ЯҢАЛЫКЛАР

Татарстанда ТР буенча ЭЭМ ДЮХКИ Идарәсе белән, «Сезнең сәламәтлегез» дигән Фәнни-тикшеренү медицина комплексының сомнологик үзәге белән һәм Казан дәүләт медицина университеты белән бергәләшеп  ТР Сәламәтлек саклау министрлыгының Казан шәһ. буенча Сәламәтлек саклау идарәсенең «Руль артында йоклама» пилот проекты башланды.

Арка миен дәвамлы эпидураль стимуллаштыру (SCS-терапиясе) – бу арка миенең арттагы мөгезләре структурасына югары ешлыклы элект тогының йогынтысына нигезләнгән кайбер авыруларның дәвалау алымы. Соңгы 20 ел эчендә арка миен эпидураль стимуллаштыру төрле авырулар белән пациентларны дәвалауның иң таралган хирургик алымы булды. Методика куллануның шушы һәм башка көнүзәк мәсьәләләре турында бүген Балалар республика клиник хастаханәсендә фикер алыштылар. Мастер-класста Барнаул шәһ. Травматология, ортопедия һәм эндопротезлау буенча федераль үзәгенең, Санкт-Петербург шәһ. Г.И.Турнер исемендәге Балалар ортопедик институтының белгечләре һәм БРКХ хезмәткәрләре катнаштылар.

Медицина  университеты Клиникасында диабет белән 64-яшьлек пациентка уникаль операция ясадылар. Татарстанда беренче тапкыр диабет белән авыручыга аяк гангренасы вакытында бот биеклегендә аякны кисеп алу урнына аякның яшәүгә сәләтле тукымаларын һәм кисәкләрен саклап калдырдылар, операциядән соң чорда йогышлар һәм эзлегүләр чыганагы булучылар кисәкләрне алып ташлап. Шулай итеп, пациентның аяк табанын гына кисеп алдылар.

Татарстанда гражданнарны гриппка каршы вакциналау башланды. Моның турында ТР Сәламәтлек саклау министрлыгының иммунопрофилактика буенча баш штаттан тыш белгече Дмитрий Лопушов хәбәр итте. Аның сүзләре буенча, 2017 ел эчендә Татарстанда 1,5 млн артык кешегә прививка ясарга планлаштырыла.

2017 елның 17-18 августында Иннополис шәһәрендә Медицинадагы яшь галимнәрнең «RE:Search» дигән II Халыкара конгрессы узачак. Бу фәнни-белем бирү чарасы. Аның максаты – сәламәтлек саклавында инновацион продуктларны эшкәртү өлкәсендә мәгълүматлар белән алмашу, яшь галимнәр-медиклар өчен россия һәм халыкара грантлы программаларын тәкъдим итү, шулай ук фәнни эшләр һәм инновацион эшкәртүләр конкурсының финалы чикләрендә яшь табиблар проектларын яклау.

Түбән Кама медицина хезмәткәрләре узган якшәмбедә «Яшел фитнес» социаль-спорт хәрәкәтендә катнаштылар. Чара «Гаилә» шәһәр паркында узды. Түбән Кама сырхауханәләренең һәм хастаханәләренең баш табиблары, аларның урынбасарлары һәм хезмәткәрләре үзенең шәхси үрнәге белән халыкка спорт белән шөгыльләнү һәм сәламәт яшәү рәвешен алып бару турында искәрттеләр.

Әлмәттә маштаблы итеп Физкультурник көнен билгеләделәр. Шушы датага туры китерелгән төп күңел ачу чаралары, төрле ярышлар һәм бәйгеләр шәһәрнең өч мәйданчыгында оештырылдылар: шәһәр пляжында, стадионда һәм Татарстан нефтенең 60-еллыгы исемендәге паркында.

2017 елның 7 августыннан башлап 13 августына кадәр Казанның Ашыгыч медицина ярдәме станциясенә 7241 чакыру керде.  Җәмәгать урыннарына 1362 чакыру керде. Чакыруларның иң зур саны – 5454– төрле авыруларга, шул санда 177 инсультка һәм 55 инфаркта туры килде.

«Мәктәпкә җыелырга ярдәм ит» акциясен уздыру чикләрендә Чирмешнән районында, Чирмешән үзәк район хастаханәсенең медиклары акциядә катнашучыларның кан басымын үлчәделәр, йөрәк-кан тамырлары авыруларын профилактикалау мәсьәләсе буенча,  артериаль басымын киметү һәм тикшерү буенча консультацияләр бирделәр. Шулай ук бөтен акциянең катнашучыларына үз-үзеңне тикшерү дәфтәрләрен һәм йөрәк-кан тамырлары авыруларын профилактикалау буенча буклетлар тараттылар.

Бүген Казанда Республика клиник офтальмология хастаханәсе белгечләре катнашуы белән корпоратив мәдәниятне формалаштыру буенча стратегик конференция узды. Тәҗрибәле тренерлар – доцент Татьяна Савельева һәм  персонал белән идарә итү буенча белгеч  Анастасия Камашева җитәкчелегендә табиблар-офтальмологлар корпоратив мәдәниятне төзү, команда оештыру, медицина ярдәмен күрсәтүнең пациентка юнәлдерелгән системасы һәм оешма имиджын формалаштыру мәсьәләләрен карап тикшерделәр.