ЯҢАЛЫКЛАР

Балалар республика клиник хастаханәсендә Халыкара җитлекми туган балалар көне чикләрендә җитлекми туган балалар туу мәсьәләсенә халык игътибарын тарту буенча чаралар узды.

17–18 октябрьдә «Кама балалар медицина үзәге» ДАССОда ISO 9001:2015 халыкара стандарты нигезендә сыйфат менеджменты системасының ярашканлыгына тышкы аудит уздырылды. Инспекция органы булып сертификацияләү буенча «CERT International» оешмасы чыкты. ГОСТ ISO 9001:2015 тәләпләренә ярашканлыгына сертификацияләү эшенең нәтиҗәсе – тиешле документны хастаханәгә бирү турында комиссия белән кабул ителгән карар.

Түбән Кама буенча яңартылган «Сәламәтлек трамвае» йөри башлады. Юл дәвамында пассажирлар үз организмы торышын тикшерә алалар. Бүген пассажирлар белән бергә Түбән Кама районы буенча Сәламәтлек саклау идарәсе җитәкчесе Венера Рәхимова, Түбән Кама үзәк район күп профильле хастаханәсенең баш табибы  Хәбибулла Әхмәдов, Медицина профилактикасы үзәгенең баш табибы Зөлфия Салаватова йөрделәр. Алар Түбән Камада яшәүчеләр белән аралашып алдылар, аларны кызыксындырган сорауларга җавап бирделәр.

18 октябрьдә 17.00 сәг. башлап 18.00 кадәр «Оргсинтез» бассейны территориясендә (Ямашева пр., 7) бизенең яман шешен иртә диагностикалау максатында канда простатик үзенчәлекле антигенның дәрәҗәсен билгеләүгә түләүсез тестлау узачак. Тикшерү риск төркеменә керәчәк кешеләр (50 яшьтән башлап 69 яшькә кадәр ирләр) өчен уздырыла.

Әлмәт районы буенча Сәламәтлек саклау идарәсендә шәһәрнең медицина оешмаларының җитәкчеләре белән һәм ВИЧ-йогышлы пациентларның җәмәгать оешмаларының һәм Гражданнарның сәламәтлеген саклау һәм хокукларын яклау хәйрия фонды – Тимур Исламов фондының вәкилләре белән «ВИЧ-йогышлы пациентларга Әлмәт шәһ. дәвалау-профилактик учреждениеләрендә медицина ярдәмен оештыру. Мәсьәләләр һәм чишү юллары» темасына түгәрәк өстәл узды.

Бишенче ел рәттән Кама балалар медицина үзәгенең табиблары шушы көндә үзенең элекке пациентларны балалары белән очрашуга чакыралар. Алар өчен Автоградның сәүдә үзәкләренең берсендә КБМҮ табиблары белән очрашу, шулай ук аниматорлардан һәм хастаханә клоунларыннан күңел ачуны һәм конкурсларны, концерт номерларын, мастер-классларны һ.б. оештырдылар.

«Елның пластик хирургы» номинациясендә табиб-маммолог, ТР ССМ Республика клиник онкология диспансеры онкологы, пластик хирург Хәсән Губайдулин җиңде. «Елның косметологы» табиб-косметолог, дерматовенеролог, КДМУ  профилактик медицина һәм  кеше экологиясе кафедрасының доценты Светлана Жабоева булды.

Казанда Баскет Холл территориясендә «Уникс» – «Андорра» уен башлануы алдыннан мәни бизенең яман шешен иртә диагностикалау максатында канда простатик үзенчәлекле антигенның дәрәҗәсен билгеләүгә түләүсез тестлау узды. Тикшерү риск төркеменә керәчәк кешеләр (50 яшьтән башлап 69 яшькә кадәр ирләр) өчен уздырылды.

«Ак чәчәклэр» конкурсында җиңүче, «Ел табибы-2013», Татарстан Республикасының атказанган табибы Әнвәр Катеев дөньядан китте.

Казан шәһ. 21нче сырхауханәсенең яңа бинасына Татарстан Республикасы төзелеш, архитектура һәм торак-коммуналь хуҗалыгы министрының киңәшчесе, Россия Федерациясе Хезмәт һәм социаль яклау министрлыгы карамагындагы  Россия Федерациясенең 2011–2020 елларга «Уңай мохит» дәүләт программасын гамәлгә ашыру артыннан тикшерү буенча координацион советы әгъзасы Ирина Просвирякова, Көч Структуралары Ассоциациясе (КСА) «Воин» дигән экологик куркынычсызлыгы һәм  халыкны социаль яклау департаментының эксперт-инспекторы Эдуард Ибраһимов һәм «Инвалидлар тормышының уңайлы мохитын оештыру» программасы буенча квалификация күтәрү курсында катнашучылары килеп киттеләр.