ЯҢАЛЫКЛАР
Атна эчендә Казанның ашыгыч ярдәм хезмәтенең табиблары кешеләрне коткарырга 8032 тапкыр чыктылар, шул санда җәмәгать урыннарына – 1023 чакыру. Медиклар бәхетсезлек очракларына 834 тапкыр чыктылар, шул санда юл-транспорт һәлакәтләренә – 42 тапкыр. Бу ЮТҺдә 37 кеше зыян күрде, 1 кеше һәлак булды, 20 кеше дәвалау оешмаларына китерелде. Янгыннарга медиклар 14 тапкыр чыктылар. Бала табуларга Казанның Ашыгыч медицина ярдәме станциясеннән медиклар 60 тапкыр чыктылар. Төрле авырулар буенча 6452 чакыру үтәлде, шулардан көчле миокард инфарктлары – 56, баш мие кан әйләнешенең көчле бозылулары – 191.
Профессор А. Ф. Агафонов исемендәге Республика клиник йогышлы авырулар хастаханәсенә Федераль кулланучылар хокукларын яклау һәм кеше иминлеге өлкәсендә күзәтчелек буенча хезмәтнең җитәкчесе – Россия Федерациясенең Баш дәүләт санитар табибы Анна Попова килеп китте. Кунак йогышлы авырулар хастаханәсенең эшчәнлеге белән танышты, йогышлы авыручыларга медицина ярдәмен күрсәтү һәм йогышлы авыруларны лаборатор диагностикалау мәсьәләләрен өйрәнде.
2018 ел эчендә «Елның иң яхшы уйлап табуы» конкурсына йомгак ясалды.
Республика СПИД үзәге Татарстанның укучы яшьләре арасында уникаль профилактик акция уздыра.
Татарстан Сәламәтлек саклау министрлыгының Республика медицина профилактикасы үзәге һәм Республика клиник офтальмология хастаханәсе табиблары Республика сукырлар өчен махсус китапханәсендә күз авыруларын профилактикалау буенча лекторий уздырдылар.
«ПҮ белән БШХ» ДАССУнең баш табибы Рамил Хәмидуллин һәм хирургия бүлеге мөдире Рөстәм Гарипов Яңа Чишмә үзәк район хастаханәсенә килеп киттеләр.
Бүген Бөек Ватан сугышы ветераны, хәрби-кыр хирургы Татьяна Андрей кызы Емелина туган көнен билгеләп үтә. ТР Сәламәтлек саклау министрлыгы исеменнән юбилярны эшләр идарәчесе Идеал Айзетуллов котлады.
Казан дәүләт медицина академиясе профессоры Роза Җамалеева Түбән Кама бала тудыру йорты белгечләренә яралгының антенаталь үлүе өлкәсендә соңгы фәнни тикшеренүләр турында сөйләде.
2019 елның 24 гыйнварында Буа районында ЮТҺ булды. Җиңел автомобиль һәм МАН йөк автомобиле бәрелешү нәтиҗәсендә 2 бала үлде. Зыян күрүчеләрнең өчесе, шул исәптән бала, Буа ҮРХнә китерелделәр. Көнүзәк мәгълүмат буенча, сәгать 11:40та 2014 елда туган бала реаниматолог озатуында БРКХнә эвакуацияләнде, 1965 елда туган ир-кеше РКХнә җибәрелде.
2019 елның 25 гыйнварыннан башлап «7нче номерлы Балалар шәһәр клиник хастаханәсе» ДАССУнең 3нче номерлы сырхауханә бүлеге (Казан шәһ., Химиклар ур., 17) вакытлыча башка адреслар буенча кабул итә.