ЯҢАЛЫКЛАР

Бүген Казанга Испаниянең  сәламәтлек саклау вәкилләре килделәр. Башкала кунаклары Казанның сәламәтлек саклау беренчел буынының үсеш стратегиясе белән таныштылар, БРКХнең 3нче номерлы балалар сырхауханәсен, «Дуслык сырхауханәсе» проектын гамәлгә ашыра торган 18нче номерлы шәһәр сырхауханәсен карап чыктылар.

ТР Сәламәтлек саклау министрлыгында Казан шәһ. халкына беренчел  медик-санитар ярдәм күрсәтү системасының хәле һәм үсеш перспективалары темасына «түгәрәк өстәл» узды. Утырышны Казан шәһәр думасының шәһәрдә торучыларның сәламәтлеген һәм әйләнә-тирәдәге мохитны саклау буенча даими комиссия Рәисе, «ТР ССМ БРКХ» ДАССО баш табибы Рафаэль Шавалиев ачты һәм утырыш модераторы булып чыкты. Ул комиссия эшенең приоритетлы юнәлешләрен бүлеп чыгарды һәм очрашу катнашучыларын Казанда медицина ярдәмен күрсәтү системасын үстерү һәм камилләштерү буенча тәкъдимнәр хәзерләүдә катнашуга чакырды.

Расланган һәм сәламәтлек саклауга кертелә торган «Дуслык сырхауханәсе» дигән Татарстан стандарты хәзер Яр Чаллы шәһәренең 6нчы номерлы шәһәр сырхауханәсендә гамәлгә ашырыла.

2017 елның 23 гыйнварыннан башлап 29на кадәр Казанның Ашыгыч медицина ярдәме станциясенә 8536 чакыру керде.  Җәмәгать урыннарына 894 чакыру керде. Чакыруларның иң зур саны – 6950– төрле авыруларга, шул санда 159 инсультка һәм 46 инфаркта туры килде. Бала табуларга ашыгыч медицина табиблары 100 тапкыр чыктылар.

Ашыгыч медицина ярдәме хастаханәсе җирлегендә ТР ССМ Республика клиник онкология диспансеры Яр Чаллы филиалының химиотерапия бүлеге ачылды.

Татарстан Республикасына визит чикләрендә Мурманск өлкәсенең Сәламәтлек саклау министрлыгы делегациясе Республика клиник хастаханәсенә килеп китте. Баш табиб Р.Ф.Гайфуллин кунакларны каршылады һәм республика клиникасының эшчәнлеге һәм мөмкинлекләре белән таныштырды. Делегация составында килделәр: Мурманск өлкәсенең сәламәтлек саклау министры Валерий Геннадий улы Петрухин, «П.А.Баяндин исемендәге Мурманск өлкәсе клиник хастаханәсе» ДӨБССО баш табибы Александра Павел кызы Будова һәм «Аппатит-Киров үзәк шәһәр хастаханәсе» ДӨБССО баш табибы Юрий Семен улы Ширяев.

Алабугада шәһәрнең аскы бүлегендәге халыкка хезмәт күрсәтү өчен гомуми практика табибының яңа офисы ачылды. Монда инде яңа хәзерге заман җиһаз урнаштырылды – табибка кадәрге, карау һәм процедуралар кабинетларында. Монда да пациентлар больничный листлар һәм белешмәләр оформить итә алалар яисә кабул итүче белгечләрнең берсенә (Азал Сабирзяновка яки Татьяна Родионовага) электрон язылу терминалы белән файдалана алалар.

Татарстан Президенты Рөстәм Миңнеханов булышлыгында республикада «Иминлек» проекты башлана, аның чикләрендә инде 2017 елда 18,5 меңнән артык укытучыны һәм тәрбияләүчене беренче ярдәм күрсәтү күнекмәләренә өйрәтәләр.

Бүген Казанның 131нче номерлы лицеендә 7нче класс укучылары өчен тәмәке тарту профилактикасы буенча акция узды. Балалар алдында «Гомуми эш» Бөтенроссия җәмәгать оешмасы вәкиле чыгыш ясады – ул тәмәке тарту зарары һәм аның яшүсмер организмына зарарлы тәэсире турында сөйләде. Республика медицина профилактикасы үзәге гигиеник тәрбияләү бүлегенең табибы сәламәт яшәү рәвеше һәм зарарлы гадәттән баш тарту озак елларга сәламәтлекне ныгытуга һәм саклауга булышалар, дип билгеләде.

Мурманск өлкәсе сәламәтлек саклау министрының эш визиты барышында Валерий Перетрухин һәм Мурманск өлкәсенең эре сәламәтлек саклау оешмаларының җитәкчеләре бу көннәрдә кан тамырлары һәм телемедицина үзәкләренең, онкология диспансеры бүлекләренең   эш оештыруының көнүзәк мәсьәләләре буенча һәм башка юнәлешләр буенча Татарстан Республикасы Сәламәтлек саклау министрлыгының эш тәҗрибәсен өйрәнәләр.