Адел Вафин: «Минем өчен бик мөһим: безнең дәвалау оешмаларыбызга өч елдан соң эшләргә кем килер!»

Бүген ТР ССМ «7нче Шәһәр клиник хастаханәсе» ДАССОда «МЕДИЦИНА ЮГАРЫ УКУ ЙОРТЫНДА ПРОИЗВОДСТВО  ПРАКТИКАСЫ. ОФЫКЛАРНЫ КИҢӘЙТҮ» дигән уку-гамәли студентлар конференциясенең йомгаклау утырышы булды. Анда практиканы узу вакытында алынган тәҗрибә һәм күнекмәләр белән уртаклашу өчен Барнаул, Ижевск, Казан, Түбәнге Новгород кебек шәһәрләрдән иң яхшы студентлар җыелдылар.

Конференцияне ТР Сәламәтлек саклау министрлыгы, проф. И.А.Студенцова исемендәге Студентлар фәнни җәмәгатьчелеге, Халыкара мәгариф һәм хезмәттәшлек үзәгенең, Татарстан медицина студентлары ассоциациясе ярдәмендә һәм катнашуында Казан дәүләт медицина университеты оештырды.

Сәламләү сүзе белән студентларга һәм аларның остазларына Татарстан Республикасы сәламәтлек саклау министры  Адел Вафин мөрәҗәгать итте. Үзенең чыгышында ул тармакның кадрларга, әлбәттә, талантлы һәм квалифицияле белгечләргә, кирәксенүе никадәр турында билгеләде.

Конференция эшендә шулай ук КДМУ ректоры А.С. Созинов, халыкара эшчәнлек буенча КДМУ проректоры А.У. Җиһаншин, ТР ССМ «7нче Шәһәр клиник хастаханәсе» ДАССОның баш табибы М.Н.Садыйков, Казан шәһәренең медицина оешмаларының, КДМУда укучы «Балык бистәсе РҮХ», «Аксубай РҮХ», «Яшел Үзән РҮХ» ДАССОларының җитәкчеләре һәм практик табиблары катнаштылар. Конференция барышында КДМУ студентлары докладлар белән чыгыш ясадылар.