ЯҢАЛЫКЛАР
30.10.2013 Татарстан Республикасы Мәдәният министрлыгы бинасында видеоконференция тәртибендә «2013 елның III кварталы нәтиҗәләре буенча 7 финанс ягыннан чыгымлы булган авырулар буенча кирәкле дару чаралары белән тәэмин итү программаларын реальләштерү» Республика киңәшмәсе уздырылды.
Татарстан Республикасы Сәламәтлек саклау министрлыгы эшенең комплекслы планына туры китереп 2013 елның 12 ноябрендә «Балалар һәм өлкән кешеләрнең йогышлы авырулары. Диагностика, дәвалау һәм профилактиканың көнүзәк мәсьәләләре» дигән III ел саен була торган фәнни-практик конференция булачак.
Искә төшерәбез, «ашыгыч ярдәмгә» шәһәр телефоны белән «03» номерын җыеп шалтратырга кирәк, ә кәрәзле телефоннан – «030» (түләүсез). Әгәр шалтратып булмый икән, тормышка куркыныч янаган хәлләрдә «112» номер буенча шалтратырга мөмкин. Чукрак-телсез кешеләр SMS-хәбәрләр җибәрәләр.
Авырулар яисә зыян күргән кеше янына ашыгыч ярдәм бригадаларны тиз итеп җибәрү өчен һәм үз вакытында медицина ярдәмен күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш.
24 октябрьдә Казан ДМУның диварларында « ХХI гасырда иҗтимагый сәламәтлек һәм сәламәтлек саклау: дипломга кадәр һәм өзлексез медицина белемен алу» Бөтенроссия фәнни-практик конференциясе узды. Ул Казан ДМУның медицина информатикасы курсы белән булган иҗтимагый сәламәтлек һәм сәламәтлек саклауны оештыру кафедрасының 90-еллыгына багышланды.
25 октябрьдә Сәламәтлек саклау министрлыгында сәламәтлекне саклауның беренчел звеносын камилләштерү мәсьәләләрен: медицина ярдәмен, ашыгыч медицина ярдәмен күрсәтүне һәм авылда тора торган пациентларны сырхауханәгә җибәрүне, аларны тикшерү һәм белгечләргә җибәрүне, вакытлы җибәрүне һәм клиникаларда авыруларны диагностикалауны, балалар бакчаларында, муниципаль, уку һәм башка оешмаларда профилактика эшләрен уздыруны – чишү буенча очрашу узды. Фикер алышуда Россидән кунаклар санында РМФА академигы, РФ ССМ баш терапевты һәм пульмонологы, профессор А.Г. Чучалин, шулай ук безнең республиканың сәламәтлек саклау әйдәүче белгечләре катнаштылар.
«Сәламәтлек» программасын «Россия 1 Татарстан» телеканалында шимбә көнне 26 октябрьдә 10 сәг.40 мин. карагыз. Глаукома нәрсә белән хәвефле? Бу авыруның билгеләре. Күрү органнарының бу катлаулы авыруын профилактикалау мөмкин микән? Офтальмолог-табибтан җаваплар. Оптик иллюзияләр нәрсә ул? «Безнең эксперимент» рубрикасында махсус экспериментлар.
24 октябрьдә Казанга эш визиты белән РФ сәламәтлек саклау министры урынбасары Сергей Александр улы Краевой килде. Шул көнне ТР сәламәтлек саклау министры Адель Юныс улы Вафин озатып баруында ул Казанның һәм республиканың әйдәүче дәвалау оешмаларын карады.