2025 – нәтиҗәләр. 2026 – яңа ориентирлар. Профессор М.З. Сигал исемендәге ТР ССМ Республика клиник онкология диспансерында йомгаклау медицина советы
Профессор М.З. Сигал исемендәге ТР ССМ Республика клиник онкология диспансерында учреждение эшенә нәтиҗәләр ясауга һәм киләсе елга өстенлекле бурычларны билгеләүгә багышланган йомгаклау медицина советы уздырылды.
Утырышта катнаштылар:
• Татарстан Республикасы Сәламәтлек саклау министры Альмир Рәшит улы Абашев
• ТР Дәүләт Советының Социаль сәясәт комитеты рәисе Алексей Станиславович Созинов
• Татарстан Республикасы Министрлар Кабинеты Аппаратының Сәламәтлек саклау, яшьләр сәясәте, спорт һәм туризм идарәсе башлыгы Раушан Булат улы Зарипов
• профессор, ИФО штаттан тыш баш белгеч-онкологы, РФА әгъза-корреспонденты, КДМА директоры Рөстәм Шамил улы Хәсәнов.
Медицина советы эшендә шулай ук Татарстан Республикасы Сәламәтлек саклау министрлыгы вәкилләре, муниципаль берәмлекләр башлыклары, республика медицина оешмаларының баш табиблары һәм амбулатор онкология ярдәме үзәкләре җитәкчеләре катнашты.
Видеоконференцэлемтә режимында утырышка диспансерның Чаллы һәм Әлмәт филиаллары коллективлары, шулай ук республика медицина оешмаларының беренчел онкология кабинетлары табиблары кушылды.
Учреждение эше нәтиҗәләре турында төп доклад белән Профессор М.З. Сигал ис. ТР ССМ РКОД баш табибы Марат Фәнис улы Мөхәммәдиев чыгыш ясады.
Марат Фәнисович үз чыгышында диспансер эшчәнлегенә йомгак ясады, хирургия ярдәме үсешен, диагностика һәм дәвалауның хәзерге заман технологияләрен кертүне, шулай ук югары технологияле медицина ярдәме мөмкинлекләренең киңәюен билгеләп үтте.
«Татарстан Республикасы онкология хезмәтенең 2025 елдагы эш йомгаклары һәм 2026 елга бурычлары турында» доклад белән шулай ук ТР ССМ штаттан тыш баш белгеч-онкологы Эдуард Вильданович Нагуманов чыгыш ясады.
Татарстан Республикасы Сәламәтлек саклау министры Альмир Рәшит улы Абашев медицина советында катнашучыларга мөрәҗәгать итеп, онкология хезмәте алдында җитди бурычлар торуын билгеләп үтте һәм диспансер коллективына эшләре өчен рәхмәт белдерде:
«Диспансер коллективына һөнәри осталыгыгыз һәм республика халкы өчен көн саен башкарган зур хезмәтегез өчен рәхмәт белдерәм».
Традиция буенча йомгаклау медицина советының иң күңелле өлеше булып Профессор М.З. Сигал ТР ССМ РКОД хезмәткәрләрен бүләкләү тантанасы булды, аларга чакырылган кунаклар һәм учреждениенең баш табибы мактаулы бүләкләр һәм Рәхмәт хатлары тапшырды.
Соңыннан ТР Дәүләт Советының Социаль сәясәт комитеты рәисе Алексей Станиславович һәм диспансерның баш табибы Марат Фәнисович оешма хезмәткәрләрен якынлашып килүче Халыкара хатын-кызлар көне белән котладылар, онкодиспансерның зур командасының йөрәген һәм күңелен нәкъ менә хатын-кызлар тәшкил итүен билгеләп үттеләр.
