ЯҢАЛЫКЛАР

Әгерҗе районының Бима саласында яңа фельдшер-акушерлык пунктының  ачылу тантанасы узды. Районда ул президент программасы кысаларында төзелгән унынчы ФАП булды. Ачылуда Әгерҗе районының башлыгы урынбасары Ришат Нурисламов, «Республика кан үзәге» ДАССУнең баш табибы Рамил Тураев, Яр Чаллы шәһ. сәламәтлек саклау идарәсе җитәкчесе Олег Сабаев, Әгерҗе үзәк район хастаханәсенең баш табибы Эдуард Овчинников, җирле халык катнаштылар.

Казанның 21нче номерлы шәһәр сырхауханәсендә учреждение эшен,  шул санда халык белән икеяклы бәйләнешне яхшыртуга юнәлдерелгән пациентлар комитеты оештырылды. Сырхауханә җитәкчелеге катнашуында комитет җыелышы айга бер тапкыр үткәрелә, анда килүчеләрне борчыган төрле сораулар турында фикер алышалар – бинадагы тәртиптән башлап кадрлар мәсьәләләренә кадәр.

Түбән Кама үзәк район күп профильле хастаханәсендә 1нче номерлы хирургия бүлегенең ремонты тәмамланды. Хирургия бүлеге  урнашкан 3нче номерлы дәвалау корпусын 1984 елда эксплуатациягә керттеләр. Шуннан бирле бүлектә ремонт өлешчә үткәрелде. Нәкъ менә шуңа күрә хастаханә администрациясе агымдагы ремонтны бүлекнең ремонтланмаган өлешендә уздырырга дип карар кабул итте. Хәзер анда бөтен санитар нормалар һәм таләпләр үтәлгән. Билгелик, 1нче номерлы хирургия бүлеге иң мөһим бүлекләрнең берсе булып тора. Ел саен ТКҮРКПХнең ике хирургия бүлегендә 4 меңнән артык кеше оператив дәвалауны уза. 2017 елда лапароскопик холецистэктомия, герниопластика, аппендэктомия кебек эндоскопик операцияләрнең төрләрен үткәрә башладылар. Панкреонекроз булганда азинвазив операцияләр, бавыр кисталарын эндоскопик алдыру. Елга 300дән артык пациентка операция ясыйлар. Шулай ук хирурглар югары технологияле операцияләр үткәрәләр: кан тамырларында ике этаплы операция, бот аорталарын шунтлау, бот-тез асты шунтлау.

Быел симпозиумның  темасы – «Баш миенең функциональ авыруларын, күз патологияләрен, үпкә яман шешен һәм сөт бизен дәвалауда стереотаксик радиохирургия һәм радиотерапия. Балалар радиохирургиясе».

Республика клиник хастаханәсенә Алтай крае делегациясе килеп китте, аның составында Алтай крае сәламәтлек саклау министры урынбасары Константин Гордеев һәм Алтай крае Сәламәтлек саклау министрлыгының олы кешеләргә һәм балаларга медицина ярдәмен оештыру бүлегенең башлыгы Жанна Вахлова килделәр.

Казанда эш визиты белән Медицина фәннәре университетының делегациясе (Истанбул шәһ., Төркия) килде. Делегация составында Медицина фәннәре университетының тышкы элемтәләр буенча проректоры, доктор Садреттин Пенче, Медицина фәннәре университетының Евразия сәламәтлек һәм социаль фәннәр үзәге директоры Айнур Фейзиоглу, Медицина фәннәре университетының Азия-Тын океан сәламәтлек һәм социаль фәннәр үзәге директоры Магфирет Абдувели, Медицина фәннәре университетының биохимия кафедрасы хезмәткәре Пенче Халиме Ханым, Медицина фәннәре университетының симуляцион үзәге директоры Сарачоглу Кемал Толга булдылар.

Башкала кунаклары программасында Казанның әйдәп баручы медицина инжиниринг үзәкләренә һәм республиканың университетларына бару каралган.

Татарстанның сәламәтлек саклау министрлыгында ТР сәламәтлек саклау министры урынбасары Илдар Фатыйхов делегация белән очрашты. Очрашу барышында яклар Татарстанда белем бирү программаларын тормышка ашыру турында фикер алыштылар һәм  шулай ук үзара аңлашу турында меморандумнар төзү мөмкинлеген карадылар.

«Белем бирү һәм фәнни-тикшеренү эшчәнлеге өлкәсендә илләр һәм университетлар арасында мөнәсәбәтләрне ныгытырга рөхсәт итүче нәтиҗәле хезмәттәшлеккә өметебезне белдерәбез», – дип билгеләп үтте Медицина фәннәре университеты Евразия сәламәтлек һәм социаль фәннәр үзәгенең директоры Айнур Фейзиоглу.

Шуны билгеләргә кирәк, Медицина белемнәре университеты 1903 елда оештырылды. Ул Төркия Республикасында беренче һәм бердәнбер медицина профилендәге югары белем бирүнең дәүләт учреждениесе булып тора. Университетның миссиясе – сәламәтлек саклауның милли системасы таләпләренә һәм халыкара стандартларына җавап бирерлек профессионаллар хәзерләү, медицина өлкәсендә фундаменталь һәм гамәли фәнни тикшеренүләр булдыру, шулай ук халыкка медицина ярдәмен оештыру өчен шартлар тәэмин итүче ватанның технологик базасын оештыру.

Университет халыкара хезмәттәшлектә актив катнаша, шул исәптән югары белем һәм фән өлкәсендә бердәм проект эшчәнлегендә. Аерым алганда, университет Төркия чигеннән тышта филиаллар ачу һәм чит ил партнерлары белән бердәм программаларны тормышка ашыру вәкаләтләренә ия.

2018 елның  13–14 апрелендә «Корстон» КСККда «Офтальмологиядә яңа технологияләр» дигән ел саен уздырыла торган традицион Бөтенроссия фәнни-гамәли конференциясе узачак. Конференциядә офтальмологиянең көнүзәк мәсьәләләре, югары технологияле операцияләр, күз авыруларын дәвалауның өр-яңа методикалары турында фикер алышачаклар.

Казанның 5нче номерлы балалар стоматология сырхауханәсенең хезмәткәрләре «Сәламәт елмаюлар» КДМУ волонтерлары белән бергә дәрес үткәрделәр, анда алар балаларга стоматология авырулары һәм авыз куышлыгының гигиенасын үтәүнең мөһимлеге турында сөйләделәр. Шулай ук авыз куышлыгының түләүсез профилактик карап тикшерүен үткәрделәр. Аерым алганда, кариесның таралганлыгына тикшерделәр, гигиена индексын билгеләделәр һәм тешләрнең кариес белән зарарлануының көчлелеген күрсәтүче КПУ исәпләделәр. 8дән алып 11 яшькә кадәр балаларда КПУ уртача күрсәткечләрнең зурлыгы 3,86 тәшкил итте – димәк, мондый күрсәткеч булганда кариес көчлелегенең дәрәҗәсе уртача булачак.

Казан сәүдә-офис үзәкләренең берсендә «Гомер миллилитрлары» донор акциясе узды. Инде традициядә булган хәйрия акциясенең катнашучылары иртәнге 8 сәгатьтән үк җыела башлаган үзәкнең хезмәткәрләре һәм килүчеләре булдылар. Тормыш өчен кирәкле компонентлар белән кан запасларын арттыру өчен бушлай уртаклашырга теләүчеләр шактый булып чыкты, ләкин, кызганычка каршы, аларның кайберләре төрле сәбәпләр аркасында медицина отводын алдылар: гәүдә авырлыгы җитеп бетмәүдән башлап күптән түгел кичерелгән авыруларга кадәр. Республика кан үзәгенең хезмәткәрләре барлык эндәшкән кешеләргә рәхмәт белдерделәр. Акция йомгаклары буенча, кан банкы 14 литрга тулыланды.

2018 елның 23 апреленнән башлап 29 апреленә кадәр Татарстан Республикасында Европа иммунизация атналыгы узачак. Европа иммунизация атналыгы (ЕИА) – кешеләрнең сәламәтлеге һәм иминлеге өчен иммунизациянең әһәмиятлелеге турында хәбәрдарлыкны арттыруга юнәлдерелгән ел саен үткәрелә торган чара.