ЯҢАЛЫКЛАР
29 апрельдә, нәкъ бер ел элек, Түбән Кама РҮХ җирлегендә 2нче номерлы йогышлы авырулар бүлеге ачылды. Без аны COVID-госпиталь дип атарга күнеккән. Яңа коронавирус йогышы бөтен медицина җәмәгатьчелеге тормышын «кызыл» һәм «чиста» зоналарга да бүледе. Әгәр коронавирус йогышы белән көрәшне сугыш белән чагыштырсак, "кызыл зона" - чын фронт, ә "чиста зона" - ышанычлы тыл.
БРКХдә сәламәтлек саклау өлкәсендә эш үзенчәлекләре турында фикер алыштылар. Экспертлар бүгенге көндә табиб һөнәренең ни дәрәҗәдә кызыклы һәм кирәкле булуы, аның нинди кыенлыклар кичерүе һәм ни өчен шулай да күпләр шундый юлны сайлавы турында сөйләштеләр. Балалар һәм аларның әти-әниләре өчен медицина дөньясына клиниканың урология бүлегенең табиб-балалар хирургы Айдар Закиров озатучы булды.
Хезмәт Сараеның кече залында Россия Федерациясе Сәламәтлек саклау хезмәткәрләре профсоюзының Татарстан республика оешмасы комитеты президиумының XIV утырышы булды. Чарада ТР Сәламәтлек саклау министрлыгының кадрлар бүлеге башлыгы Аберхаева Лилия Сәйдәш кызы катнашты.
Европа иммунизация атнасы кысаларында Яр Чаллы шәһәре Кама балалар медицина үзәгенең балалар сырхауханәсендә вакцинацияләүгә бәйле акция узды. Бу көнне вакцинацияне узган һәр бала үзенә Прививка кабинетында бүләк сайлый алды. Әлеге чара иммунизациянең мөһимлеге турында җәмәгатьчелекнең игътибарын җәлеп итү һәм хәбәрдарлыгын арттыру максатыннан оештырылды. Акциянең инициаторы - Кама балалар медицина үзәге каршындагы муниципальара иммунопрофилактика кабинеты.
Түбән Кама РҮХнең клиник-диагностика лабораториясе мөдире Маргарита Юрьевна Жукова медицинада инде 37 ел. Югары квалификацияле категорияле КДЛ табибы лаборатория белән инде 15 ел җитәкчелек итә. Үз бүлеге турында зур ихтирам, мәхәббәт белән сөйли. Бу коллективтагы яхшы атмосфераны бәяләү өчен микроскоп кирәкми.
Ашыгыч медицина ярдәме хезмәткәрләре көне 28 апрельдә билгеләп үтелә. Казанда тантаналы чара Г. Тукай исемендәге Татар дәүләт филармониясендә узды. Медицина хезмәткәрләрен һөнәри бәйрәмнәре белән ТР сәламәтлек саклау министры Марат Садыйков котлады.
Кама балалар медицина үзәгендә 2021-2024 елларга күмәк шартнамә турында фикер алышу һәм кабул итү буенча конференция утырышы булды.
Конференция эшендә сәламәтлек саклау хезмәткәрләре профсоюзының Яр Чаллы шәһәр оешмасы җитәкчесе Любовь Ховрычева, КБМҮнең баш табибы Марат Насыйбуллин, баш табиб урынбасарлары һәм структур бүлекчәләр җитәкчеләре һәм КБМҮнең хезмәткәрләре катнаштылар.
Татарстан Республикасы Сәламәтлек саклау министры Марат Садыйков Россия Федерациясе һәм Татарстан Республикасы дәүләт бүләкләрен тапшырды.
2021 елда 26 апрельдән 2 майга кадәр Европа иммунизация атнасы уза, аның төп максаты - вакцинациянең авыруларны профилактикалау өчен зур әһәмияткә ия булуын популярлаштыру.
Нәкъ бер ел элек Түбән Кама ашыгыч ярдәм станциясе район, шәһәр халкыннан СOVID-19да шикләнеп беренче шалтыратуларны кабул итә башлады. Ул вакытта диспетчерлар анамнез җыйган һәм кеше чит илдә булганмы, нинди илдә һәм кем белән аралашканын ачыклаган. Шуннан чыгып, чакыруга нинди бригада чыгарга тиешлеге карар кабул ителгән. Күчмә ашыгыч ярдәм бригадасы фельдшерлары Наилә Гарифуллина һәм Алсу Ягъфәрова иң беренчеләрдән булып чумга каршы киемнәрдә эшли башлаганнардан иде. Ул вакытта кешеләр коронавирус турындагы теләсә нинди мәгълүматка ышанычсызлык белән караган дип искә ала алар, әйтерсең безнең илгә кадәр барып җитмәс, дип уйлаганннар. Шуңа күрә фельдшерлар саклагыч костюмнар киеп килгәч, пациентлар куркып кала иде һәм кемдер хәтта үзен агрессив тота иде.