Кешеләргә ярдәмгә беренче булып килүчеләр турында

2025 елның 29 апреле, сишәмбе

Ел саен 28 апрельдә Россиядә ашыгыч медицина ярдәме көне – авыр хәлдә калган кешеләргә ярдәмгә беренче булып килгән табиблар, фельдшерлар, шәфкать туташлары, машина йөртүчеләре һәм диспетчерларның һөнәри бәйрәме билгеләп үтелә.

Алабуга район үзәк хастаханәсендә ашыгыч медицина ярдәме станциясендә 86 кеше эшли – бу шәһәр һәм район кешеләренең гомерләрен саклап калучы һәм ашыгыч медицина ярдәме күрсәтүче профессионаллар командасы.

Алабуга район үзәк хастаханәсенең ашыгыч ярдәм хезмәткәрләре тәүлек буе халык сәламәтлеге сагында тора, чакыруларга оператив җавап бирә һәм иң катлаулы һәм ашыгыч хәлләрдә квалификацияле медицина ярдәме күрсәтә.