ЯҢАЛЫКЛАР
Алабуга Район үзәк хастаханәнең оториноларингология бүлегенә лор-комбайн һәм инструментлар җыелмасы китерелде, бу махсуслаштырылган медицина ярдәменең спектрын һәм күләмен сизелерлек киңәйтә. Әлеге җиһазлар диагностик манипуляцияләрне генә түгел, дәвалау процедураларын да үткәрергә мөмкинлек бирә.
Яр Чаллының Ашыгыч медицина ярдәме 19 декабрьдә 510 чакыруга хезмәт күрсәтте. Шуларның 49ы-балаларга булды. Кискен респиратор вируслы йогыш билгеләре белән шәһәрнең медучреждениеләренә 6 бала салынды.
ТКҮРКПХ коллективы өчен "Кыш бабай бул" акциясендә катнашу күптән инде традициягә әйләнде. Табиблар, фельдшерлар, шәфкать туташлары, санитаркалар, техник персонал, административ корпус хезмәткәрләре берләшеп, авыр тормыш хәлендә калган балалар өчен уенчыклар, өстәл уеннары, иҗат җыелмалары, тәм-томнар сатып алды.
13 декабрьдән 17 декабрьгә кадәр Татарстан Республикасы Сәламәтлек саклау министрлыгының лицензияләү буенча идарәсе тарафыннан 29 гариза кабул ителде.
Яр Чаллының 5нче номерлы Шәһәр хастаханәсенә профессор, акад. И.П. Павлов ис. Беренче Санкт-Петербург дәүләт медицина университетының анестезиология бүлеге җитәкчесе Кирилл Храпов килде. Ул Hamilton ИВЛ аппаратларында эшләү буенча реанимация бүлеге табиблары өчен мастер-класс үткәрде.
Татарстанның сәламәтлек саклау министрлыгының Иҗтимагый советы киләсе 2022 елга сәламәтлек саклау өчен максатлар һәм бурычлар исемлеген билгеләде. Утырыш бүген Татарстан Республикасы дәүләт хакимияте башкарма органнарының максатларын һәм бурычларын халык алдында формалаштыру һәм аларның үтәлешен иҗтимагый контрольдә тоту проектын гамәлгә ашыру кысаларында узды.
РФ Стратегик инициативалар агентлыгының сәламәтлек саклау өлкәсендә иң яхшы тәҗрибәләрне сайлап алу буенча Бөтенроссия конкурсы нәтиҗәләре билгеле булды. Татарстан ковид госпильләрдә гамәлгә куелган һәм уңышлы гына эшли торган «Виртуаль консилиум» проекты бу бәйгедә җиңүчеләрнең берсе булды.
Яңа коронавирус йогышына каршы прививканы өлкәннәр поликлиникаларында ясатырга мөмкин, шулай ук Татарстанның зур шәһәрләрендә мобиль вакцинацияләү бригадалары эшли. Үзең белән паспорт, ММИ полисы һәм СНИЛС булырга тиеш. Моннан тыш, хәзер вакцинация пунктларында гриппка каршы прививка ясарга була.
Бу елның февраленнән Яр Чаллының Сугыш ветераннары госпитале медиклары коронавирус инфекциясенә каршы 21 788 прививка ясады.
Акция Алабуга РҮХ сырхауханәсендә "Татарстан Республикасы Сәламәтлек саклау министрлыгының Республика кан үзәге" дәүләт автоном сәламәтлек саклау учреждениесенең Яр Чаллы шәһәрендәге филиалы белгечләре катнашуында узды. Бу көнне Алабуганың җитмеш өч кешесе кан тапшырды.