ЯҢАЛЫКЛАР
Мәскәүдә «Йогышлы булмаган авырулар һәм халыкның сәламәтлеге» дигән Бөтенроссия фәнни-гамәли конференциясе узды.
Докладлар белән Россия Федерациясенең, БДБ илләренең һәм ерак чит илләрнең әйдәүче экспертлары чыгыш ясады.
«Сәламәтлек саклау» һәм «Демография» милли проектларын гамәлгә ашыруның төп юнәлешләре, җәмәгать сәламәтлеген ныгытуның һәм хроник йогышлы булмаган авыруларны профилактикалауның хәзерге заман аспектлары каралды, моннан тыш, белгечләр профилактик медицина тикшерүләрен үткәрү, өлкән халыкны диспансерлаштыру һәм диспансер күзәтүен үткәрү тәртибе турында фикер алыштылар.
Меланоманы диагностикалау көне вакытында 50 түбәнкамалы үз миңнәрен дерматологларда тикшерде, аларның икесе онкологка өстәмә тикшерүгә җибәрелде.
Лениногорск муниципаль районында «Бердәм Россия көне» региональ проектын гамәлгә ашыру чикләрендә «Сәламәт мәктәп» профилактик акциясе үткәрелә.
Акциядә «Республика медицина профилактикасы үзәге» ДАССУнең белгечләре катнаша. Укучылар алдында гигиена тәрбиясе буенча табиб чыгыш ясады. Ул сәламәт туклану принциплары һәм сәламәт яшәү рәвешен алып бару кагыйдәләрен үтәүнең мөһимлеге турында сөйләде.
Шулай ук медицина реабилитациясе бүлегенең табибы тарафыннан мәктәп укучыларын осанканың бозылуларын ачыклау өчен профилактик карап тикшерү уздырылды.
ТР ССМ Балалар Республика клиник хастаханәсенә, ТР сәламәтлек саклау министры Марат Садыйков, КДМУ ректоры Алексей Созинов, КДМА директоры Рөстәм Хәсәнов озатуында, Россия Федерациясе Сәламәтлек саклау министры урынбасары Татьяна Семенова килеп китте.
Баш табиб Айрат Зиатдинов җитәкчелегендәге клиниканың администрациясе кунакларны клиниканың структур бүлекчәләре: консультатив реанимация үзәге, ангиография, компьютер томографиясе, кардиохирургия бүлекләре, кардиохирургия һәм нейрохирургия операция блогы, яңа туган балаларны реанимацияләү бүлеге белән таныштырды.
Кунаклар шулай ук «Рональд Макдональд йорты» түләүсез кунакханәсен һәм БРКХ җирлегендә урнашкан КДМУның госпиталь педиатрия кафедрасына килеп киттеләр.
Татьяна Семенова клиниканың эш процессы оештырылуының югары дәрәҗәсен билгеләде һәм клиниканың хезмәткәрләренә киләчәк үсеш һәм һөнәри уңышлар теләде.
2019 елның 24 маеннан 7 июненә кадәр Казанда .Горький исемендәге ҮКһЯПда «Тире: ай пейзажы» фотокүргәзмәсе узачак. Күргәзмәнең төп максаты – псориаз кебек авыруларның проблематикасына җәмәгатьчелек игътибарын җәлеп итү, шулай ук аның иртә билгеләре һәм Казан шәһәре халкы арасында авыруны диагностикалауның мөһимлеге турында белемнәрне күтәрү. Фотокүргәзмә макросъемкадан файдаланып төзелгән пациентларның тиресенең аерым өлешләренең 10 рәсеменнән тәшкил итә.
20 майда конференция Казан һәм Санкт-Петербургтан лекторлар катнашуында беренчел буын табиблары (терапевтлар, онкологлар, хирурглар, урологлар, гинекологлар) өчен «ТР ССМ РКОД» ДАССУнең Әлмәт филиалында оештырылды. Очрашуда катнашучыларны Әлмәт онкодиспансерының баш табибы Сергей Карамаликов сәламләде.
20 майда Россиядә Меланоманы диагностикалау көне билгеләнә. Меланома – тирдәге миңнән үскән яман шеш. Бу яман шеш авыруы хәзер бөтен җирдә дә киң таралган. Кызганычка каршы, аңа төрле яшьтәге кешеләр тартыла. Хатын-кызлар әлеге авыру белән ир-атларга караганда ешрак очраша.
23-25 майда Казанда халыкара катнашуы белән «Авырту медицинасы: аңлаудан эш итүгә» XXV Россия фәнни-гамәли конференциясе узачак.
16 майда И. Н. Ульянов исемендәге Чуаш дәүләт университетының медицина факультетында «Вакансияләр ярминкәсе» узды. Мәктәпне тәмамлаучылар һәм ординаторлар белән очрашуга Чуваш Республикасыннан гына түгел, күрше регионнардан да медицина оешмаларының вәкилләре килгән иде.
13-17 май көннәрендә Түбән Кама бала тудыру йортында булачак әниләр өчен экскурсияләр марафоны узды. Аны үткәрү идеясе йөклеләрнең әлеге чараларга карата зур кызыксынуы аркасында барлыкка килде.