Татарстан Сәламәтлек саклау министрлыгы хезмәткәрләре гриппка каршы прививка ясатты
Бүген Татарстан Сәламәтлек саклау министрлыгы хезмәткәрләре гриппка каршы вакцинация уза. Профильле ведомство вәкилләре үз мисаллары белән грипп авыруының традицион үсеше алдыннан (гадәттә көз – кыш көне билгеләнә) организмны саклауның иң ышанычлы ысулы булуын күрсәтәләр.
Татарстан Республикасы сәламәтлек саклау министрының беренче урынбасары Елена Демьянова: "бездә вакцинация кампаниясе дәвам итә. Халкыбызның сәламәтлеген саклау өчен без республика халкының кимендә 60%на прививка ясатырга тиеш. Грипп авыр формада булырга мөмкин, бигрәк тә өлкән яшьтәге пациентларда һәм хроник авырулары булганнарда».
Исегезгә төшерәбез, грипп йоктыру куркынычы югары булган төркемнәргә шулай ук мәктәп һәм башка мәгариф оешмалары укучылары, медицина һәм мәгариф учреждениеләре, социаль өлкә хезмәткәрләре һәм үз эшчәнлекләре буенча күпсанлы кешеләр белән элемтәдә торучы башкалар керә.
Гриппка каршы прививканы ел саен ясатырга кирәк, вакцина составы актуаль штаммнар турындагы фаразга туры китереп ел саен яңартыла.
Гриппка каршы бушлай прививканы яшәү урыны буенча поликлиникаларда ясарга мөмкин. Моннан тыш, прививка кампаниясен уздыру чорында прививка ясату күчмә бригадалары эшли, алар уку яки эшләү урынында вакцинация үткәрә.
Кечкенә яшьтәге балаларны саклау максатында гриппка каршы вакцинация 6 айдан башлана, ә бу яшьтән кечерәк булган балаларны бала белән тыгыз элемтәдә торучы затларга (шул исәптән имезүче аналарга) вакцинацияләү ярдәмендә сакларга кирәк.
Вакцинация табиб тикшергәннән соң, кире күрсәтмәләр булмаганда, алдан язылмыйча үткәрелә.
Сентябрьдән ноябрьгә кадәрге чор – грипп сезоны дәвамында саклаячак иммунитет булдырырга өлгерү өчен вакцинацияләү өчен оптималь вакыт.
21 сентябрьгә республикага барлыгы 707 980 доза вакцина кайтарылган, шул исәптән 365 000 доза кичә килгән.