ЯҢАЛЫКЛАР

Бүген Республика йогышлы авырулар хастаханәсендә 5 яшьлек бала үлеме очрагы теркәлде. Алдан бирелгән мәгълүматлар буенча, балада көчле йогышлы авыру булган. Ата-аналары авыруның икенче көнендә медицина ярдәмен сорап мөрәҗәгать иттеләр. Ашыгыч ярдәм күрсәтү бригадасы чакыруга 15 минуттан соң килеп җитте, 30 минуттан соң бала Республика клиник йогышлы авырулар хастаханәсенә китерелде, анда аның йөрәк эшчәнлеге туктады. Йогышлы авырулар хастаханәсенең белгечләре реанимация чараларын уздырдылар, ләкин баланың тормышын саклап калып булмады.

Үлемнең ахыргы сәбәбе ярып карау нәтиҗәләре буенча билгеләнәчәк.

Югары медицина технологияләре белем бирү үзәгендә дәвалау-профилактикалау оешмаларының медицина хезмәтләрен күрсәтү сыйфатын җитәкчеләренең идарә итү осталыкларын камилләштерү исәбенә күтәрүгә юнәлдерелгән «Медицина оешмасында нәтиҗәле идарә итүне төзү» дигән өч көнлек мастер-класс узды. Аны сыйфат менеджменты, аккредитация һәм билгеләү өлкәсендә шөгыльләнә торган танылган халыкара класслы экспертлар уздырдылар. Укыту барышында катнашучыларга медицина оешмасында сыйфат менеджментының системасын урнаштыру вакытында җитәкчеләрнең төп мәсьәләләре белән, эчке каршылык күрсәтүне җинеп чыгу һәм хезмәткәрләрнең җаваплылыгын күтәрү механизмнары белән танышырга мөмкинлек тәкъдим ителде.

Бүген Яр Чаллы шәһ. «КБМҮ» ДАССОнда йомгаклау киңәшмәсе узды. Эш нәтиҗәләре турында доклад белән хастаханәнең баш табибы Тимур Мөбәрәкшин чыгыш ясады.

Аның сүзләре буенча, узган елда медицина оешмасында бала табу саны 29,2% артты. Бу уздырыла торган бала табуны арттыруга юнәлдерелгән Дәүләт программалары белән, шулай ук хезмәт күрсәтү районын киңәйтү белән һәм бала табучыларны КБМҮнең перинаталь үзәгенә күчереп берничә бала табу йортын ел эчендә көндәлек йогышсызландыру өчен ябу белән бәйләнгән.

2012 елның 20 гыйнварыннан «КБМҮ» ДАССО эчендә Перинаталь диагностика үзәге эшли башлады, анда 2013 елда 7498 хатын-кыз тикшерелде.

Киңәшмә барышында Тимур Мөбәрәкшин 2013 елда КБМҮнең Балалар хастаханәсендә 3134 оператив тыкшыну үтәлде дип искә төшерде. Алардан 332 – ашыгыч оператив тыкшыну.

Балалар сырхауханәсе буенча узган елда авырулар саны структурасында беренче урында сулыш алу әгъзаларының авырулары тора, аннары – ашкайнату әгъзаларының һәм  нерв системасының авырулары.

Бүлек җирлегендә өйдә күрсәтә торган амбулатор хоспис ярдәменең күчмә бригадасы оештырылды.

Гади медицина  хезмәтләрен үтәү технологиясенең стандарты үзгәртелде (балалар турында).

Татарстан Республикасы Сәламәтлек саклау министрлыгы «Яңа туган баланы биләү» дигән гади медицина хезмәтен үтәүнең технологиясенә үзгәртүләрне кертү турында боерык проектын эшләп чыгарды. Бу технологияне гамәлгә ашыру яңа туган баланы тиңләштерүнең дөреслеген тәэмин итәргә һәм бала табу оешмаларында яңа туган балаларны алмаштыру очракларын бетерергә рөхсәт итәчәк.

Боерык проекты турында фикер алышуда катнашырга чакырабыз.

Бүген Балалар Республика клиника хастаханәсендә БРКХ җитәкчелегенең Яр Чаллы шәһ. «Кама балалар медицина үзәге» ДАССО җитәкчеләре төркеме белән беренче очрашулары узды.
Очрашу барышында Татарстан Республикасы Балачак хезмәтенең ике әйдәүче медицина оешмасының тәэсир итешүләре турында сөйләшү булды. Атап әйткәндә, яклар сабыйлар үлеме санын киметү сораулары, медицина ярдәмен күрсәтүнең сыйфаты, Яр Чаллы шәһ. «КБМҮ» ДАССОның хезмәт күрсәтү зонасының киңәюе белән бәйле республикада яшәүче балаларга реанимация, хирургия, неонатология, офтальмология ярдәмнәрен күрсәтү турында фикер алыштылар.
Кунаклар БРКХнең реанимация-консультация үзәгенә, яңа туган балаларның һәм җитлекми туганнарның реанимация һәм патология бүлегенә, кечкенә яшьтәге балалар өчен булган хирургия бүлегенә, кабул итү-диагностика блогына килеп киттеләр.
Ахырда Татарстан Республикасы балаларына медицина ярдәмен күрсәткәндә тәэсир итешү регламенты турындагы икеяклы килешүгә кул куелды.

Концерт Бөтендөнья онкология авырулы бала көнендә – 15 февральдә узачак. Бу инде ТР Дәүләт симфоник оркестрының һәм маэстро Александр Сладковскийның дүртенче концерты. Бөтен җыелган акчалар Татарстан Республикасында Беренче балалар хосписын төзү өчен Анжела Вавилова исемендәге Фондка күчереләчәк.

Төрле елларда анда актриса Чулпан Хамматова, телетапшыруларны алып баручылар Лилия Гильдеева,  Дмитрий Нестеров, Ольга Лаврова, Роман Ерыгин катнаштылар. Бу концертлар аркасында 10 млн сумга якын акча җыелды.

Җәй көнне төзелә башлаган хоспис бинасында бүген вент-фасад эшләре бара. Иң якын көннәрдә эчке эшкәртү башланачак. 1 июньдә беренче чиратны (18 яшькә кадәрге балалар өчен 12 урынлы 10 палатаны)  тапшырырга планлаштырыла. Хоспис  төзүнең гомуми бәясе 154,2 млн сум тәшкил итә. Бүгенге көнгә 99 млн сум акча җыелган. Беренче һәм икенче чиратларны җибәрергә тагын 70 млн кирәк (икенче чират тагын өлкән кешеләр өчен булган 19 урынлы 10 палатаны тәшкил итәчәк).

Рөстәм Миңнеханов Аксубай РҮХнең бала табу бүлегенә килеп китте. Аксубай район үзәк хастаханәсенең капиталь ремонт ясалган акушер бүлеге 317 кв.м. бинада урнашкан һәм 19 койкага исәпләнгән. Капиталь ремонтның бәясе 4,5 млн сум тәшкил итте, шулай ук җиһазлар һәм мебель 2,5 млн сумга сатып алынган, шул санда үпкәләрне вентиляцияләү аппараты, яңа туган балалар өчен кювезлар, җылыту белән кечкенә карават, фето-монитор һәм Республика клиник хастаханәсе белән элемтәгә керү өчен монитор, шул монитор ярдәмендә РКХ белгечләре көчле авырый торган яңа туган балаларны күзәтү алып барачаклар.