ЯҢАЛЫКЛАР

Узган атна белән чагыштырганда үтәлгән чакырулар саны 251гә күбәйде (кискен авырулар һәм кичектергесез ярдәм исәбенә). Чакырулар саны бәхетсезлек очраклары буенча 98 гә (алардан ЮТҺдә – 7гә), бала табу буенча 8гә, көчле миокард инфарктлары буенча 16га, көчле баш мие кан әйләнешенең бозылулары буенча 7гә, эссе һәм кояш сугу буенча 11гә кимеде. Җәмәгать урыннарына чакырулар саны 150гә кимеде.
Исегезгә төшерәбез, «ашыгыч ярдәмгә» шәһәр телефоны белән «03»  номерын җыеп шалтратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр  SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын  (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирә,  кабул итүнең вакытын әйтә һәм адресны кабатлый, шул чакта чакыру кабул ителгән дип санала.

2014 елның 9 июненнән башлап 6сына кадәр кан һәм кан компонентларының донорлары саны 929 кешене тәшкил итте, шул санда беренчел – 228 кеше, кабаттан баручылар – 701 кеше.  Күрсәтелгән периодта донациялар саны 929 литрны тәшкил итте, шул санда  түләүсез нигездә – 929 литр. Донор көне (эшнең күчмә формасында) Кама тамагы ҮРХдә уздырылды, анда 80 донор катнашты.

Бүген «Казан» Халыкара аэропортында  табибларны - «Сәләт» бөтенроссия табиблар бәйгесе җиңүчеләрен каршы алдылар. РКХ табиблары төркеме «Кеше гомерен коткарып калган уникаль операцияне үткәргән өчен» дигән атауда җиңде.
Медик-җиңүчеләрне каршылауда ТР сәламәтлек саклау министры Адель Вафин һәм РКХнең баш табибы урынбасары Сергей Кривошапко катнаштылар.
«Сәләт» бөтенроссия табиблар бәйгесе җиңүчеләрен бүләкләүнең тантаналы церемониясе кичә Мәскәүдә Россия Хөкүмәте Рәисе Дмитрий Медведев, Россия Хөкүмәте Рәисе урынбасары Ольга Голодец, РФ сәламәтлек саклау министры Вероника Скворцова катнашуында булды.

2008 елдан башлап ел саен Татарстан Республикасы башкаласы Казан шәһәрендә «Ел табибы - ак чәчәкләр» Республика конкурсы үткәрелә. Конкурска шундый исем танылган татар әдибе Габдерахман Әбсәләмовның ак халатлы кешеләргә багышланган шундый ук исемле романына багышлап бирелгән. Әсәрнең төп геройларының берсен, профессор Әбүзәр Таһировны аның революциягә кадәрге табиб практикасыннан бер очрак, баласын дәвалаган өчен табиб бернәрсә дә алмаганлыктан яшь ярлы хатынның тулы өметсезлектә калуы, гомере буена хәйран калдырды. Рәхмәт йөзеннән табиб аңа чәчәкләр генә китерергә кушты. Шул мизгелдән гади ак чәчәкләр профессор өчен медицина һөнәрендә чисталык һәм риясызлык символына әйләнделәр. Татарстан Республикасы Сәламәтлек саклау министрлыгы тарафыннан оештырылган бәйге һөнәри осталыкны камилләштерүгә өстәмә стимуллар барлыкка китерер, медицина эшчесе һөнәренең иҗтимагый абруен күтәрер өчен оешкан. Медицина эшчеләренә Республика премиясен бирү Татарстан Республикасы сәламәтлек саклавында истә кала торган вакыйга булып тора.
Медицина эшчеләре көненә  туры китерелгән «Ел табибы - ак чәчәкләр» Республика конкурсы җиңүчеләрен бүләкләү церемониясе Казан шәһ. «Пирамида» мәдәният һәм күңел ачу комплексында  (Московская ур., 3 йорт) 2014 елның 19 июнендә булачак.

Бөек Британиянең Даулинг Клубы Казанда Британия белгечләренең күчмә секциясенең утырышын уздыра. Даулинг Клуб – Бөек Британиянең дерматолог-белгечләренең күпчелеге аның әгъзалары булган күпьеллык тарихлы оешма. Аның максаты булып консультант-дерматологларның һәм яшь дерматолог-белгечләрнең (стажерларның) белемнәрен һәм тәҗрибәләрен киңәйтү тора. Төп максатларның берсе булып Британиянең дерматологлары һәм аларның башка илләрдәге коллегалары арасында клиника һәм фән тәҗрибәсе белән алмашуны һәм үзара мөнәсәбәтләрне коруга һәм яклауга булышу тора. Чараның чикләрендә дерматовенерологиянең һәм дерматоонкологиянең  яңа технологияләре буенча, ике илнең махсуслаштырылган дерматовенерология ярдәмен күрсәтүнең оештыру моделе буенча фикер алышу өчен Бөек Британиянең һәм Россиянең әйдәүче дерматовенерологларының килүләре алдан исәпләнә. Чараны уздыру ТР Президенты Миңнеханов Р.Н. һәм ТР Сәламәтлек саклау министрлыгы белән хупланган.

2014 елның 25 сентябрендә Казанда РФ ССМ Физик культура, спорт һәм туризм Идел Буе дәүләт академиясенең җирлегендә яшь белгечләр өчен «Сыйфатның бөтендөнья стандарты: идеядән тормышка ашыруга кадәр. Мэйо клиникасының тәҗрибәсе» дигән Халыкара конференция булачак.

Конференциянең оештыручылары: Татарстан Республикасы Сәламәтлек саклау министрлыгы, Югары медицина технологияләренең белем бирү үзәге, Казан дәүләт медицина университетының Сәламәтлек саклавындагы менеджмент кафедрасы.

Конференция чикләрендә түбәндәге мәсьәләләр турында фикер алышу планлаштырыла: әйдәүче медицина клиникаларында сыйфат менеджменты системасы; нәтиҗәле йомгак ирешүнең алымнары; медицина оешмаларында сыйфатны идарә итү мәсьәләләре, медицина даирәсендә корпоратив культура һәм сәламәтлек саклавындагы нәтиҗәлелек күрсәткечләре.

Республика клиник хастанәсенең ситуацион үзәгендә хезмәттәшлекнең һәм Татарстан Республикасында феталь хирургия үсешенең мөмкинлекләре турында Барселонаның San Joande Deu (Сан Жоан де Деу) Балалар госпитале белән видеоконсультация уздырылды. Видеоконсультациядә РКХнең акушерлык-гинекология ярдәме буенча баш табиб урынбасары Галимова Э.Р., ультратавыш тикшеренүләре бүлегенең мөдире Терегулова Л.Е., 1нче номерлы акушерлык һәм гинекология кафедрасы доценты Яковлев Н.В. катнаштылар. Безнең республика хастаханәләренең практикасына феталь хирургияне кертү ультратавыш тикшеренүе астында гына түгел, ә махсус хәзерге заман эндоскопик җиһазның тикшерүе астында да әнисе карынында балага операцияләр уздырырга мөмкинлек бирәчәк. РКХдә карындагы операцияләр актив уздырылдылар инде һәм уздырылалар, хәзер исә аларның тулы үсеше өчен бу яңа кертүләр андый операцияләрне ясауның мөмкинлеген арттыра алачаклар.

Телекүпер тәмамлангач РКХнең белгечләре хәзерге заман феталь хирургиясе белән практик яктан танышу өчен Барселона госпиталенә чакырылдылар.

ТР Сәламәтлек саклау министрлыгы сайтында «Ел табибы – Ак чәчәкләр-2014» Республика премиясенең номинантлары өчен интернет-тавыш бирү дәвам итә. 2014 елның конкурсында 6 номинация тәкъдим ителә, аларның һәрберсендә («Сәламәтлек саклау риваяте» номинациясеннән башка) финал өлештә тавыш бирүгә конкурс комиссиясенең әгъзалары белән кертелгән өч лаеклы кандидатура яисә табиблар коллективы («Уникаль очрак» номинациясе) бар. Җиңүчеләр Татарстан Республикасы Сәламәтлек саклау министрлыгындагы Иҗтимагый советның утырышында билгеләнәчәк. Җиңүчене сайлауда мөһим рольне интернет-тавыш бирү уйнаячак. Сез тавышыгызны сайтның төп битендә («Ак Чэчэклэр» баннерында) калдыра аласыз.

Бүген Казанда «Инновацион сәламәтлек саклау технологияләре» (ИССТ) дигән XIII Халыкара фәнни-гамәли конференция эшен башлады. Гадәттәгечә, чараны Татарстан Республикасының сәламәтлек саклау министры Адель Вафин ачты. Республика Хөкүмәте Исеменнән ул конференциядә катнашучыларны сәламләде һәм шушы чара гаять актуаль дип билгеләде. «Сәламәтлек саклауны модернизацияләү программасы тулы барышы белән тормышка ашырыла, барлык куелган максатлар һәм бурычлар шулай ук Россия Федерациясе территориясендә тормышка ашырылалар. Күп нәрсә инде эшләнелде. Ләкин, мөгаен, бүген мәгълүматлаштыру көн саен эшләүне, алдынгы тәҗрибә белән уртаклашуны таләп итүче юнәлеш булып тора», - дип ассызыклады Адель Вафин. Ул, бар регионнар мәгълүматлаштыруның төрле дәрәҗәләрендә торалар иде дип билгеләде, һәм Казанда инде 13нче тапкыр үткәрелүче шул майданчык, һичшиксез, бүгенге көндә әле калучы проблемалы сорауларны чишәргә булышачак.

Бүген Залесный поселогында ЮТҺ булды. Пассажир автобусы һәм трактор бәрелеше нәтиҗәсендә 5 кеше (шул санда 1 бала) зыян күрде. Алардан җиңел дәрәҗәдә зыян күргән ике кешегә (шул санда балага) урында ярдәм күрсәтелде. 2 уртача авыр хәлдә зыян күргән кеше 12нче ШКХнә урнаштырылды, җиңел дәрәҗәдә зыян күргән 1 кеше травмпунктка китерелде һәм ярдәм күрсәтүдән соң амбулатор дәвалауга җибәрелде.

ЮТҺ урынына ашыгыч ярдәм станциясенең 3 бригадасы һәм республика һәлакәт медицина үзәгенең 1 бригадасы бардылар.