ЯҢАЛЫКЛАР

2014 елның 14 апреленнән башлап 18 апреленә кадәрТатарстан Республикасында кан һәм кан компонентларының донорлары саны 1379 кеше тәшкил итте, шул санда беренчел – 378 кеше, кабаттан баручылар – 1001 кеше. Күрсәтелгән периодта донациялар саны 1379 литр тәшкил итте, шул санда түләүсез нигездә – 1379 литр.

Спасс ҮРХ һәм КДАТУда Донор көннәре уздырылды, анда 178 донор катнашты. Шулай ук милли Донор көненә багышланган акция уздырылды, анда донорлар саны 87 кеше ташкил итте.

Бөтен Россия буенча 20 апрельдә билгеләнә торган Милли донор көнен бәйрәм итү алдыннан Казан шәһәрендә донор акциясе узды. Бу көнне 87 кеше донор булды, кан банкы 35 литрдан артык донор каны белән тутырылды. Акциянең һәр катнашучысына беренче донация турында исемле таныклыклар, Милли донор көнне белән котлый торган ачык хатлар  һәм истәлекле значоклар һәм бүләкләр бирелделәр.

РКХ табиблары Санкт-Петербургның В. А. Алмазов исемендәге Федераль үзәгенең белгече, м.ф.д. Михайлов Е.Н. белән бергә «Джонсон һәм Джонсон», Биосенс Вебстер компанияләренең ярдәмендә йорәк ритмлары бозылуларның төрле сылтаулары буенча тыкшынуларның аз инвазив алымнары ярдәмендә йорәкләрдә 4 операция уздырдылар.

Уздырган операцияләрнең спецификасы аз инвазив югары технологияле ярдәмне куллануда гыйбәрәт булды. Операцияләр ультратавышлы тикшерү белән өчкә бүленә торган навигацион нефлюороскопик система Carto 3 ярдәмендә уздырылды.

Шимбә көн 19 апрельдә 10сәг.45мин. «Россия 1 Татарстан» телеканалында «Сәламәт булыгыз!» программасының чираттагы чыгарылышын карагыз. Программаның төп темасы бавыр авыруларын профилактикалауга, аерым алганда алкоголь һәм дару гепатитына багышлана. Бавырның эшләве, риск факторлары һәм даруларны тикшерүсез эчү нәтиҗәләре турында нәрсә белергә кирәк. Бавырны диагностикалауның үзәнчелеге нәрсәдә һәм бавырның функцияләрен ни кадәр еш тикшергә кирәк. Программада 7нче номерлы ШКХ әйдәүче белгечләренең аңлатмалары һәм интервьюлары. Бу һәм башка мәсьәләләр турында «Россия 1 Татарстан» телеканалында шимбә көнне 19 апрельдә 10сәг.45мин. «Сәламәт булыгыз!» программасының махсус чыгарылышында  карагыз.

Татарстан мөнәсәбәтләре, стандартлары һәм амбицияләре шартларында иң яхшы чит ил үрнәкләренә туры килгән, медицина оешмаларында сыйфатны һәм идарә итүне яңартуның өзлексез эшли торган системасын оештыру кирәклеге турында бүген Татарстан Республикасы Премьер-министры Илдар Халиков «Медицина оешмаларында сыйфат һәм рискларны тикшерү» дигән II Халыкара конференция ачылуында хәбәр итте.

Бүген Казанда башланучы конференция – ТР Сәламәтлек саклау министрлыгының һәм Югары медицина технологияләре белем бирү үзәгенең бердәм проекты.

Ачылуда ТР сәламәтлек саклау министры Адель Вафин, Росздравнадзорның Халыкка медицина ярдәмен күрсәтү сыйфатын дәүләт тикшерүен оештыру идарәсе башлыгы урынбасары Сергей Ковалев, җәмгыятьчелек сәламәтлегенең Милли ФТИның фәнни эшләр буенча директор урынбасары Александр Линденбратен һәм төрле дәрәҗәдәге сәламәтлек саклау оешмалары белән идарә итүне оптимизацияләүгә юнәлгән проектлар буенча директор Радомир Бошкович катнаштылар.

2014 елның 18 һәм 19 апрелендә гадәттәгечә ел саен була торган «Офтальмологиядә яңа технологияләр» фәнни-гамәли конференциясе булачак, анда Татарстан Республикасыннан гына түгел, Россиянең дә башка шәһәрләреннән офтальмолог-табиблар җыелачаклар.  

Көтелгән катнашучылар саны –  400-500 кеше

Конференциянең оештыручылары: «Татарстан Республикасы Сәламәтлек саклау министрлыгының Республика клиник офтальмология хастаханәсе», Татарстан Республикасының Офтальмологлар җәмгыяте.

ТР сәламәтлек саклау министрының боерыгы белән «Республика наркология диспансеры» ДАССОның баш табиб вазыйфасына Әхмәтҗанов Илгиз Илдар улы билгеләнде.

20 апрельдә Россиядә иҗтимагый мөһим бәйрәмнәрнең берсе – Милли донор көне билгеләнә. Бу көн, беренче чиратта, донорларга – бөтенләй таныш булмаган кешеләрнең сәламәтлек һәм яшәү игелеге өчен үз каннарын түләүсез биргән кешеләргә багышлана.

«Татарстан Республикасы Иҗади яшьләр академиясе» Җәмәгатьчелек оешмасының актив кешеләренең инициативалары буенча Татарстан Республикасы Сәламәтлек саклау министрлыгының Республика кан үзәгенең катнашуында һәм Казан дәүләт архитектура-төзелеш университеты җитәкчелегенең булышлыгында 2014 елның 18 апрелендә Милли донор көненә багышланган донор акциясе булачак.

Акциядә  һәрбер теләгән, 18 яшькә җиткән һәм кан бирүгә каршы күрсәткәчләр булмаган РФ гражданины  катнаша ала. Акциянең һәр катнашучысына исемле донор таныклыклары һәм истәлекле бүләкләр биреләчәкләр.