Мобиль медицина бригадасы Поповка табиблык амбулаториясендә авыл халкына тикшерү үткәрде
3 майда "Дәвамлы һәм актив тормыш" илкүләм проекты кысаларында Поповка, Алексеевка, Удмурт Ташлы, Татар Кандызы, Югары Фоминовка һәм Измайлово авылларында яшәүчеләр Баулы районының Поповка табиблык амбулаториясендә тар белгечләрдә комплекслы медицина тикшерүе узу мөмкинлеге алдылар.
Мобиль бригада составында табиблар эшләгән:
Офтальмолог - күрү сәләтен тикшерү, күз авыруларын диагностикалау, диспансер күзәтүендә торучы пациентларны кабул итү;
Кардиолог - йөрәк-кан тамырлары системасының хроник авырулары буенча ЭКГ үткәреп консультацияләр;
Отоларинголог - колакны, тамакны, борынны тикшерү, хроник авыруларны ачыклау;
травматолог – терәк-хәрәкәт аппараты авырулары буенча консультацияләр;
Гинеколог - хатын-кызларны профилактик тикшерү, шул исәптән репродуктив сәламәтлекне бәяләү кысаларында, хроник авыруларны ачыклау.
Мондый формат ярдәмендә ерак авылларда яшәүчеләр озак сәфәрсез һәм чиратсыз белгечләрдән консультацияләр ала алдылар, аларны бары тик район үзәк хастаханәсендә генә карап була.