Адел Вафин: «Кешеләр, ниһаять, үз сәламәтлекләренә игътибар итүләре өчен, без халыкка хәбәр итүнең бөтен мөмкин юлларын кулланырбыз!»
Татарстан Республикасында йөрәк-кан тамырлары авырулары мәсьәләсе буенча эш оештыру турында бүген Министрлар кабинетында брифингта сөйләделәр. Моның турында Татарстанның сәламәтлек саклау министры Адел Вафин һәм республиканың Сәламәтлек саклау министрлыгының баш кардиологы Альберт Галявич сөйләп бирделәр.
Адел Вафин Россиядә, шул санда Татарстанда, үлем санының төп сәбәбе булып йөрәк-кан тамырлары авырулары тора, дип билгеләде.
Бу күрсәткечләрне киметү өчен республикада узган биш-алты ел эчендә «Татарстан йөрәге» исеме астында, үзенә югары технологияле алымнарны керткән концепция Сәламәтлек саклау министрлыгы белән гамәлгә ашырылды. Узган ел нәтиҗәләре буенча, берничә күрсәткәчләр буенча, Татарстан Европа илләренең күрсәткәчләренә якынайды. Мәсәлән, ел эчендә 3300 артык коронар стентлау, алар арасында 60 проценттан артыгы ашыгыч коронар стентлау, уздырылды. Узган ел эчендә стентлау саны 15 процентка артты.
Татарстанның сәламәтлек саклау министры фикере буенча, халыкның үлем санын киметү өчен беренче планга профилактика медицинасы чыгарга тиеш. Министрга республиканың баш кардиологы Альберт Галявич та ярдәм итте: «Бу гомумсоциаль һәм дәүләт мәсьәләсе, һәм медицина көчләре белән генә монда эш итеп булмый».
Илнең Президенты 2015 елны йөрәк-кан тамырлары авырулары белән көрәшү елы дип игълан итте. Бөтен дәрәҗәләрдә чаралар планы эшкәртелде, составына 16 төрле министрлыкның һәм ведомствоның җитәкчеләре һәм вәкилләре кергән координацион совет оештырылды.
«Министр буларак, минем бурычым – йөрәк-кан тамырлары авыруларының килеп чыгу риск факторлары турында мәгълүматны һәр йортка, һәр республикада торучыга җиткерергә», – дип басым ясады Адел Вафин.
Республиканың баш табибы сөйләгәнчә, мәгълүматны җиткерү формасы төрле булачак.
Исегезгә төшерәбез, берничә көн алдан ТР ССМ «Вафинвотмоедавление» хештегы белән Инстаграмда инде 300дән артыграк кеше катнашкан акцияне җибәрде, ә үзләренең кан басымы күрсәткәчләрен 70тән артык кеше җибәрде.
«Кешеләр, ниһаять, үз сәламәтлекләренә игътибар итүләре өчен, без халыкка хәбәр итүнең бөтен мөмкин юлларын кулланырбыз!», – дип министр ахырда әйтте.