Туктаган йөрәккә зур булмаган кисем аша өч операция ясаганнар: Ашыгыч медицина ярдәме хастаханәсе хирурглары митраль клапаны эшләмәгән 67 яшьлек ир-атны коткарган
Бүген мондый миниинвазив операцияләр, уникаль технологияләр кулланып, республикада Ашыгыч медицина ярдәме хастаханәсендә генә башкарыла.
Фидәрис Низаметдинов элек врачларга йөрәгеннән зарланмый иде. “Сәбәбе булмады, һәрвакыт үземне яхшы хис иттем, спорт белән шөгыльләндем, актив тормыш рәвеше алып бардым, – ди. Барысы да бер көндә үзгәрде”. Ир-ат баскычтан өенә менгәндә, хәле киткәнен сизгән: тыны кысылган, һава җитмәү, түбән кан басымы... өйгә кайткач ук ашыгыч ярдәм чакырткан.
«Мине Ашыгыч медицина ярдәме хастаханәсе реанимациясенә алып килделәр, миңа яхшырак булгач, йөрәк УЗИ ясадылар. Аннан соң мөдир Рәмис Әнвәрович мине операциягә әзерләргә кушты", - дип искә ала Фидәрис Фәметдинович.
Татарстан Республикасы Сәламәтлек саклау министрлыгының штаттан тыш баш кардиохирургы Рәмис Якубов: "Үзенчәк шунда ки, мондый миниинвазив операцияләрне башкару күләме чикләнгән. Без бер зур булмаган юл аша - 10 сантиметрлы кисем аша берьюлы өч катышу уздырдык. Пациентның йөрәгенә "ял итәргә" мөмкинлек бирү өчен, без ясалма кан әйләнешен тоташтырдык. Аннары эшләми торган митраль клапанны протезга алыштырдылар. Моның белән параллель рәвештә, өч капкачлы клапан җитешсезлеге сәбәпле, аның пластикасын үткәрделәр. Шуннан соң пациентта аритмия учаклары тапканнар. Һәм махсус җиһазлар ярдәмендә криоабляция башкардылар – криозонд очы белән сул йөрәгалды эчендә һәм эпикардта (йөрәк тышчасын тәшкил итүче тышкы катлам) сызыклар ясадылар һәм бу участокларны катырдылар. Шул рәвешле без аритмия учакларының алга таба таралуын кире кактык».
Криоабляция нигезендә гадәттән тыш түбән температура (-70°С ка кадәр) тәэсире ярдәмендә дәвалау ята.
Операцияләр тәмамлангач, ясалма кан әйләнешен сүндерәләр, һәм пациентның торгызылган йөрәге, ике сәгатьтән соң, яңа көч белән тибә башлый.
Видео сылтамада: видео здесь