ЯҢАЛЫКЛАР

2018 елның 11 июленнән Татарстан Республикасы сәламәтлек саклау министры боерыгы белән «Республика медицина китапханә-мәгълүмат үзәге» ДАУ директоры вазыйфасына Диләрә Камил кызы Швецова билгеләнде.

Татарстан Республикасы буенча Кулланучылар хокукларын һәм кеше иминлеген яклау өлкәсендә күзәтчелек буенча федераль хезмәт Идарәсе белән берлектә Республика СПИД үзәге «Казан компрессор машиналары төзелеше заводы» ААҖ хезмәт коллективы өчен ВИЧ-йогышына аноним экспресс-тест үткәрделәр. Белгечләр зарарлануның профилактикасы һәм куркынычлары турында сөйләделәр һәм тыңлаучылардан булган сорауларга җавап бирделәр. Теләүчеләр ВИЧ-йогышына түләүсез аноним экспресс-тест уздылар. Акция кысаларында үзләренең ВИЧ-статусын 43 кеше белде.

Исегезгә төшерәбез, шулай ук Казан шәһәре яшәүчеләренең һәм кунакларының, Ачык ишекләр көннәре кысаларында Республика СПИД үзәгендә эш көннәрендә 12.00 сәгатьтән башлап 15.00 сәгатькә кадәр Казан шәһ., Н. Ершов ур., 65 адресы буенча түләүсез аноним тест узып, 15 минут эчендә үзләренең ВИЧ-статусын белергә мөмкинлекләре бар.

Йөрәк-кан тамырлары авырулары элеккечә халык үлеменең төп сәбәпләре арасында беренче урында торалар. Кан тамырлары һәм йөрәк авыруларының үсеше куркынычлыгы җәен аеруча арта. Неврологлар билгеләп үткәнчә, йөрәк-кан тамырлары системасы белән проблемалары булган һәр кешедә инсульт килеп чыгарга мөмкин. Өянәктән соң  кичекмәстән табибны чакыртырга мөһим. Авыручы баш авыртуга, көчсезлеккә зарланырга мөмкин, шулай ук еш кына сәбәп булып бит тирәсендә яки берәр кул-аякның сизү сәләтен югалту, сөйләм бозылу, аң югалту тора.

Бүген Зәй шәһәрендә «Зәй тәбибы (Доктор Зай)» округ студент медицина отрядының  хезмәт семестрын тантаналы ачтылар.

Бу беренче округ медицина хезмәт проекты, һәм анда Россия Федерациясенең 9 субъектыннан медицина отрядларының студентлары катнашалар. 2 ай дәвамында яшьләр Зәй муниципаль районының ҮРХдә кече һәм урта медицина персоналы сыйфатында эшлиячәкләр.

Отряд рухын һәм студентларның илһамын күтәрү өчен сәламләү сүзләре белән Идел буе федераль округының студентлар отряды штабының командиры Ислаев Василий Филипп улы, социаль мәсьәләләр буенча Башкарма комитетының җитәкчесе Чапков Александр Владимир улы, «Зәй ҮРХ» ДАССУ баш табибы Амеров Рим Риф улы һәм «РСО» ЯГРҖОның үзәк  штабында студент медицина отрядларының җитәкчесе Сидорова Кристина Анатолий кызы чыгыш ясадылар. Шулай ук яшьләргә булышлык күрсәтергә җирле отрядлар вәкилләре  килделәр. Аларның  санында «Легенды 17» СПО булды. Аның комиссары - Марк Салмин – үз штабының гимнын җырлады. Аннары «Зәй тәбибы» ОСМОның һәр студентына путевка бирелде,  димәк, алар өчен җәйге хезмәт семестрына старт бирелде.

Бүген Рональд Макдональд Йортында БРКХ кечкенә пациентлары  һәм аларның әти-әниләре өчен «Яшелчә смузи, снэклар, яшелчә ролл» дигән кулинар мастер-класс узды, анда балалар үзләрен өлкән пешекчеләр ролендә сынап карый алдылар.

Казан шәһ. Азык-төлек һәм социаль туклану департаменты һәм Балалар республика клиник хастаханәсе мастер-классның оештыручылары булдылар.

Кухня пычаклары, такталар һәм блендер белән коралланып, департаментның һәм клиниканың хезмәткәрләре балалар белән бергә тәмле һәм файдалы төшке аш хәзерләделәр. Балалар капкалап һәм ял итеп алганнан соң, алар алдында диетолог Наталия Ефимова дөрес туклану турында лекция белән чыгыш ясады.

Яңа Чишмә муниципаль районында «Ирләр сәламәтлеге атналыгы» акциясе узды. Акция кысаларында атна дәвамында предприятиеләрдә эшләүче ирләр уролог консультациясен алырга, лекцияләр тыңларга, үзләренең кан басымы дәрәҗәсен белергә, ЭКГ ясатырга мөмкин иделәр. 45 яшьтән өлкәнрәк ирләр ПСАга кан тапшырдылар.

Актив атна Яңа Чишмә ҮРХ баш табибы Рәфис Вафин чыгышыннан башланды. Район администрациясенең киңәшмәсендә ул ирләрнең сәламәтлек буенча хәлләре:  проблемалар һәм хәл итү юллары турында сөйләде. Велосипедлар ярышы белән «Ирләр сәламәтлеге атнасы» эстафетасы Чирмешән районына тапшырылды.

Татарстанда мәсьәләләр, шикаятьләр һәм гражданнарның тәкъдимнәре буенча «Халык тикшерүе», ТР сәләмәтлек саклау Министрлыгының бердәм тәүлек буе эшли торган «кызу линия» телефоны, шулай ук интернет-кабул итү бүлмәсе сәләмәтлек саклау Министрлыкның сайтында «Гражданнар мөрәҗәгатьләре» бүлегендә эшлиләр.

«Тормыш бүләк ит миңа» акциясе кысаларында Гаилә, мәхәббәт һәм тугрылык көненә багышланган КМТТУ (КХТИ) студентлары өчен «Студенческая» №21 Шәһәр сырхауханәсе» ДАССУнең һәм «Республика медицина профилактикасы үзәге» ДАССУнең хезмәткәрләре, шулай ук  КДМУ «Сәламәтлек Академиясе» яшьләр иҗтимагый хәрәкәте тарафыннан «Яшел наратлык» спорт-сәламәтләндерү лагерында  абортларны профилактикалауга  юнәлдерелгән чаралар комплексы оештырылды. Әлеге мәсьәләнең зур әһәмияткә ия булуын аңлап, студентлар сырхауханәсе студентлар яшьләре арасында теләмәгән йөклелекне кисәтү буенча профилактик эшне даими рәвештә үткәрә.

Студентларга  абортлардан соң барлыкка килгән проблемалар турында, шулай ук контрацепция чаралары турында җентекләп сөйләделәр. Шулай ук егетләргә дә аерым игътибар бирелде, чөнки теләмәгән йөклелекне булдырмау өчен ике партнер да җаваплы – бу проблема хатын-кызларныкы гына түгел, ирләрнеке дә.

Очрашу әңгәмә форматында узды: студентлар күп сораулар бирделәр. Акциянең максаты – абортларның зыяны турында мәгълүматлаштыру гына түгел, ә гаиләнең һәм ана булуның традицион кыйммәтләрен саклау да.

Исегезгә төшерәбез, «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, атасының исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.

«Яшел каникуллар» балалар программалары студиясе белән берлектә Казан ДМУ 6-8 сыйныф укучыларын «Медицина каникуллары» профильле сменасына чакыра, ул 2018 елның 12-26 августында Тирән күл ял базасында узачак. 2017 елның июнендә Казан ДМУ малайларны һәм кызларны «Медицина каникуллары» профильле сменасына беренче тапкыр җыйды. Программа республиканың гомуми белем бирү мәктәпләренең  6-8 сыйныф укучылары өчен махсус эшләнде. Ике атна дәвамында укучылар һөнәр сайлауның психологиясе белән таныштылар, үзләренең психологик үзенчәлекләрен өйрәнделәр, гадәтләрнең төрле модельләрен «киеп карадылар» һәм аларның нәтиҗәлелеген бәяләделәр. Нәтиҗәдә, күбесе үзләренең табиб булырга карарларында инандылар, ә кемдер әлегә психологик яктан бу сайлауга әзер түгеллеген аңлады.