Форумны уздыруның яңартылган даталары Татарстан Республикасы Министрлар Кабинетында оештыру комитеты утырышында яңгырады
"Эшлекле программаның күләме, катнашучылар саны, фикер алышуларның тирәнлеге буенча без ел саен алга барабыз", - дип билгеләп үтте Оештыру комитеты рәисе, РФ Цифрлы үсеш, элемтә һәм массакүләм коммуникацияләр министры Максут Шадаев.
Форумның халыкара өлеше көчәйтеләчәк.
"2026 елда 70тән артык ил вәкилләрен кабул итү планлаштырыла. Шулай ук акселерация программасын үткәрү планлаштырыла, ул Халыкара технологик проектларны Татарстан экосистемасына интеграцияләүне дәвам итәчәк һәм Россия компанияләре белән эшлекле элемтәләр урнаштыруга ярдәм итәчәк", - диде Рифкать Миңнеханов, Татарстан Республикасы Фәннәр академиясе президенты, форумны әзерләү һәм уздыру буенча оештыру комитеты рәисе урынбасары.
Яңалыклар форум күргәзмәсенә дә кагылачак, аны 20 000 кв. метрга кадәр киңәйтү планлаштырыла.
"Без форумны югары халыкара дәрәҗәдә уздыруны, конструктив диалогны, Татарстанның һәм бөтен Россиянең цифрлы киләчәге өчен яңа идеяләр һәм проектлар барлыкка килүне гарантиялибез", - дип билгеләде Татарстан Республикасы Рәисе Рөстәм Миңнеханов.
Традиция буенча "ИТ Лидер" конкурсы, IT-белгечлек студентлары өчен вакансияләр ярминкәсе, массакүләм мәгълүмат чараларында материалны иң яхшы яктырту конкурсы, Kazan Digital Legends хакатоннар марафоны, стартаплар аллеясына проектларны сайлап алу конкурсы узачак. Форумның эшлекле программасы 10 тематик юнәлешне үз эченә ала.
Kazan Digital Weekта теркәлү: https://kazandigitalweek.com/ru/site