Госпиталь тирәлекнең йогышлы хәвефсезлеге. Киләчәкнең технологияләре

Татарстан Республикасы Сәламәтлек саклау министрлыгының булышлыгында ЮМТ белем бирү үзәгенең җирлегендә халыкара катнашу белән фәнни-практик конференция узды. Конференциянең төп темасы «Госпиталь тирәлекнең йогышлы хәвефсезлеге» булды. Конференциядә дәвалау оешмаларының йогышлы хәвефсезлеген тәэмин итүдә хәзерге заман стандартлары мәсьәләләре һәм медик-профилактикалау профиленең белгечләрен база хәзерләвенең мәсьәләләре турында фикер алышынды.Чараны оештыручылар булып Казан дәүләт медицина академиясе, КДМУ һәм Татарстан Республикасының Госпиталь эпидемиологларының ассоциациясе чыктылар. Пленар утырышны ТР ССМның дезинфектология буенча баш штаттан тыш белгече, РКДҮнең эпидемиология бүлеге мөдире Валентина Шарафутдинова ачты. Ул дәвалау-профилактик чараларда йогышсызландыру чараларын практик гамәлгә ашыруның көнүзәклеге турында сөйләде. Сүз йогышсызландыру чараларын дөрес үткәрмәүне булдырмау хакында, шулай ук дәвалау-профилактикалауның белгечләре арасында «Дезинфектология» белгечлеге буенча профессиональ хәзерләүне уздыру турында барды.

Аннан соң үзенең чыгышында йогышсызландыру профилендә кадрлар хәзерләү мәсьәләләре турында м.ф.к., РФ ССМ КДМА ӨПББ ДБББОның эпидемиология һәм йогышсызландыру кафедрасының мөдире В.А.Трифонов сөйләде.

Конференциядә госпиталь эпидемиологлары, медицина оешмаларының баш шәфкатъ туташлары, шулай ук КДМУның профильле кафедраларының белгечләре катнашты. Докладлар белән Мәскәүдән, Сарансктан һәм Германиядән белгечләр дә чыгыш ясадылар.