Түбән Камадан онкологик авырудан терелеп килүчеләр психолог белән очраштылар

2019 елның 12 апреле, җомга

Онколог Татьяна Савельева Түбән Камада яшәүче онкологик авырудан терелеп килүчеләр өчен лекция үткәрде. Ул сөйләгәнчә, гаеп, үпкәләү, көнләшү, әйтелмәгән ачу һәм үч алу теләге яман шеш күзәнәкләре үсешенә китерәләр.

Чара ТКМР буенча Сәламәтлек саклау идарәсе һәм Медицина профилактикасы үзәге тарафыннан оештырылды. Онкологик авырудан терелеп килүчеләр өчен Сәламәтлек мәктәбенең икенче дәресе май ахырында булачак, төгәл дата турында соңрак хәбәр итәрбез.