ЯҢАЛЫКЛАР

Сәламәтлек саклау министры А.Ю.Вафин нигез салган мәрхәмәтле гадәтне дәвам итеп, 29нчы августта баш табиб  Гайфуллин Р.Ф. башлыгы астында Республика клиник хастаханәсенең җитәкчелеге хастаханә территориясендә дистәдән артык чыршы утыртты. Яңгырлы һава торышы оештырылган эшкә комачау итмэде һәм яшелләндерү миссиясе үтәлде. Чарада катнашучылар күтәренке кәеф белән үзләренең эш урыннарына кайттылар һәм ел саен хастаханә аллеясен яңа агачлар белән тулыландырырга сүз куештылар. Явып узган җылы яңгыр үсентеләрнең ялганып китүенә уңай тәэсир итәчәк, ә кирәк чакта өстәмә су сибү оештырылачак.

Моның турында Алексеевск ҮРХнә визит вакытында хирургия буенча генераль директорның урынбасары, А.Л.Мясников исемендәге ККИның йөрәк-кан тамырлары хирургиясе бүлегенең җитәкчесе, Татарстан Республикасының атказанган табибы Ренат Акчурин белдерде. Журналистларга интервью биргәндә ул ассызыклады: үзәк район хастаханәләренең бурычы беренче ярдәм күрсәтүдән һәм бик каты авыруларны югары квалификацияле медицина оешмаларына илтүдән гыйбарәт. Димәк, пациент тормышы район табибларының кулында.
Алексеевск ҮРХнә визит вакытында ТР сәламәтлек саклау министры Әдел Вафин һәм академик Ренат Акчурин авыруларны кабул иттеләр һәм хастаханә коллективы белән очраштылар.
Министр үзенең чыгышында әлеге очрашуларның мөһим булуын ассызыклады: «Безнең өчен тәҗрибә белән уртаклашу – операцияләр, мастер-класслар, авыруларны консультацияләү, консилиумнар – гадәттән тыш мөһим. Табиб һөнәре – көн саен бар профессиональ эшчәнлек дәверендә  өйрәнү». Очрашу вакытында республикада медицина ярдәмен оештыру буенча аеруча мөһим сораулар турында фикер алыштылар.

Эш сәфәре белән «АМЯКХ» ТР ДАССОна М.Ф.Владимирский исемендәге Мәскәү өлкәсенең фәнни-тикшерү клиник институтының (ДО МӨФТКИ) табибларны камилләштерү факультетының неврология кафедрасы доценты, м.ф.к. Ринат Богданов килде.
Үзенең визиты вакытында кунак баш мие кан әйләнешенең көчле бозылуы белән авырулылар өчен неврология бүлегенең соңгы казанышлары белән танышырга килде. Кунакка әлеге бүлекнең эшчәнлеге турында «АМЯКХ» ТР ДАССОның кан тамырлары үзәгенең җитәкчесе Шамил Мусин сөйләде. Мәскәү хезмәттәшен дәвалау системасын оештыру, методикаларның нәтиҗәләре, табибларның һәм шәфкать туташларының саны кызыксындырды. Республиканың алдынгы хастаханәсенең планлы дәвалауны алып бару гына түгел, шулай ук ашыгыч мөрәҗәгать иткән пациентларга вакытында ярдәм күрсәтүе аны шаккатырган. Ул перинаталь үзәк һәм РКХнең бүлекләре хезмәте нигезендә алып барылган республика клиник хастаханәләр арасындагы үзара бәйләнгән эшне бәяләде.

Татарстан Республикасына табиб-ватандашлар клубы катнашучыларының визиты чикләрендә Яр Чаллы шәһәренең «5 нче номерлы шәһәр хастаханәсенә» ДАССОна м.ф.к., Россиянең атказанган табибы, урология һәм литотрипсия бүлегенең мөдире, табиб-уролог Рафаэль Биктимиров килде. Визит дәвамында Рафаэль Биктимиров оешма эшчәнлеге белән танышты, каты авырулы пациентларны консультацияләү белән бүлектә обход, урология бүлегенең табиблар персоналы белән киңәшмә үткәрде, ТР ССМның Яр Чаллы шәһәре сәламәтлек саклау идарәсенең җитәкчесе Е.А.Боенко белән очрашты.

2014 елның 28 августында Казан Кремлендә аеруча осталык күрсәткән татарстанлыларга Россия Федерациясе һәм Татарстан Республикасының Дәүләт бүләкләре тапшырылды.
Бүләкләрне Татарстан Республикасының Президенты Рөстәм Минниханов тапшырды. Татарстан Президенты Рөстәм Минниханов кулыннан «Татарстан Республикасының атказанган табибы» дәүләт бүләген анестезиология һәм реанимация бүлегенең мөдире, югары квалификацияле табиб Мостафина Лариса Анатольевна алды.

Бүген Татарстан башкаласына Табиб-ватандашлар клубының катнашучылары килде. Кунакларны «Казан» халыкара аэропортында ТР сәламәтлек саклау министры Адел Вафин каршы алды.Казанга визит чикләрендә клубның катнашучылары Татарстан Республикасының әйдәүче медицина оешмаларында мастер-класслар үткәрәчәкләр. Шулай ук программа кысаларында «Медицина фәннәре үзәгенә» бару, Зөя утравына сәяхәт, Республика көненә багышланган тантаналы чараларда катнашу планлаштырылган.

Бүген Югары медицина технологияләренең белем бирү үзәгендә муниципаль берәмлекләрнең медицина оешмалары җитәкчеләре катнашуында  «Халыкның үлем саны, төп  рисклар һәм аларны кисәтү буенча чаралар» темасына видеоконференция тәртибендә Татарстан Респубикасы Сәламәтлек саклау министрлыгының коллегиясе утырышы узды. Төп доклад белән сәламәтлек саклау министры Адел Вафин чыгыш ясады.

28 –29 августта Татарстанга Россиянең алдынгы табиблары киләчәк – Табиб-ватандашлар Клубының катнашучылары. Делигация составында – Н.Н.Бурденко исемендәге Төп хәрби клиника госпиталенең баш хирургы, профессор Гыйзәтуллин Шамил, Мәскәү психология институтының ректоры, медицина фәннәре докторы Кәримова Дания, Н.Н.Бурденко исемендәге Төп хәрби клиника госпиталенең башлыгы, профессор Крюков Евгений, А.Н.Бакулев исемендәге йөрәк-кан тамырлары хирургиясе фәне үзәгенең авыру китереп чыгарган йорәк кимчелекләренең ашыгыч хирургия бүлегенең җитәкчесе, профессор Муратов Ренат. Исегезгә төшерәбез, Табиб-ватандашлар клубының беренче очрашуы 2011 елда ТР Президенты Рөстәм Миңнеханов тарафыннан «Ватандашлар белән очрашуны оештыру» йөкләмәсе буенча оештырылган иде. Клубның әгъзалары булып республикадан читтә эшләүче – Татарстаннан чыккан төрле милләт табиблары. Клубның төп бурычы – алдынгы медицина тәҗрибәсе белән алышыну. Табиб-ватандашлар Клубының очрашулары вакытында актуаль медицина юнәлеше буенча түгәрәк өстәлләр, конференцияләр, лекцияләр, мастер-класслар үткәрелә. Хәзерге вакытта Клуб составына РФАнең һәм РМФАнең 4 академигы, 89 профессоры керә. Клубның рәисе – А.Л.Мясников исемендәге ККИның хирургия буенча генераль директор урынбасары, йөрәк-кан тамырлары хирургия бүлегенең җитәкчесе, Татарстан Республикасының атказанган табибы Акчурин Ренат.

26 августта Биектау муниципаль районында медицина гомумдәвалау челтәренең хезмәткәрләре, хокук саклау һәм мәгариф хезмәткәрләре өчен «Наркотизацияне профилактикалавының төп юнәлешләре һәм сәламәт тормыш рәвешен формалаштыру» исеме астындагы районара семинар-киңәшмә уздырдылар. Семинар эшендә Республика наркология диспансерыннан һәм Республика медицина профилактика үзәгеннән белгечләр катнашты. Наркомания һәм аны профилактикалау буенча актуаль сорауларны тикшерделәр.

Үзләренең чыгышларында докладчылар яшьләрнең наркотик чараларны куллануны иртә ачыклау һәм үсмерләр арасында наркоманияне беренчел профилактикалау буенча эш уздыруның мөһимлеген ассызыкладылар. Катнашучыларга Республика профилактика медицинасы үзәге әзерләгән «Сәламәт бул!» анимацион сериалын тәкъдим иттеләр, ә Республика наркология диспансеры наркоманияне профилактикалау буенча волонтерлар хәрәкәте булдыру турында видеоролик күрсәтелде.