Дәвалау һәм профилактика ярдәме идарәсенең башлыгы Малышева И.Ю., Менделеевск районы Башкарма комитетының җитәкчесе Чершинцев В.С., сала бистәсенең башлыгы Кузнецова Т.П., «Менделеевск РҮХ» ДАССОның баш табибы Сабаев О.В. катнаштылар.
Бүген «Татнефть» ААҖнең һәм Әлмәт шәһ. медсанчастендә медоешманы оештыруның 60-еллыгына туры китерелгән бәйрәм чарасы булды. Тантана залында оешманың иң яхшы белгечләре һәм ветераннары, шәһәр һәм район җитәкчелеге, ТР Сәламәтлек саклау министрлыгының җитәкчелеге, чакырылган кунаклар җыелдылар. Бәйрәмнең хөрмәтле кунакларының берсе – ТР сәламәтлек саклау министры Адел Вафин бүгенге чараны тарихи дип атады, шуның белән ул мизгельнең әһәмиятлелегенә басым ясады.
Бүген ТР Премьер-министры Илдар Халиков Россия Федерациясенең һәм Татарстан Республикасының дәүләт бүләкләрен тапшырды. Хөрмәтләү церемониясе Казан Кремлендә булды.
Татарстанда эш визиты белән – ERES (Exploraciones Radiológicas Especiales S.L.) Испания компанияләре төркеменең делегациясе. Рубен Дэль Посо Ирибаррия җитәкчелегендә делегация прграммасы чикләрендә 2нче номерлы Республика клиник хастаханәсенә, Республика клиник онкология диспансерына, Түбән Кама үзәк район күп профильле хастаханәсенә, «ТР ССМ РКОД» ДАССОның Яр Чаллы филиалына, «ТР ССМ РКОД» ДАССОның Әлмәт филлиалына, Яр Чаллы шәһ. Ашыгыч медицина ярдәме хастаханәсенә, «АВА-КАЗАН» клиникасына һ.б. килеп китү алдан исәпкә алынган киң программа планлаштырылган. Испания ягының визит максаты – бердәм предприятиегә инвестицияләрнең максатчанлыгын билгеләү өчен мәгълүматлар җыю.