ЯҢАЛЫКЛАР
Зәй муниципаль районында «Тормышка 10 000 адым» акциясе узды. Ул кеше нормаль физик активлыгының минимумын саклау өчен көнгә 6 меңнән алып 10 меңгә кадәр адым ясарга кирәклеге турындагы БССО тәкъдимнәренә нигезләнгән. Акцияне тантаналы рәвештә ҮРХ баш табибы Рим Амеров ачты. Р.Ш. Фәрдиева ис. паркта артериаль кан басымын үлчәү өчен медицина посты ачылды. Акция кунаклары флешмобта һәм парк буйлап массакүләм йөрүдә катнаштылар.
Республика кан үзәгендә «Игелекле тамчы» донор акциясе узды. Чараны DonorSearch.org булышлыгы белән «Игелекле Казан» проекты белән берлектә ТР Сәламәтлек саклау министрлыгы оештырды.
Бөтендөнья сәламәтлек көне алдыннан Яр Чаллы шәһ. Сугышлар ветераннары өчен госпиталенең хезмәткәрләре «Сәламәт бул» Бөтенроссия акциясе кысаларында чаралар уздырдылар.
Мамадышта шәһәр предприятиеләренең, учреждениеләренең һәм мәгариф оешмаларының үзешчән сәнгать коллективлары арасында «Звездопад 2018-2019» фестивале тәмамланды. Конкурста җиңү өчен Мамадыш ҮРХ, Халыкны социаль яклау идарәсе һәм Халыкны эш белән тәэмин итү үзәге көрәштеләр.
Түбән Кама шәһ. Балалар шәһәр хастаханәсе белгечләре балалар өчен саф һавада бәйрәм оештырдылар. Бөтендөнья сәламәтлек көне алдыннан мәктәп укучыларына һәм студентларга үзләренең сәламәтлекләрен карау һәм көндәлек эштә организмга һәртөрле ярдәм күрсәтү мөһим булуын тагын бер кат искә төшерделәр.
Чирмешән ҮРХдә симерү проблемасына багышланган түгәрәк өстәл узды. Очрашу ел саен 7 апрельдә билгеләп үтелә торган Бөтендөнья сәламәтлек көне алдыннан узды.
Кама балалар медицина үзәгенә Коми республика перинаталь үзәгенең (Сыктывкар шәһ.) вәкилләре килеп киттеләр.
Уфа шәһәрендә Татарстан белгечләре «Башкортстан Республикасында ВИЧ-йогышын профилактикалау, диагностикалау һәм дәвалау хезмәтенең барлыкка килүе һәм хәзерге заман аспектлары» дигән Республика фәнни-гамәли конференциясендә катнаштылар. Чара Башкортстан Республикасында ВИЧ/СПИД профилактикасы хезмәтенең 30 еллыгына багышланган.
Казан шәһәренең 5нче номерлы балалар стоматология сырхауханәсе «Салават Күпере» ТКда авыз куышлыгы авыруларын профилактикалау буенча акция уздырды. 182нче номерлы Политехник лицейда «Мәктәп стоматологиясе» проекты кысаларында башлангыч сыйныф укучылары өчен аниматорлар катнашуы белән театральләштерелгән тамаша узды.
КФУның Университет клиникасында тикшерүнең яңа төре – кардиореспираторлы мониторинг үткәрелә.