3 декабрьдә ТР халкы арасында тәмәке тартуны профилактикалау һәм тәмәке тартуны әзәйтү буенча брифинг булачак
Тәмәке тартудан баш тартуның Халыкара көне алдыннан Казанда «Татарстан Республикасының халкы арасында тәмәке тартуны профилактикалау һәм тәмәке тартуны әзәйтү» пресс-конференциясе узачак. Ул 3 декабрьдә 10.00 сәгәтьтә Казан ш., Островский ур., 11/6 (Татарстан Республикасы Сәламәтлек саклау министрлыгы) адресы буенча булачак.
«Милләт сәламәтлегенең лигасы» Гомумроссия иҗтимагый оешмасының «Халык сәламәтлеге» программасы чикләрендә Казанда «Тәмәке тартуны профилактикалау» дигән акция старт алачак. Программа Татарстан Республикасының Сәламәтлек саклау министрлыгы ярдәмендә тормышка ашырыла. Казанда акция бу елда 21 ноябрьдә узган Тәмәке тартудан баш тартуның Халыкара көненә туры китерелә.
Программа чикләрендә тәмәкегә бәйлелекне әзәйтү мәсьәләләре буенча регионның әйдәүче белгечләре белән түгәрәк өстәлләр, конференцияләр һәм эшли торган табиблар өчен мастер-класслар узачак.
2013 елның 15 ноябреннән Россиядә тәмәкегә каршы законнарны бозган өчен яңа штрафлар, шулай ук тәмәке рекламасын тулысынча тыя торган реклама турындагы законга төзәтмәләр көчкә керәләр. Шулай ук балалар өчен яңадан барлыкка килгән фильмнарда тәмәке тарту процессын күрсәтү тыела. Штраф – урындагы шәхесләр өчен 20 меңнән 50 мең сумга кадәр, юридик шәхесләр өчен – 200 мең сумга кадәр.
Яшүсмерләргә сигарет саткан өчен гражданнар 3 меңнән 5 мең сумга кадәр, урындагы шәхесләр – 30 меңнән 50 мең сум кадәр, юридик шәхесләр – 100 меңнән 150 меңгә кадәр штраф белән җәзалана. Балалар мәйданчыгында тәмәке тарту «хакы» 2 меңнән 3 мең сумга кадәр торачак. Бу фактлар программага аерым актуальлелек бирәләр.
Пресс-конференциядә «Республика наркология үзәге» ДАССО баш табибы Ф.З. Фәттахов, «Республика медицина профилактикасы үзәге» ДАССО баш табибы Р.С. Садыкова, РФ Сәламәтлек саклау министрлыгының төп нарколог- белгече, Мәскәүнең Сәламәтлек саклау департаментының Мәскәү фәнни-практик үзәге директоры, РФ Иҗтимагый палатасы әгъзасы, м.ф.д., Милләт сәламәтлегенең лигасы программасының координаторы Е.А. Брюн катнашачаклар.