ЯҢАЛЫКЛАР
30нчы марттан башлап 5 апрельгә кадәр Казанның ашыгыч ярдәм хезмәте табиблары кешеләрне коткарырга 8443 тапкыр, шул санда җәмәгать урыннарына 1198 тапкыр чыктылар. Бәхетсезлек очракларына медиклар 922 тапкыр, шул санда юл-транспорт һәлакәтләренә 35 тапкыр чыктылар. Шул ЮТҺдә 32 кеше зыян күрде, 14 кеше дәвалау оешмаларына китерелде. Бала табуларга Казанның Ашыгыч медицина ярдәме станциясеннән медиклар 12 тапкыр чыктылар. Төрле авырулар буенча 6811 чакыру үтәлде, алар арасында көчле миокард инфарктлары – 41, баш мие кан әйләнешенең көчле бозылулары –204.
Узган атна белән чагыштырганда чакырулар саны 111гә артты (авырулар, бәхетсезлек очраклары, җәмәгать урыннарына һәм бала табуларга чакырулар исәбенә). Чакырулар саны көчле миокард инфарктлары буенча – 3кә, баш мие кан әйләнешенең көчле бозылулары буенча – 2гә, янгыннар буенча – 15кә, ЮТҺ буенча – 1гә, бала табулар буенча – 30га артты. Җәмәгать урыннарына чакырулар саны 13кә артты.
Исегезгә төшерәбез, «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103» (түләүсез). Әгәр шалтыратып булмый икән, тормышка куркыныч янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын тиз итеп җибәрү өчен һәм үз вакытында медицина ярдәмен күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш.
Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.06.04.2015 ел. 8.00 сәгатькә халәт буенча Казанның стационарларында «Адмирал» СҮдә булган янгында зыян күргән 1 кеше ята. Пациент канәгатьләнерлек хәлдә ЭЭМ госпиталендә ята.
04.04.2015 ел. 8.00 сәгатькә халәт буенча Казанның стационарларында «Адмирал» СҮдә булган янгында зыян күргән 1 кеше ята. Пациент канәгатьләнерлек хәлдә ЭЭМ госпиталендә ята.
Барысы «Татарстан Республикасы Сәламәтлек саклау министрлыгының Республика суд-медицина экспертизасы бюросы» ДАССОна 14 гәүдә һәм 3 фрагментланган үлек тапшырылды, тикшерелде һәм танылды.
3 апрельдә Югары медицина технологияләренең белем бирү үзәгендә Татарстан Республикасының Хирург көне булды.
2015 елда Олимпиадада 52 команда катнашты – бу Россиянең медицина югары уку йортларының һәм Кытай, Болгария, Белоруссия һәм Казахстан университетларының командалары.
3 апрельдә ТР Дәүләт советының депутаты Илсөя Мезикова Түбән Кама районының үзәк хастаханәсенә барып кайтты. Ул Бөек Ватан сугышы ветераннары һәм аларга тиңләштерелгән шәхесләр дәвалана торган палаталарны карап чыкты.