Республика тире-венерология диспансеры табибы Бөгелмә филиалына командировкадан кайтты
Пациентларны кабул итүдә ярдәм итү кысаларында Бөгелмә тире-венерология диспансерына Казан шәһәренең «Республика тире-венерология клиник диспансеры» ДАССУның 1 нче поликлиника бүлегеннән табиб-дерматовенеролог Гобәйдуллина Гөлнара Октябровна җибәрелде.
Бер ай эчендә, 18 июньнән 18 июльгә кадәр, ул дерматологик һәм венерик авырулар белән авыручы 960 пациентны кабул итте.
Шулай ук хәрби комиссариаттан чакырылучыларны кабул итте, Бөгелмә район үзәк хастаханәсендә стационар дәваланучы пациентларга, Бөгелмә балалар хастаханәсе балаларына консультацияләр бирде, балаларга сәламәтләндерү лагерьларына барыр алдыннан профилактик тикшерүләр үткәрде.
Гөлнара Гобәйдуллина диспансер хезмәткәрләренә медицина документациясен рәсмиләштерү, электрон документ әйләнеше, диагностика һәм дәвалауның яңа ысулларын кертү таләпләре буенча методик ярдәм күрсәтте.
