ЯҢАЛЫКЛАР
Әлмәттә Бөтендөнья инсульт белән көрәшү көне кысаларында профилактик чаралар узды.
Яр Чаллыда 2нче номерлы Шәһәр сырхауханәсе җирлегендә КДМУның 6нчы курс студентлары өчен яңа уку үзәге ачылды. Яр Чаллы шәһ.буенча Сәламәтлек саклау идарәсе белән берлектә, шәһәр мэры Наил Мәһдиев ярдәме белән Казан дәүләт медицина университеты ректораты Татарстан өчен генә түгел, Россия өчен дә моңарчы булмаган яшь кадрлар хәзерләү проектын эшләтеп җибәрделәр.
Чирмешән ҮРХнең табибы-статистигы Зилә Минеголова Кадет мәктәбе укучылары белән очрашу үткәрде. Әңгәмә элементлары белән лекция вакытында ул иммунодефицит вирусы, аның барлыкка килүе турында җентекләп сөйләде, ВИЧ һәм СПИД төшенчәләрен аңлатты.
Балык Бистәсе ҮРХнең Котлы Бөкәш табиб амбулаториясендә Бөтендөнья инсульт белән көрәш көне кысаларында Казан шәһәренең әйдәп баручы клиникаларының: Регионара клиник-диагностика үзәгенең һәм 7нче номерлы Шәһәр клиник хастаханәсенең тар белгечләре кабул иттеләр.
2 ноябрьдә Казанда Республика кан үзәгендә Хэллоуин бәйрәменә багышланган донор акциясе узачак. Донорлар өчен кабак, тематик фотозона һәм тәмле ризыклар белән «Кан үзәгендә Хеллоуин» дигән чын бәйрәм оештырылачак.
Казанда медицина ярдәмен оештыру системасына һәм сирәк авырулар белән пациентларны дару белән тәэмин итүне консолидацияле финанслау модельләренә багышланган эксперт утырышы узды.
28 октябрьдә Волонтер-медикның региональ мәктәбе узды. Тантаналы ачылышта Казан шәһ. буенча Сәламәтлек саклау идарәсе җитәкчесе Илнур Хәлфиев һәм Республика клиник хастаханәсенең баш табибы Рафаэль Шәвәлиев чыгыш ясадылар.
Түбән Камада ташлап калдырган яңа туган кызның хәлен табиблар тотрыклы дип бәялиләр. Исегезгә төшерик, яңа туган кызны Түбән Камада чүп багында 27 октябрьгә каршы төндә таптылар. 1979 елда туган хатын-кыз бала тапты һәм, фатир ала торган йорт янында ташлады. Сабыйны очраклы үтеп баручы тапты, ул шунда ук ашыгыч ярдәм чакыртты.
Республика медицина профилактикасы үзәгендә Казан дәүләт медицина университетының һәм Казан Федераль университетының студент яшьләре арасында ирләр сәламәтлеге темасына иң яхшы лекция материалына Республика конкурсының икенче йомгаклау туры булды.
Түбән Кама үзәк район күп профильле хастаханәсе (ТКҮРКПХ) кардиологлары квалификация күтәрү курсларын уздылар. Бер көн элек табиблар сертификат алу өчен йомгаклау имтиханын тапшырдылар. Ай дәвамында 23 кардиолог, шул санда Әлмәт, Яр Чаллы һәм Казан белгечләре өчен лекцияләр Казан дәүләт медицина университеты Квалификацияне күтәрү факультетының (ККФ) кардиология кафедрасының доцентлары Гадел Камалов һәм Зөлфия Галиева һәм профессор-укытучылар составы (ПУС) алып бардылар.
Кардиология белгечлеге буенча квалификация күтәрү курсларын табиблар биш елга бер тапкыр узалар. Бу яңалык белү генә түгел, коллегалар белән тәҗрибә уртаклашу өчен дә яхшы мөмкинлек.