Казанда Төрекмәнстанның сәламәтлек саклау һәм медицина сәнәгасы министры урынбасары эш визиты белән булды
Бүген Казанда Төрекмәнстанның сәламәтлек саклау һәм медицина сәнәгасы министры урынбасары Атаев Ашыр Маммедораз улы булды.
Визит программасы чикләрендә Татарстан Республикасы сәламәтлек саклау министры урынбасары Ринат Җәләлдинов озатуында
кунак «Медицина фәне үзәгенең» Инжиниринг үзәгенә, Республика клиник онкология диспансерына, шул исәптән Төш үзәгенә, Республика клиник хастаханәсенә, Югары медицина технологияләренең белем бирү үзәгенә, Балалар республика клиник хастаханәсенә килеп китте. Шулай ук Татарстанның сәламәтлек саклау министры Адел Вафин озатуында Ашыр Атаев 7нче шәһәр хастаханәсенә килеп китте. Анда ул кабул итү-диагностика бүлегенең (күзәтү бүлмәләренең, УТТ кабинетларының, компьютер томографының), шулай ук ашыгыч медицина ярдәмен күрсәтү өчен операция бүлмәсенең эшләре белән танышты. Вертолет мәйданчыгы, анестезиология һәм реанимация бүлеге, операция блогы күрсәтелделәр.