ЯҢАЛЫКЛАР

Кама балалар медицина үзәгенең 180 хезмәткәре «Татарстанның чаңгы эзе-2014» дигән масса-күләм ярышларында катнашты. Чара шимбә көнне «Прибрежный» паркында узды. Катнашучылар өчен бу гади чаңгы узышлары гына түгел, ә безнең сәламәтлегебез безнең кулда булганлыгын үз үрнәкләрендә күрсәтергә мөмкинлек тә иде. VIP чабышта икенче шәһәр җитәкчеләре белән бергә КДМҮ баш табибы Тимур Мөбәрәкшин катнашты. Бәйрәм вакытында бөтен теләүчеләр ашый һәм чәй эчеп җылына алдылар. Чара медикларга спорт сыйфатларын, сәламәт яшәү рәвешенә чын күңелдән бирелгәнлекләрен күрсәтергә генә түгел, шулай ук бердәмлекләрен һәм корпоратив рухларын тагын да ныгытырга мөмкинлек бирде. 

Яман шеш авыруы белән авыручы балалар көнен 15 февральдә ел саен планетаның күп илләре билгеләп үтәләр. Бу дата календарьдә беренче тапкыр Дөньякүләм яман шеш авыруы белән авыручы балаларның ата-аналарының конфедерациясе (ICCCPO) башлап йөрүе буенча 2001 елда барлыкка килде.
Беренче Халыкара көн 15 гыйнварда Люксембургта үткәрелде, әмма соңрак датаны бер айга күчерергә карар кабул ителде . Бүген Яман шеш авыруы белән авыручы балалар көне Халыкара балалар онкологлары җәмгыяте яклавы астында 40тан артык илдә үткәрелә.
Бүгенге акция багышланган проблеманың актуальлеге арта. Медицина статистикасына караганда, ел саен дөньяда якынча 200 мең бала яман шеш белән авырый, аларның яртысы үлә.
Онкология авыруларын уңышлы дәвалауның нигезе булып үз вакытында ясалган диагностика санала. Әгәр авыру беренче яки икенче стадиясендә табылса, дәвалау еш уңай тәмамлана. Әмма яман шеш очракларының унынчы өлеше өченче стадиясендә генә ачыклана, ә балаларның сигез процентында аңа дүртенче стадиясендә генә диагноз куела. Катлаулылык тагын шуннан гыйбарәт: онкология формалары бик күп - якынча 200, һәм авыру теләсә кайсы диярлек әгъзада башлана ала. Балаларны барыннан да ешрак лейкемия, яки кан яман шеше биләп ала.

Бөгелмә муниципаль районында акушерлык патологиясенең түбән һәм урта дәрәҗәдәге рискы булган хатын-кызлар өчен икенче дәрәҗәдәге бала тудыру йорты ачылды. Яңа бала тудыру йортының ачылу церемониясендә ТР сәламәтлек саклау министры Адель Вафин катнашты. 100 ятак-урынлы районара бала тудыру йортын төзү якынча 20 ел элек башланган иде. Башта - Россиянең бюджеты чаралары хисабына. Төзүне Татарстан Президенты Рөстәм Миннеханов булышлыгы аркасында дәвам иттереп булды. Бала тудыру йортының баш табибы Василий Голованов сүзләренә караганда, яңа бала тудыру йорты, беренче чиратта, реанимация ярдәмен күрсәтү өчен шартлар тудырырга һәм җитлекми туган балаларны тергезергә, авырлы хатын-кызларның тору шартларын яхшыртырга, медицина ярдәмен күрсәтү сыйфатын камилләштерергә рөхсәт итәчәк. Сәламәтлек саклау министры Адель Вафин билгеләп үткәнчә, бала тудыру йорты Татарстанның бөтен көньяк-көнчыгышыннан хатын-кызларны кабул итәчәк.

Шимбә көнне 15 февральдә 10сәг. 45мин. «Россия 1 Татарстан» телеканалында яңа сезонның беренче чыгарылышын карагыз. Сәламәтлекне һәм иммунитетны ныгыту кешенең үзеннән генә тора, безнең һәрберебез сәламәтлеккә барган юлда адымнарны мөстәкыйль атларга тиеш, бу эштә безгә чаңгылар булышырлар. Чаңгыда шуу ни өчен шул хәтле файдалы – шуның турында программаның махсус сюжеты.

Кышкы вакытта җәрәхәтләнүне профилактикалауга тиешле игътибар бирү бик мөһим, бигрәк тә физкультура һәм спорт белән шөгыльләнү вакытында.

Бу һәм башка мәсьәләләр турында «Россия 1 Татарстан» телеканалында шимбә көнне 15 февральдә 10сәг. 45мин. «Сәламәт булыгыз!» программасында карагыз.

Татарстан Республикасы Сәламәтлек саклау министрлыгы Республика клиник йогышлы авырулар хастаханәсендә 16 яшьлек кызның үлүе факты буенча тикшерү уздыра. Бала йогышлы авырулар хастаханәсенә лакунар ангина диагнозы белән авыруның 6нчы көненә салынган булуы билгеләнде. Беренче сәгатьләрдә аңа бактерияләргә каршы терапия башланды. Дару чарасын кертүнең беренче секундларында кызда анафилактик реакция үсеш алды. Реанимацияләү чараларын уздыру нәтиҗәсендә йөрәк эшчәнлеге төзәтелде, алдагы дәвалау реанимация бүлеге шартларында үпкәләрнең ясалма вентиляциясе тәртибендә уздырылды. Ләкин уздырылган дәвалау шартларында авыручы кызның хәле начарлана башлады һәм ул улеп китте.

Ярып карау нәтиҗәләре буенча баштагы үлем сәбәбе булып анафилактик шок булды. Соңгы нәтиҗәләр кирәкле тикшерүләр беткәч ай эчендә ясалачаклар. Кирәкмәгән реакциянең үсеше турында мәгълүмат ТР Росздравнадзорына һәм «Медицина куллану чараларының әйләнешен тикшерү, исәпләү һәм анализлау буенча информацион-методик үзәк» ФБО Казан филиалына тапшырылды.

Бүген Республика йогышлы авырулар хастаханәсендә 5 яшьлек бала үлеме очрагы теркәлде. Алдан бирелгән мәгълүматлар буенча, балада көчле йогышлы авыру булган. Ата-аналары авыруның икенче көнендә медицина ярдәмен сорап мөрәҗәгать иттеләр. Ашыгыч ярдәм күрсәтү бригадасы чакыруга 15 минуттан соң килеп җитте, 30 минуттан соң бала Республика клиник йогышлы авырулар хастаханәсенә китерелде, анда аның йөрәк эшчәнлеге туктады. Йогышлы авырулар хастаханәсенең белгечләре реанимация чараларын уздырдылар, ләкин баланың тормышын саклап калып булмады.

Үлемнең ахыргы сәбәбе ярып карау нәтиҗәләре буенча билгеләнәчәк.

Югары медицина технологияләре белем бирү үзәгендә дәвалау-профилактикалау оешмаларының медицина хезмәтләрен күрсәтү сыйфатын җитәкчеләренең идарә итү осталыкларын камилләштерү исәбенә күтәрүгә юнәлдерелгән «Медицина оешмасында нәтиҗәле идарә итүне төзү» дигән өч көнлек мастер-класс узды. Аны сыйфат менеджменты, аккредитация һәм билгеләү өлкәсендә шөгыльләнә торган танылган халыкара класслы экспертлар уздырдылар. Укыту барышында катнашучыларга медицина оешмасында сыйфат менеджментының системасын урнаштыру вакытында җитәкчеләрнең төп мәсьәләләре белән, эчке каршылык күрсәтүне җинеп чыгу һәм хезмәткәрләрнең җаваплылыгын күтәрү механизмнары белән танышырга мөмкинлек тәкъдим ителде.

Бүген Яр Чаллы шәһ. «КБМҮ» ДАССОнда йомгаклау киңәшмәсе узды. Эш нәтиҗәләре турында доклад белән хастаханәнең баш табибы Тимур Мөбәрәкшин чыгыш ясады.

Аның сүзләре буенча, узган елда медицина оешмасында бала табу саны 29,2% артты. Бу уздырыла торган бала табуны арттыруга юнәлдерелгән Дәүләт программалары белән, шулай ук хезмәт күрсәтү районын киңәйтү белән һәм бала табучыларны КБМҮнең перинаталь үзәгенә күчереп берничә бала табу йортын ел эчендә көндәлек йогышсызландыру өчен ябу белән бәйләнгән.

2012 елның 20 гыйнварыннан «КБМҮ» ДАССО эчендә Перинаталь диагностика үзәге эшли башлады, анда 2013 елда 7498 хатын-кыз тикшерелде.

Киңәшмә барышында Тимур Мөбәрәкшин 2013 елда КБМҮнең Балалар хастаханәсендә 3134 оператив тыкшыну үтәлде дип искә төшерде. Алардан 332 – ашыгыч оператив тыкшыну.

Балалар сырхауханәсе буенча узган елда авырулар саны структурасында беренче урында сулыш алу әгъзаларының авырулары тора, аннары – ашкайнату әгъзаларының һәм  нерв системасының авырулары.

Бүлек җирлегендә өйдә күрсәтә торган амбулатор хоспис ярдәменең күчмә бригадасы оештырылды.