Татарстанның Сәламәтлек саклау министрлыгы «Җиңү хакына» дигән истәлек китабын чыгаруга әзерли

Германия өстеннән Советлар Союзының Бөек Җиңүенең 70-еллыгына Татарстанның Сәламәтлек саклау министрлыгы «Җиңү хакына» дигән истәлек китабын чыгаруга әзерли. Бу китап медикларның батырлыгы турында: кем санитар инструкторлары сыйфатында немец илбасарларына каршы сугыш кырларында геройларча сугышкан, беренче медицина ярдәмен күрсәткән, медсанбатларда, полк һәм батальон пунктларында, армия һәм тыл эвакогоспитальләрендә хезмәт иткән, кем миллион тормышларны коткарган һәм сафка кайтарган. Редакцион совет рәисе – сәламәтлек саклау министры Адел Вафин.

Бу китапның дөньяга чыгуы вакыт белән таләп ителгән, зур кызганычка каршы Бөек Ватан сугышында җиңүне яулап алган ветераннар акырынлап тормыштан китәләр.

Бөек Ватан сугышының медиклары-катнашучылары турында материаллар җыюда республиканың сәламәтлек саклауның киң өлкәсенең хезмәткәрләре катнашты: Казан шәһ., шәһәрләрнең һәм районнарның дәвалау-профилактика оешмаларының җитәкчеләре.

Шулай ук сугыш вакытында оешмаларның эше турында мәгълүматны Медицина хезмәткәрләре профсоюзының Республика комитеты, Республика кан җибәрү үзәге, «Россия Кызыл Хач» җәмәгать оешмасы, медицина училищелары, Казан шәһ. дәвалау-профилактика оешмалары тәкъдим иттеләр. Республика һәм беренчел Медицина хезмәткәрләренең ветераннар советлары актив ярдәм күрсәттеләр.

Китап өчен «Казан дәүләт медицина университеты» ЮҺББ ДБББОсы, Россия Федерациясе Сәламәтлек саклау министрлыгы һәм «Казан медицина академиясе» ӨҺББ ДБББОсы белән бирелгән материаллар кулланылды. Бик мөһим ярдәмне Татарстан Республикасы сәламәтлек саклауның хөрмәтле ветераны, Бөек Ватан сугышында катнашучы  Татьяна Андрей кызы Емелина күрсәтте.