ЯҢАЛЫКЛАР
Ел саен апрель аенда бөек татар шагыйре Габдулла Тукайның туган көнен бәйрәм итүгә хәзерлек башлана. «Казан медицина көллияте» ДАҺББУ стеналарында шагыйрьнең тууына 133 ел тулуга багышланган музыкаль-әдәби бәйрәм узды.
ТКҮРМХнең хезмәтне саклау һәм әйләнә-тирә мохитне саклау бүлеге башлыгы Лилия Сабирьянова мондый бүлек белән җитәкчелек итү җиңел түгел, дип сөйли. Әмма аны тату командасы беркайчан да сынатмый. Бу бүлектә үзара ярдәмләшү һәм аңлау булуының күрсәткәче. Вакыт белән бергә атлау өчен Лилия Сергеевна җитәкче буларак үзе даими белем ала һәм белемнәрен камилләштерә. Үз эшен ул чын күңелдән ярата. Шуңа күрә Бөтендөнья хезмәтне саклау көне аның өчен үзенчәлекле бәйрәм.
Тәтеш үзәк район хастаханәсендә «Георгий тасмасы – 2019» патриотик акциясе узды. Җиңү көне алдыннан хастаханә хезмәткәрләренә һәм барлык килүчеләргә Бөек Ватан сугышында җиңүне символлаштыра торган тасмалар таратылды. Акциядә 400дән артык кеше катнашты.
Бөек Ватан сугышында Җиңүнең 74 еллыгын бәйрәм итү алдыннан ТР Сәламәтлек саклау министрлыгында Бөек Ватан сугышы ветераннары өчен сәламәтлек саклауны оештыру мәсьәләләре буенча «кайнар элемтә» эшли башлый: 8 (843) 231-70-20.
Республика клиник хастаханәсенең клиник диагностика буенча баш белгече, профессор Мөнир Төхбәтуллин «Ультратавыш диагностикасының көнүзәк мәсьәләләре» дигән халыкара катнашуы белән VII Бөтенроссия фәнни-гамәли конференциянең оештыручысы һәм докладчысы булып чыгыш ясады. Мөнир Габделфәт улы – КДМА ультратавыш диагностикасы кафедрасы мөдире.
Медицина университетының клиникасы территориясендә «Урман утырту көне» республика табигатьне саклау акциясе узды, аның кысаларында ТР Урман хуҗалыгы министрлыгы бушлай нигездә гади һәм европа чыршысы агач токымнарының үсентеләрен бирде.
«Идел» дигән татар һәм башкорт җырлары конкурсы лауреатларының отчет гала-концертында катнашучылар ТР Сәламәтлек саклау министрлыгы бинасында урнашкан Габдулла Тукай мемориаль палатасына килеп киттеләр. Башкортстан һәм Татарстан сәнгать эшлеклеләре делегациясе өчен иҗади инсценировка белән «Тукай эзләре буйлап» экскурсиясе оештырылды. Аларга тамашаны Казан медицина көллияте студентлары белән бергә Г. Кариев исемендәге Татар дәүләт яшь тамашачы театры артистлары хәзерләделәр.
Зәй ҮРХдә Амбулатор гемодиализ үзәге ачылды. Шундый әһәмиятле объектны ачу тантанасында Зәй халкын район башлыгы Р.Г. Кәримов, Татарстан Республикасы Сәламәтлек саклау министрының беренче урынбасары А.Р. Абашев, «ФармГрупп» ҖЧҖ җитәкчесе Ф.Ф. Гыйлаҗетдинов сәламләделәр һәм котладылар.
Казанда «Урта медицина һәм фармацевтика белемле иң яхшы белгеч 2019» дигән Бөтенроссия һөнәри осталык конкурсының республика этабына йомгак ясадылар.
Яр Чаллы шәһәренең Сугышлар ветераннары өчен госпиталенең күчмә бригадасы Бөек Ватан сугышы ветераннарын карау өчен Тукай районы авылларына барды.