Алабугада «Табиблар һәм гомуми практика табиблары өчен ревматоид артриты буенча практик мәктәп» дигән мастер-класс булды

Ревматоид артриты еш очрый торган ревматик авыру булып тора, күбесенчә эшкә сәләтле яшьтәге пациентларда очрый, үтүнең көчәя торган характеры, инвалидлыкның тиз үсеше белән аерылып тора. Беренчел звеноның табибларын ревматоид артритын иртә диагностикалауга, базислы терапиянең нәтиҗәлелеген һәм хәвефсезлеген дөрес бәяләүгә өйрәтү бу авыру белән пациентларда барлыкка килгән кайтмас үзгәрешләрне булдырмас өчен бик мөһим була. Алабуга шәһ. «Табиблар һәм гомуми практика табиблары өчен ревматоид артриты буенча практик мәктәп» дигән мастер-класс булды. Мастер-классның эшендә Алабуга, Мамадыш, Менделеевск һәм Әгерҗе районнарының табиблары катнаштылар. Мәктәпне ТР ССМ баш ревматологы, КДМУның госпиталь терапиясе кафедрасының доценты, м.ф.к. Якупова Светлана Петр кызы ачты. Ул ревматоид артритлы пациентларны иртә диагностикалау, аларның клиник үзенчәлекләре һәм аларны алып баруның тактикасы  буенча хәзерге заман мәгълүматын тәкъдим итте.

Мәктәпнең икенче өлешендә ТР ССМ Республика клиник хастаханәсенең ревматология бүлегенең мөдире, ТР атказанган табибы Әбдрәкипов Рифкать Җәүдәт улы «Буыннарны тикшерүнең методикасы» дигән практикумны һәм диагностикада һәм ревматоид артритын дәвалауда типик хаталар карауны уздырды.

Ахырда КДМУның госпиталь терапиясе кафедрасының ассистенты, м.ф.к. Шәмсетдинова Наилә Гомәр кызы тыңлаучыларның интерактив сайлавын үткәрү белән ревматоид артритлы пациентларны алып баруның тактикасы  буенча клиник карауны уздырды.