ЯҢАЛЫКЛАР

«Бердәм Россия көне» кысаларында Республика медицина профилактика үзәге белгечләре «Буа электр челтәре» -- «Челтәрле элемтә компаниясе» хезмәткәрләренең сәламәтлеген тикшерделәр.

Өч атна дәвамында 40 яшьлек пациент Александр Тукмаков үлемнән бер адымда була. Өченче августта ул Түбән Кама үзәк район хастаханәсенә бик авыр хәлдә барып эләгә. Табиблар экстрен рәвештә 4 операция ясыйлар. Бәхетсезлек пациент Һава десант гаскәрләре көнен бәйрәм иткәндә килеп чыга. Фатир ачкычларын таба алмаган ир урын-җире җәймәләреннән ясалган бау буйлап дүртенче каттан төшәргә уйлый. Түбән Кама кешесе төшеп барганда кинәт ычкынып китеп югарыдан егылып төшә. Егылу сәбәпле, ир күп кенә төрле җәрәхәтләр ала.

Бу көннәрдә, Казанда «Татарстан стандарты - Дустанә сырхауханә» проекты кысаларында, Казан, Яр Чаллы, Түбән Кама һәм Әлмәт шәһәре медицина оешмалары житәкчеләрен, сырхауханәнең яңа эш принципларына укыту уза.

7 нче сентябрьдә В. Г. Тимирясов исемендәге Казан инновацион университетында (ИЭУП) «Мөһим белемнәр көне» мәгълүмати акциясе узачак. Республика СПИД һәм йогышлы авырулар профилактикасы һәм аларга каршы көрәш үзәге белгечләре «Яңа гасыр» хәйрия оешмасы белән берлектә студентларга ВИЧ-инфекция проблемасы һәм профилактикасы турында сөйләячәкләр һәм ВИЧ-инфекциягә экспресс-тест узу мөмкинлеге тудырачаклар.

Бүген Кама балалар медицина үзәге хезмәткәрләре гриппка каршы прививка ясаттылар. Үз үрнәкләрендә табиблар калганнарны вакцинация үтәргә, шул рәвешле үзләрен һәм якыннарын авырудан саклап калырга өндиләр. Вакцинация кертелеп бер-ике атна узгач, иммунитетның саклау функциясе формалаша, шуңа күрә, прививканы нәкъ менә хәзер, сезонлы грипп авырулары һәм ОРВИ күтәрелгәнче, ясату мөһим.

Киләсе сезонга республиканың 40% халкын вакцинацияләү планлаштырылган (Республика буенча 1 559 200, шул исәптән Казан буенча - 502 630 кеше), грипп авыруы һәм ОРВИ куркынычы янаган төркемдә торучы кешеләрнең 75 %. Вакцинация сезонлы авыруларның ешаюын киметү һәм эпидемиядән котылу мөмкинлеген бирәчәк. Бу хакта бүген ТР Министрлар Кабинетында узган брифингта ТР Сәламәтлек саклау министры Адел Вафин, ТР буенча Россия кулланучылар күзәтчелеге идарәсенең җитәкче вазыйфасын вакытлыча башкаручы Марина Трофимова, ТР Сәламәтлек саклау министрлыгы штаттан тыш балалар инфекционисты, КДМУның балалар йогышлы авырулары кафедрасы мөдире Владимир Анохин хәбәр итте.

Татарстанда гражданнарның сораулары, шикаятьләре һәм тәкъдимнәре буенча «Халык контроле», ТР Сәламәтлек саклау министрлыгының тәүлек буе эшли торган «кайнар телефоны», шулай ук ТР Сәламәтлек саклау министрлыгы сайтында интернет-кабул итү бүлеге «Гражданнар мөрәҗәгате» эшли.

Республика балалар клиник хастаханәсендә (ДРКБ) сыйфат менеджменты системаларының эчке аудиторларын әзерләү бунча консультацион-гамәли семинар булып узды. Оешмалар менеджменты системаларын камилләштерү методикасы авторы, Техник көйләү, стандартлаштыру һәм сертификацияләү институтының (ITRC) менеджмент системаларын эшләү һәм гамәлгә кертү юнәлеше фәнни җитәкчесе Максим Екатеринин ГОСТ Р ИСО 9001-2015 таләпләрен тормышка ашыру буенча актуаль мәсьәләләрне яктыртты һәм семинарда катнашучыларның сорауларына җавап бирде.

Вакцинациядән соң иммунитет күпме вакыттан формалаша?

Вакцинациядән соң 14-21 көн узгач, 6-12 ай дәвамында иммунитет грипп авыруларына каршы торуны тәэмин итә. Авырудан йөз процент гарантияне бер генә дәвалаучы яки профилактик препарат та бирми. Вакцинациянең ни дәрәҗәдә ышанычлы саклау функциясенә ия булуы күп төрле факторларга бәйле, шул исәптән, пациентның яше һәм сәламәтлеге, шәхси үзенчәлекләре һ. б. Әмма уртача алганда, 100 кешенең 70-98е грипп белән авырмаган. Грипп белән авырып киткән очракта да,  (100 кешенең 2-30ы), авыру жиңел формада һәм өзлегүләрсез узачак. Шул рәвешле, вакцинация авыр формадагы,  улемгә китеруче чирләргә каршы торуны гарантияли.

Буген Россия Дәүләт Думасы депутаты Айрат Фәррахов Татарстан Республикасы клиник онкология диспансерының нур диагностикасы һәм томотерапия үзәгенең җиһазланышы белән танышты.

Шунысын да әйтергә кирәк, Россиядә 3 томотерапия аппараты эшли, шуларның иң заманчасы Казанда куелган.