Татарстан Республикасы Министрлыклары Татарстан Республикасы Сәламәтлек саклау министрлыгы

ЯҢАЛЫКЛАР

июнь, 2015 ел

пәнҗешәмбе

Зәй районында Чыбыклы модульле ФАПның тантаналы ачылуы булды

Зәй муниципаль районында «2012–2016 елларга Татарстан Республикасы халкына беренчел медик-санитар ярдәмне камилләштерү программасы» буенча төзелгән Чыбыклы модульле фельдшер-акушерлык пунктының тантаналы ачылуы булды. Яңа объектның ачылу церемониясендә Зәй муниципаль районы Башкарма комитетының җитәкчесе Кәримов Р.Г., «Зәй РҮХ» ДАССОның баш табибы Әмеров Р.Р. катнаштылар. ТР сәламәтлек саклау министры исеменнән Яр Чаллы шәһ. Сәламәтлек саклау идарәсенең җитәкчесе Боенко Е.А. чыгыш ясады.

Чистай шәһәрендә «Подаграны диагностикалау һәм дәвалау үзенчәлекләре» дигән мастер-класс булды

РФдә подагра белән авырулар саны соңгы унеллыклар буена берничә тапкыр арткан һәм өзлексез үсүне дәвам итә. Бу авыруның үзенчәлеге буыннарның зарарлануларыннан башка пациентларда артериаль гипертония ( 36–41% очракларда), метаболик синдром (72%), симерү һәм дислипидемия очрыйлар. Подагра белән авыручыларның иң зур күпчелеге (2/3кә кадәр) атеросклероз белән бәйле йөрәк-кан тамырлары авыруларыннан үләләр.

июнь, 2015 ел

чәршәмбе

4–5 июньдә Казанда «Инновацион сәламәтлек саклауның технологияләре» (ИССТ) дигән XIV Халыкара фәнни-гамәли конференция булачак

Булачак конференция – сан буенча инде 14нче, һәм бу еллар эчендә конференциянең темасы – хәзерге заман инновацион технологияләрне куллану ярдәмендә сәламәтлек саклауның нәтиҗәлелеген арттыру – бөтен Россиядән, якындагы һәм ерактагы чит илләрдән йөзләп белгечләрне тартып, аны һөнәри берләшмәләр өчен билгеле вакыйга итеп ясады. Бу елда конференциядә 300дән артык катнашучы, шул санда Россиянең 50дән артык регионы, шулай ук Германиядән, Казахстаннан, Кыргызстаннан, Нидерландлардан, Норвегиядән, Чехиядән, Швейцариядән һ.б. илләрдән кунаклар катнашачаклар.

Адел Вафин: «Дәвалауның уникаль методикасын үзләштерү өчен сигез регионнан нейрохирурглар Казанга килде – безнең өчен бу республика нейрохирургиясенең үсеш дәрәҗәсен раслау»

Бүген Казанда VII Бөтенроссия нейрохирурглар корылтаеның тантаналы ачылуы булды. VII Бөтенроссия нейрохирурглар корылтаеның эше бер көн алдан башланды. Чараның беренче көнендә мәктәпләр, белем бирү цикллары, мастер-класслар, шулай ук Россиянең нейрохирурглар берләшмәсенең утырышы булдылар.

Балтач РҮХнең хезмәткәрләре районның элемтә бүлегендә акция уздырдылар

Йөрәк-кан тамырлары авырулары белән көрәш елының чаралары чикләрендә «Балтач РҮХ» ДАССОның хезмәткәрләре районның элемтә бүлегендә акция уздырдылар. Элемтә бүлегенең 28 хезмәткәренә «Сәламәт кеше – сәламәт милләт – сәламәт дәүләт» темасына лекция укылды, артериаль кан басымын, авырлыкны, буйны үлчәү уздырылды, тәннең масса күрсәткече билгеләнде. Шундый ук акция районның эчке эшләр бүлегендә уздырылды һәм район халкы өчен ФАПларда уздырырга планлаштырыла.

Мордовия Республикасы Сәламәтлек саклау министрлыгы делегациясенең «4нче Шәһәр сырхауханәсе «Студенческая» ДАССОна килеп китүе

Бүген «4нче Шәһәр сырхауханәсе «Студенческая» ДАССОна Казан шәһ. Сәламәтлек саклау идарәсенең җитәкчесе Әхмәтов Рамил Уел улы озатуында Мордовия Республикасы Сәламәтлек саклау министрлыгының делегациясе килеп китте. Оешманың административ составы делегация әгъзаларын структур бүлекчәләрнең: регистратураның, ашыгыч ярдәм блогының, функциональ һәм нур диагностикасы кабинетлары белән аякка бастыру-дәвалау бүлегенең, пациентлар үтү логистикасының, электрон чират системасының – эше белән таныштырды. Аерым пункт буларак психологик ярдәмне күрсәтүче «Отражение» Яшьләргә дус булучы клиника тәкъдим ителде. Кунаклар бу юнәлешнең актуальлеген билгеләделәр.

Йөрәк-кан тамырлары авыруларын (ЙКТА) профилактикалау – сәламәтлекләре турында кеше аңларын үзгәртүгә юнәлгән көндәлек эш

«Биектау РҮХ» ДАССОның хезмәткәрләре ЙКТА профилактикалау буенча һәм риск факторлары турында халыкка мәгърифәт тарату буенча эшне дәвам итәләр.

Тәмәке төтененнән башка

«Бөтендөнья тәмәке төтененнән башка көненә» туры китерелгән профилактик ункөнлек чикләрендә Чирмешән район үзәк хастаханәсенең гомуми практика табиблары Чирмешән с. 1 нче, 2нче номерлы мәктәпләрендә укучылар арасында «Тәмәке тартуның зыяны турында» темасына лекция уздырдылар. Лекцияне 66 укучы тыңлады, лекция чикләрендә тәмәке тартуның зыяны турында листовкалар таратуы оештырылды. Атнаның ахырына кадәр Чирмешән районының бөтен яшьләр үзәкләрендә шундый чараларны уздырырга планлаштырыла.

Казанда VII Бөтенроссия нейрохирурглар корылтае ачыла

Үткән корылтайлар Екатеринбургта, Түбән Новгородта, Санкт-Петербургта, Мәскәүдә, Уфада, Новосибирскта уздырылдылар. VII Бөтенроссия нейрохирурглар корылтае иң элек нейрохирургиянең бөтен хәзерге заман бүлекләре буенча мәгънәле белем бирү программасы буларак планлаштырыла. Нейрохирургия хезмәтен, баш мие травмасы бүлеген, кан тамырлары нейрохирургиясен, нейроонкологияне, арка мие нейрохирургиясен, балалар нейрохирургиясен, функциональ нейрохирургияне оештыру мәсьәләләре турында фикер алышачаклар.

июнь, 2015 ел

сишәмбе

Казанда «ВИЧ һәм гепатитларның лаборатор диагностикасының һәм терапиясен күзәтүнең көнүзәк мәсьәләләре» дигән фәнни-методик семинар булды

Бу көннәрдә Казанда «ВИЧ һәм гепатитларның лаборатор диагностикасының һәм терапиясен күзәтүнең көнүзәк мәсьәләләре» дигән фәнни-методик семинар булды. Семинарда РФнең төрле регионнарыннан 60 артык кеше катнашты, шул санда полиомиелит институтының директоры Михайлов М.Н., Мәскәү, Санкт-Петербург һ.б. шәһәрләрнең медицина оешмаларының лаборатор бүлекләренең җитәкчеләре. «ТРда ВИЧ-йогышларының көнүзәк мәсьәләләре» дигән доклад белән «ТР ССМ СПИД һәм ЙА РПКҮ» ДАССОның баш табибы Н.И. Галиуллин чыгыш ясады. Анда булган ресурсларны рациональ куллану буенча һәм аеруча финанс-икътисадый кризис шартларында сыйфатның ирешкән дәрәҗәсен саклау шартында эшне оптимизацияләү буенча лаборатор хезмәтнең бурычлары билгеләнделәр.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ