ЯҢАЛЫКЛАР

Бүген Казанда, Себер тракты урамында Совет мәйданы тукталышы янында ЮТҺ булды.

Шәһәрнең маршрутлы автобусының троллейбус белән бәрелешүе нәтиҗәсендә 5 кеше (автобус пассажирлары) зыян күрде. ЮТҺ урынына Ашыгыч медицина ярдәменең 2 фельдшер бригадасы чыкты.

Өч зыян күргән кеше уртача авыр хәлдә 7нче номерлы Шәһәр хастаханәсенә урнаштырылды, икесе медицина ярдәмен күрсәтүдән соң канәгатьләнерлек хәлдә амбулатор дәвалауга җибәрелде.

4 августтан башлап 10 августка кадәр шәһәрнең ашыгыч ярдәм хезмәте табиблары кешеләрне коткарырга 7688 тапкыр, шул санда җәмәгать урыннарына 1647 тапкыр чыктылар. Бәхетсезлек очракларына медиклар 1095 тапкыр, шул санда юл-транспорт һәлакәтләренә 50 тапкыр чыктылар. Шул юл-транспорт һәлакәтләрендә 49 кеше зыян күрде, 32 кеше дәвалау оешмаларына китерелде, 1 очракта  кеше һәлак булды. Янгыннарга медиклар 13 тапкыр чыктылар. Бала табуларга Казанның Ашыгыч медицина ярдәме станциясеннән медиклар 104 тапкыр чыктылар. Төрле авырулар буенча 5881 чакыру үтәлде, алар арасында көчле миокард инфарктлары – 68, баш мие кан әйләнешенең көчле бозылулары – 200.
Узган атна белән чагыштырганда үтәлгән чакырулар саны 132гә артты (бәхетсезлек очраклары һәм медицина эвакуацияләү исәбенә). Чакырулар саны баш мие кан әйләнешенең көчле бозылулары буенча 17гә, көчле миокард инфарктлары буенча 24кә кояш һәм эссе сугу буенча 2гә артты. Җәмәгать урыннарына чакырулар саны 225кә артты.  Янгыннар буенча чакырулар саны 1гә, ЮТҺ буенча – 6га кимеде.

Сәламәтлек хезмәте
Аның скрипкачы буласы, зур оркестрда уйныйсы килә иде. Хыялы чынга ашты, ләкин инсульт аркасында шатлыклы киләчәккә нокта куелды. Хәрәкәте чикләнгән сул кул кыл инструментларында тавыш чыгару өчен кулланыла торган кыллар тарттырылган таякны нык һәм шул ук вакытта йомшак итеп тота алмый иде инде … Әмма ул барыбер бирешмәде һәм музыканы ташламады. Бүген ул көйләүче булып эшли, «скрипка»ны ишетү сәләтенең камил булуы аркасында ул югары класслы һөнәр остасына әйләнде. Кулын озак, интектергеч күнегүләр ясап тыңлатты. Ә якынча бер ел элек РКХнең нейрохирурглары аңа затлы бүләк бирделәр, шул бүләк ярдәмендә аның хәрәкәтләренең саны күп тапкырга артты...

Реабилитация, онкология, радиология һәм телемедицина мәсьәләләрен әйдәүче Германиянең һәм Россиянең медицина белгечләре теориягә генә түгел, ә практикага да нигезләнеп тикшереп карый алдылар. Вальтер Шеель исемендәге III форум чикләрендә башкаланың кунаклары «Медицина фәне үзәге» дигән медицина стимуляторларының инжиниринг үзәгендә һәм Казан шәһ. «7нче номерлы Шәһәр клиник хастаханәсе» ДАССОда булып киттеләр.

Бүген Зәй районында, Зәй шәһәреннән 5 километр ераклыкта ЮТҺ булды.

ЮТҺ урынына Зәй ашыгыч медицина ярдәменең 3 бригадасы чыкты.

2 җиңел автомобильнең бәрелешүе нәтиҗәсендә 6 кеше зыян күрде. Бөтен зыян күргән кешеләрне: уртача авыр хәлдәге 5 кешене Саба ашыгыч ярдәме бригадасы, авыр хәлдәге бер зыян күргән хатынны Республика һәлакәт медицинасы үзәгенең бригадасы РКХнең травмаүзәгенә тапшырдылар.

Әлмәт районында, Әлмәт – Бөгелмә автоюлының 15нче километрында ЮТҺ булды.

ЮТҺ урынына Әлмәт ашыгыч ярдәменең 2 табиб бригадасы чыкты.

Бүген Казанның Югары медицина технологияләре Белем бирү үзәгендә Татарстан Республикасының Премьер-министры Илдар Халиков һәм Татарстанның сәламәтлек саклау министры Адел Вафин катнашуында, медицина, практик сәламәтлек саклау һәм медицина фәннәре проблемаларына багышланган Вальтер Шеель исемендәге III Форум ачылды. Чара чикләрендә ТР Сәламәтлек саклау министрлыгы, Р.Кох һәм И.Мечников исемендәге Форум (Берлин шәһ.), Сәламәтлек регионы – Фрайбург һәм Вальтер Шеель Форумы (Бад Кроцинген шәһ.) арасында сәламәтлек саклау өлкәсендә хезмәттәшлек итәргә ниятләү турындагы протоколга кул куелды.

Бүген  Казанга III Вальтер Шеель исемендәге Форумда катнашучылар килделәр. «Казан» халыкара аэропортында башкала кунакларын Татарстан Республикасының сәламәтлек саклау министры Адел Вафин каршы алды.

Исегезгә төшерәбез, иртәгә Казан шәһәрендә Россия Федерациясе Сәламәтлек саклау министрлыгының башлап йөрүе белән һәм Татарстан Республикасы Хөкүмәте булышлыгында медицинаның, гамәли сәламәтлек саклауның һәм медицина фәненең проблемаларына багышланган III Вальтер Шеель исемендәге Форум үтәчәк.

Форумда реабилитацион медицина, онкология (ачыклау һәм дәвалау), радиология һәм телемедицина кебек темалар турында сөйләшү ниятләнә. Чарада Россиянең һәм Германиянең әйдәүче медицина белгечләре катнашачаклар.

6.08.2014 ТР Сәламәтлек саклау министрлыгының стандартларны һәм медицина эшчәнлеге сыйфатын тикшерү идарәсе хезмәткәрләре тарафыннан ведомство сыйфатын һәм медицина эшчәнлегенең куркынычсызлыгын тикшерү чикләрендә «Арча ҮРХ» ДАССОсын план буенча барып тикшерү үткәрелде. Клиник-эксперт эшен һәм эчке тикшерүне башкару буенча норматив-хокукый документларның таләпләренең үтәлүе, медицина ярдәмен күрсәтү тәртибен һәм стандартларын үтәү, медицина эшчеләренең һөнәри эшчәнлекне башкарганда аларга карата кулланылучы чикләүләрне үтәүләре тикшерелде. Тикшерү нәтиҗәләре буенча акт төзелә, баш табибка ачыкланган бозуларны бетерү турында предписание биреләчәк.
Ел ахырына кадәр барлыгы 8 сәламәтлек саклау оешмасында план буенча тикшерү үткәреләчәк.