Казанда ТАССР сәламәтлек саклавының беренче халык комиссарына мемориаль такта ачтылар
Бүген Казанда ТАССР сәламәтлек саклавының беренче халык комиссары Мохтаров Кашаф Гыйльфан улына багышланган мемориаль такта тантаналы рәвештә ачылды. Мемориаль такта ТАССРның 100 еллыгын бәйрәм итү кысаларында урнаштырылды. Тантаналы чарада сәламәтлек саклау министры Марат Садыков, тармак ветераннары, ТР сәламәтлек саклау министрлыгы хезмәткәрләре катнаштылар. Мемориаль такта урнаштырылган бинада 19 гасыр уртасыннан фармация магистры Фердинанд Грахеныкы булган даруханә һәм даруханә товарлары кибете урнашкан. 1917 елдан соң даруханә миллиләштерелә, ә 1920 елда йортта Сәламәтлек саклау халык комиссариаты урнаша. 1970 нче елларда бинада 6нчы номерлы бала тудыру йорты, ә 1960нчы елдан башлап 19нчы номерлы Шәһәр хастаханәсе һәм бала тудыру йорты урнашкан, даруханә биналарында – хатын-кызлар консультациясе урнашкан. Бүген бу бина реконструкцияләнде, аның чын тарихи йөзе кайтарылды. Һәм Татарстанның сәламәтлек саклавы өчен ул шулай ук әһәмиятле – монда медицина ярдәмен күрсәтүнең Европа стандартларына җавап бирә торган заманча күп профильле медицина (перинаталь) үзәге урнашкан.