ЯҢАЛЫКЛАР

«Татнефть» ААҖенең Медсанчастендәмонда йөрәккә ясалган 1000-нче операциягә багышланган аорталь клапанның транскатетер имплантациясе, корсак аортасы аневризмасын эндоваскуляр протезлау һәм аортокоронар шунтлау буенча мастер-класслар үтте. Югары технологияле операцияләрне Россия медицина фәннәре академиясенең академигы, Россия кардиология фәнни-җитештерү комплексының (РКФҖК) кардиохирургия бүлеге җитәкчесе Ренат Акчурин җитәкчелегендә РКФҖК югары квалификацияле белгечләре төркеме үткәрде. Планлаштырылган чаралар чикләрендә ТР сәламәтлек саклау министры Адель Вафин катнашуында пресс-конференция булды.

"Россиядә, Татарстан Республикасындагы кебек, онкологик авырулар халык үлеме сәбәпләре арасында икенче урында торалар. Татарстанда яман шеш авыруы белән авырый торган 80 меңнән артык кеше исәпләнә, бу - республикада яшәүче һәр 48-нче кеше. Яман шеш авырулары белән авырый торган кешеләрнең саны арту хәзерге заманның җитди проблемасы булып тора. Һәм без моңа тиешенчә җавап бирергә тиеш" – дип ассызыклады бүген Республика киңәшмәсендә  ТР сәламәтлек саклау министры Адель Вафин. 

Бүген Казанда Югары медицина технологияләренең белем бирү үзәге җирлегендә плазматик  хирургия буенча конференцияне ачу булды. Сәламләү сүзе белән катнашучыларга республиканың сәламәтлек саклау министры урынбасары Илдар Фатыйхов мөрәҗагать итте. Үз чыгышында ул, Татарстан Республикасының башкаласында чит илләрнең һәм Россиянең әйдәүче белгечләренең катнашуында үткәрелүче шундый белем бирү форумын уздыруны без Казан хирургия мәктәбенең абруен һәм Республикада сәламәтлек саклау өлкәсендә иң яңа хирургия технологияләрен кертү буенча эшләнгән адымнарны тану дип бәялибез, дип билгеләде.

ТР сәламәтлек саклау министрының боерыгы белән «Менделеевск район үзәк хастаханәсе» ДАССОның баш табибы вазыйфасына Сабаев Олег Виль улы билгеләнде.

Татарстанның Сәламәтлек саклау министрлыгының баш штаттан тыш белгеч-диетологы Венера Аверкиева Бөтенроссия диетологлар һәм нутрициологлар конгрессында билгеләнелде. РМФАнең «Туклану фәнни-тикшеренү институты» ФДБО аңа халыкара катнашуында «Сәламәт туклану: төпле тикшеренүләрдән инновацион технологияләргә» дигән XV Бөтенроссия диетологлар һәм нутрициологлар Конгрессының эшендә актив катнашканы өчен рәхмәт әйтте. Конгресс 2-4 июньдә РФ Президенты карамагындагы Россия халык хуҗалыгы һәм дәүләт хезмәте академиясендә үтте. Конгресс Россия Федерациясенең Сәламәтлек саклау министрлыгы булышлыгында, Россия Федерациясенең Федераль Җыелышының Федерация Советы, Россия Федерациясенең Федераль Җыелышының Дәүләт Думасы, Кулланучылар хокукын саклау сферасында күзәтү һәм кеше иминлеге буенча Федераль хезмәт, Россия фәннәр академиясе эгидасы астында үтте, бу дәүләт булышуына һәм сәламәт туклану сораулары буенча үткәрелүче сәясәтне тормышка ашыруга таныкнамә булып тора. 

Бөтенроссия форумы барышында «Сердәш 129» медицина психология хезмәте суицидларны булдырмауга нигезләнгән эшчәнлегенең юнәлешләрен күрсәтте. Аерым алганда, халык белән эшләүче белгечләрне депрессия авыруын һәм суицидаль тенденцияләрне танып белергә өйрәтү, стрессны җиңү һәм низагларны бетерү стратегияләрен һәм белгечләр өчен белем бирү программаларын үз эченә алучы тормыш күнекмәләрен формалаштыру буенча балигъ булмаганнар өчен белем бирү программаларын үткәрү, гадәттән тыш хәлләр шартларында психотерапевтик эшне башкару.

20 июньдә «Татар-информ» МАда Леонид Толчинский белән була торган «Пятница, с 13-го» программасында 2014 елның Медицина премияләренең лауреатлары белән интервью булды. ТР ССМның баш нейрохирургы, «Ак чәчәкләр 2014» Республика премиясенең Ел табибы Валерий Данилов һәм «Кеше тормышын коткарып калган уникаль операцияне ясаган өчен» номинациясендә табибларның «Сәләт» Бөтенроссия конкурсының лауреатлары булган РКХ табиблары төркеменең әйдәүче хирургы, РКХнең абдоминаль хирургия бүлегенең хирург-табибы Руслан Андрей улы Зефиров программаның кунаклары булдылар.
Программа медицина эшчеләренең һөнәри эшчәнлекләренә багышланды.

Алексеевск районында «Кадерле ветераныбыз» проектын гамәлгә ашыру башланды. Бу елда үзәк район хастаханәсендә Бөек Ватан сугышы ветераннары өчен палата ачылды. Анда өлкән кешеләрнең уңайлыклары өчен душ та, үз бәдрәфләре дә, уңайлы медицина җиһазлары да – бөтенесе дә эшләнгән. Элегә палата берәү генә, ләкин планнарда – аларны һәр бүлектә ачарга. Моның турында җентекләп «Татарстан» ДТРК телеканалында корреспондент Полина Лисина сюжетында.

21-22 июньдә Казанның Милли мәдәният үзәгендә табибларның һәм Бехтерев авыруы булган пациентларның уртак форумы үтте. Шулкадәр мөһим чараны оештыручылар «Бехтерев авыруы вакытында бер-береңә ярдәм итү җәмгыяте» Регионара иҗтимагый хәйрияле инвалидлар оешмасы, Казан дәүләт медицина университеты һәм Республика клиника хастаханәсенең һәм 7нче Шәһәр клиника хастаханәсенең ревматология хезмәте булды. Форумда 10нан артык регионнан пациентлар катнаштылар. Алар Россия Федерациясенең һәм Татарстан Республикасының иң яхшы ревматологларыннан авырулар турында кирәкле мәгълүматларны алдылар, дөрес яшәү рәвеше, сырхау белән көрәшүнең заманча ысуллары һәм аның нәтиҗәләре, дәвалау физкультурасы, авыруны мөстәкыйль тикшереп тору мөмкинлекләре турында, гаилә планлаштыру һәм илнең бүтән регионнарында пациентларны дәвалау ысуллары һәм башкалар турында киңәшләр ишеттеләр.