ЯҢАЛЫКЛАР

Түбән Кама медицина көллиятендә чыгарылыш курс укучыларын беренчел аккредитацияләүгә хәзерләүнең актуаль мәсьәләләренә багышланган гамәли-ориентирлаштырылган семинар узды. Семинарга ТКҮРКХ өлкән шәфкать туташлары чакырылган иделәр.

5 апрельдә 8.00 сәгатьтән башлап 12:00  сәгатькә кадәр Республика кан үзәгендә (Җиңү Проспекты, 85) «Игелекле тамчы» донор акциясе узачак. Акцияне оештыручылар Казанның 18 яше тулган барлык яшәүчеләренә бу язны игелек билгесе астында үткәрергә һәм кан доноры булырга тәкъдим итәләр.

Түбән Кама шәһәренең Перинаталь үзәге белән балалар шәһәр хастаханәсе реконструкцияләүгә әзерләнә. 

Казан шәһәренең Хезмәт сараенда узган семинарда Татарстан профсоюзлары вәкилләренә хезмәт коллективларында ВИЧ профилактикасы турында сөйләделәр. Киңәшмә Татарстан Республикасы Профсоюзлар федерациясе рәисе урынбасары Татьяна Васильева җитәкчелегендә узды. Очрашуга республика профсоюз оешмалары, ТР профсоюзлар аппараты бүлекләре җитәкчеләре, шулай ук профактив чакырылган иделәр.

Әлмәт шәһәренең «Сәламәтлек» паркында Халыкара эпилепсия белән көрәш көне кысаларында «Куе кызыл көн» акциясе узды. Әлмәт ҮРХнең табибы-неврологы Рида Ханова һәм медицина көллияте волонтерлары паркка килүчеләргә авыру симптомнары һәм беренче табибка кадәр ярдәм күрсәтү турында сөйләделәр. Акцияне Медицина профилактикасы үзәге белән берлектә ӘМР буенча Сәламәтлек саклау идарәсе оештырды.

2 апрельдә ел саен Бөтендөнья аутизм проблемасы турында мәгълүмат тарату көне үткәрелә (World Autism Awareness Day). Аның максаты – җәмәгатьчелек игътибарын аутизм белән кешеләргә ярдәм итү һәм аларның тормыш сыйфатын күтәрү кирәклегенә җәлеп итү. 2007 елда БМО Генераль Ассамблеясе тарафыннан дата билгеләнгән иде. 2019 ел көненең темасы – «Ярдәмче технологияләр, актив катнашу».

4 апрельдә РФ Пенсия фондында Йөрәк-кан тамырлары авыруларын профилактикалау мәктәбе узачак. Мәктәп катнашучыларына йөрәк-кан тамырлары авырулары килеп чыгу куркынычы һәм аларны профилактикалау чаралары турында сөйләячәкләр.

ТР сәламәтлек саклау министры боерыгы белән Республика балалар психоневрология шифаханәсенең баш табибы вазыйфасына Хәбиров Рәис Әхәт улы билгеләнде.

Түбән Кама үзәк район күп профильле хастаханәсенең 1нче номерлы сырхауханә мөдире Розалия Хәйруллина һөнәрендә инде 36 ел. Бу вакыт эчендә ул ак халат киюенә бер тапкыр да үкенмәгән. Табиб фикеренчә, медицина – һөнәр түгел, бу тагын да зуррак нәрсә. Медицина – ул сәләт, ул яшәү рәвеше, ул фикерләү рәвеше.

«Ветеран» Әлмәт инвалидларны тернәкләндерү үзәгендә «Сәламәтлек сәгате» узды. 7 апрельдә билгеләп үтелә торган Бөтендөнья сәламәтлек көне алдыннан үзәк пациентларына дөрес туклану һәм сәламәт яшәү рәвеше турында сөйләделәр.