ЯҢАЛЫКЛАР

Балалар республика клиник хастаханәсенә биостатистика кафедрасының профессоры Глеб Хайнацки һәм медицина хезмәтләрен тикшерү һәм идарә итү кафедрасының профессоры Фернандо Вилсон составында Небраска Университетының (АКШ) делегациясе килеп китте.

Баш табиб Айрат Зиатдинов башлыгында клиниканың администрациясе чит ил кунакларын Республика балаларына югары технологияле медицина ярдәмен күрсәтүнең бик яхшы базасына хуҗа булучы БРКХнең күп профильле структурасы белән таныштырды.

Балалар республика клиник хастаханәсендә «Педиатрия» белгечлек буенча квалификация күтәрүнең күчмә дәресләр циклы  уза

Циклны «Н.И. Пирогов исемендәге Россия милли тикшеренү медицина университеты» ЮББ ФДБББУ өстәмә һөнәри белем бирү факультетының «Сырхауханә һәм социаль педиатрия» кафедрасы уздыра. Бу цикл Татарстан Республикасы балаларына медицина ярдәмен күрсәтүнең сыйфатын яхшырту максатында үткәрелә.

Дәресләрдә түбәндәге мәсьәләләр турында фикер алышачаклар: балаларның иммунопрофилактикасы һәм вакцинопрофилактикасы, көнүзәк мәсьәләләр, социаль педиатрия мәсьәләләре һәм аларны чишү юллары. Белгечләр алдында «Н.И. Пирогов ис.РМТМУ» ЮББ ФДБББУ өстәмә һөнәри белем бирү факультетының «Сырхауханә һәм социаль педиатрия» кафедрасының профессоры Валерий Юрий улы Альбицкий, медицина фәннәре докторы, РФ атказанган фән эшлеклесе, «Н.И. Пирогов ис.РМТМУ» ЮББ ФДБББУ өстәмә һөнәри белем бирү факультетының «Сырхауханә һәм социаль педиатрия» кафедрасының доценты, укыту бүлеге мөдире, медицина фәннәре докторы Н.А. Березнева һәм башкалар күп сыешлы лекцияләр белән чыгыш ясаячаклар.

ТР ССМ Республика клиник онкология диспансерының хезмәткәрләре Русфонд тарафыннан оештырылган «Үлемнән коткар – сөяк мие доноры бул» акциясенә кушылдылар. Акцияне гамәлгә ашыру рак, лейкоз, нәсел авырулары белән авыручы меңләгән бала һәм өлкәннәрнең гомерен саклап калырга ярдәм итәчәк.

Татарстанда Россия Федерация Сәләмәтлек саклау министрлыгының «ВИЧка тест: Экспедиция»  дигән Бөтенроссия акциясе дәвам итә.

 Татарстан Республикасы акциядә катнашкан егерме беренче регион булды. Акциянең максаты – кешеләргә ВИЧ-йогышы турында мәгълүматны җиткерү, үзеңне һәм якыннарыңны сакларга ярдәм итү, җирле халыкның игътибарын проект тематикасына җәлеп итү һәм тест үтүгә этәргеч булу. Мобиль тест үткәрү пунктлары  иҗтимагый урыннарында урнашканнар. Ул пунктлар ВИЧка экспресс-тестларын түләүсез һәм аноним  тапшырырга, шулай ук тестка хәтле һәм тесттан соң консультацияләр алырга  мөмкинлек бирәчәк.

ТР сәламәтлек саклау министры Марат Садыйков КФУның Университет клиника комплексына килеп китте. Ул КФУ ректоры Илшат Гафуров һәм баш табиб Альмир Абашев озатуларында  медицина оешмасының мөмкинлекләре һәм ремонт эшләре барышы белән танышты.

Казан шәһәрнең ашыгыч ярдәм станциясы машина йөртүчесе Николай Лигафеев хезмәт стажының 50 еллыгын билгеләп үтте. Хезмәт итү юбилее белән аны баш табибы Фәрит Галәветдинов котлады. Николай Семен  улы 1968 елдан бирле ашыгыч ярдәм машинасында шофер булып эшли. Эш вакытында бер юл-транспорт һәлакәте дә аның гаебе белән   булмады.  Хезмәттәшләре аны машина яшь  йөртүчеләр өчен үрнәк дип саныйлар һәм ярдәмчеллекләре өчен рәхмәт әйтәләр.

Аның эше тормышка ашу зур өлеше булды, анда ул белем багажын, һөнәри тәҗрибә һәм ышанычлы дусларын булдырды. Николай Семенов улына  нык сәламәтлек, күңел көрлеге, гаилә бәхете һәм муллык телибез.

2018 елның 18 сентябрендә 10.00 сәг. Казан дәүләт медицина университетында Татарстан Республикасы Сәламәтлек саклау үсешенең мәгълүмати-методик һәм эксперт-аналитик тәэмин итү өлкәсендә ТР Сәламәтлек саклау министрлыгы, ТР ТММИФ, ТР Росздравнадзор, КДМУ һәм КДМА арасында Уртак эшчәнлек турында килешүгә кул куелды.

«Россия балалары – 2018» ведомствоара операциясе кысаларында Чистай шәһәре РҮХнең  белгечләре  «Сәламәт яшәү рәвеше –  уңышлы киләчәк нигезе» акциясен уздырдылар.

Ул чара исерткеч эчемлекләр куллануга сәләтле, шулай ук табиб-наркологта профилактик учетында торучы балигъ булмаганнар арасында аңлату-профилактик эшен активлаштыруга һәм сәламәт яшәү рәвешен популярлаштыруга юнәлдерелгән иде.

2018 елның 21 сентябрендә Казан шәһәрендә  “Паллиатив ярдәм. Һөнәри осталык һәм шәфкать аша тормыш сыйфатына” дигән  Бөтенроссия конференциясе узачак.