ЯҢАЛЫКЛАР

ТР сәламәтлек саклау министры боерыгы белән «Азнакай районы үзәк хастаханәсе» ДАССОның баш табибы вазыйфасына Шиһапов Илдар Фираил улы билгеләнде.

Фәрид Шакир улы Бахтиозин (17.09.1930) медицина журналларында 100дән артык мәкалә авторы, травматологларның Бөтенсоюз корылтайларында, травматология һәм ортопедия буенча Россия конференцияләрендә (Санкт-Петербург, Воронеж, Екатеринбург һ.б.) берничә тапкыр чыгышлар ясады.

Фәрид Шакир улы ТР Атказанган табибы мактаулы исеменә, «ТР  Сәламәтлек саклау отличнигы» ведомство бүләгенә, Хезмәт ветераны исеменә ия. Гомуми стажы 58 елны тәшкил итә.

ТР Сәламәтлек саклау министрлыгы аның туганнары һәм якыннарының тирән кайгыларын уртаклаша...

Бүген ТР Сәламәтлек саклау министрлыгында Татарстан Республикасының сәламәтлек саклау оешмаларына 2014 елда эшкә кабул ителгән клиника-лаборатория диагностикасы табибларының, табиб-белгечләренең Татарстан Республикасы Хөкүмәтенең грантларын алуларына өченче конкурсны уздыру буенча комиссия утырышы булды.

Конкурс комиссиясенә ТР Сәламәтлек саклау министрлыгының, ТР Кабмин Аппаратының, Дәүләт Советының, Дәүләт торак фондының, Казан ДМУның, ТР ССМның карамагындагы Җәмәгатьчелек советының, сәламәтлек саклау хезмәткәрләре профсоюзының Рескомының, Татарстан Республикасы Медицина хезмәткәрләре ассоциациясенең хезмәткәрләре, Татарстан Республикасы Муниципаль оешмалары советының вәкилләре кертелделәр.

Комиссия бу программада катнашырга теләк белдергән табибларның 24 конкурс материалын карап тикшерде. Өченче конкурс нәтиҗәләре буенча 14 табибка (шул санда 1 табиб – медицина фәннәре кандидаты) торак шартларын яхшыртуга грант белән булышуны бирү турында карар кабул ителде.

Республика клиник хастаханәсендә кризис үзәге эшли, анда авырлы хатыннарны һәм яшь аналарны һәрвакыт якларга әзерләр. Монда шатлыклары белән уртаклашырга сирәк киләләр. Хәер, анысы инде бик мөһим дә түгел. Иң әһәмиятлесе шунда ки, карынында бала йөртүче хатыннар авыр минутларда алар өчен һәрвакыт ишек ачык икәнлеген беләләр.

 «Республика медицина профилактикасы үзәге» ДАССО белгечләре оештыру-методик ярдәм күрсәтү һәм массакүләм пропаганда чараларын үткәрү өчен Казан шәһ. «Солнечный»  дигән балалар сәламәтләндерү лагеренә чыктылар. Яшүсмерләр өчен «Аномаль җәйге эсседә үзеңне ничек тотарга», «Эссе һәм кояш сугуны профилактикалау», «Көчле эчәк йогышын профилактикалау», «Наркомания, тәмәке тарту, алкоголизмны профилактикалау» темалары буенча лекцияләр укылды. Лекция дустанә шартларда үтте, балалар сораулар бирделәр һәм кызыксындырган сораулар буенча сөйләшүдә үзләре дә актив катнаштылар. «Җәйнең үз сюрпризлары бар» дигән видеофильм күрсәтелде һәм үзәк бастырып чыгарган мәгълүматый-методик әдәбият таратылды. 

«Медицина персоналы белән дә эшләргә кирәк. Корпоратив мәдәният формалашырга тиеш. Бер хезмәткәр дә эшләргә тиеш булмаган әйберләр бар. Пациентлар медицина оешмаларыннан сораулар белән һәм каядыр эшләнеп бетмәгән әйберләр бар дигән нык ышану белән китәргә тиеш түгел» дип, үз чыгышында министр басым ясады. Ул, канәгать пациентлар күбрәк булу –Ассоциация мәсәләләренең берсе, дип өстәде. Адел Вафин фикере буенча, вакытның бер өлешен пациентка һәм аның туганнарына багышлый белергә кирәк. Ассоциациянең дә, медикларның да эшләренең аерылгысыз өлеше булып пациент оешмалары белән эшләү булырга тиеш. «Пациент – бу безнең иң төп ноктабыз. Без, беренче чиратта, җәмгыятькә ул көткән әйберне бирергә тиеш! » дип саный ул.

 Җәйге эссе – озакка сузылучан һәм йөрәк-кан тамырлары авыруларының үткенләшүенә китерүче кояш һәм эссе сугуның сәбәбе. Эссе - бу, иң әүвәл, йөрәккә йөкләнеш. Ул тырышып эшли башлый, чөнки басым күтәрелә, кислород җитми, кеше еш сулый башлый, тир күбрәк бүленеп чыга. Болар барысы да инсульт, инфарктны барлыкка китерә ала торган гипертония кризына китерергә мөмкин. Эссе сугу вакытында барлыкка килүче куркыныч халәтнең беренче билгеләре булып баш сызлау, баш әйләнү, күңел болгану, еш йөрәк тибү, салкын тир чыгу һәм һуш китүләр тора ала, шулай ук күрүнең кискен начараюы – күзләрдә икеләнү барлыкка килергә мөмкин. Критик очракларда  кеше аңын югалта ала, ә тән температурасы 41 градуска кадәр күтәрелергә мөмкин. 

Бүген Лаеш районында, Казан - Оренбург автоюлының 16нчы километрында, ЮТҺ булды.
Башлангыч мәгълүматларга караганда, микроавтобусның җиңел автомобиль белән бәрелешүе нәтиҗәсендә 6 кеше зыян күрде. Бер кеше ЮТҺ булган урында һәлак булды.
Уртача авыр хәлдәге бер зыян күрүче РКХнең Травма үзәгенә китерелде. Калган  дүрт кеше госпитализацияләүдән баш тарттылар һәм амбулатор дәвалауга җибәрелделәр.
ЮТҺ булган урынга Лаеш ҮРХ Ашыгыч медицина ярдәменең 2 фельдшерлар бригадасы, Республика катастрофалар медицинасы үзәгенең 2 бригадасы чыкты.

КДМҮнең Перинаталь үзәгенә RP-Lite Robot-9197 дигән ерактан телемедицина консультацияләрен үткәрү, авыручыларны тикшерү һәм күзәтү җайланмасы килде. Бу җайланма ТР ССМның ике иң эре үзәге РКХ һәм БРКХнең белгечләре белән бергә авыр пациентларны (яңа туган балалар һәм хатын кызлар) консультацияләү өчен кирәк. Робот – хәзерге заман телемедицинасын якты күрсәтү, атап әйткәндә – консультантка пациентны күрергә генә түгел, ә аускультация, ультра-тавыш тикшерү, ЭКГ кебек манипуляцион чараларны уздырырга мөмкинлек барлыкка килде. Бу әсбап Казан шәһ. ситуацион үзәге консультантының турыдан-туры кулы астында, ягъни белгеч теләгән моментта Перинаталь үзәкнең персоналына бәйсез бөтен кызыксындырган пациентларны һәм аларның күрсәткечләрен карый ала.

Реанимация бүлегендә булган яңа туган балаларга Казан шәһ. РКХнең ситуацион үзәгенең белгече белән беренче консультация уздырылды.

2014 елның 21нче июленнән 27сенә кадәр шәһәрнең ашыгыч ярдәм хезмәте табиблары кешеләрне коткарырга 7182 тапкыр, шул санда җәмәгать урыннарына 1355 тапкыр чыктылар. Бәхетсезлек очракларына медиклар 931 тапкыр, шул санда юл-транспорт һәлакәтләренә 59 тапкыр чыктылар. Шул юл-транспорт һәлакәтләрендә 58 кеше зыян күрде, 31 кеше дәвалау оешмаларына китерелде, 7 кеше һәлак булды. Янгыннарга медиклар 26 тапкыр чыктылар. Бала табуларга Казанның Ашыгыч медицина ярдәме станциясеннән медиклар 91 тапкыр чыктылар. Төрле авырулар буенча 5672 чакыру үтәлде, алар арасында көчле миокард инфарктлары – 60, баш мие кан әйләнешенең көчле бозылулары – 177.