ЯҢАЛЫКЛАР

2014 ЕЛНЫҢ 13 ФЕВРАЛЕНДӘ «СӘДАКА» Хәйрияле фонды башлап йөрүе буенча «ДОНОР. КАН. ЯШӘҮ» Икенче Бөтенроссия донор акциясе булачак. Бу көндә фондның активистлары һәм волонтерлары Россия һәм Украинаның 20 шәһәрендә бушлай кан донорлары булачаклар. Алар арасында - Санкт-Петербург, Мәскәү, Түбән Новгород, Рязань, Волгоград, Ставрополь, Казан, Уфа, Ульяновск, Екатеринбург, Сургут һәм башкалар. Акциядә 18 яше тулган һәм кан тапшыруга капма-каршылыклары булмаган РФнең теләгән һәр гражданины катнаша ала. Һәр акциядә катнашучыга исемле донор таныклыклары, шулай ук онытылмаслык значоклар һәм бүләкләр биреләчәк. Кан компонентларына мохтаҗ булган миллионлаган кешеләр үз гомерләре белән үз каннарын ирекле тапшыручы кешеләргә бурычлы.

Татарстанда үз-үзен үтерүдән үлүчеләр саны 2,2 процентка кимеде. Ул 100 мең кешегә 17,7 очракны тәшкил итте (кискен дәрәҗә – 20). Балигъ булмаган кешеләр арасында бу күрсәткеч элеккеге дәрәҗәдә калган – 100 мең шундый халыкка 1,4 очрак. Моның турында бүген медкиңәшмәдә 2013 елдагы ТР психиатрия хезмәтенең эшчәнлеге нәтиҗәләре буенча медкиңәшмәдә академик В.М. Бехтерев исемендәге Республика клиник психиатрия хастаханәсе баш табибы Фәрит Җиһаншин хәбәр итте. Утырышта ТР сәламәтлек саклау министры урынбасары Илдар Халиков катнашты.

Иң уңышлы булып Әтнә, Югары Ослан, Түбән Кама һәм Питрәч районнары тора. Суицидларның югары дәрәҗәсе белән начар хәл Әгерҗе, Актаныш, Әлки, Яңа Чишмә һәм Чирмешән районнарында билгеләнә.

2014 елның 28 февраленнән башлап 1 мартка кадәр Казанда академик М.И. Перельман исемендәге торакаль хирургия буенча III Россия-Европа белем бирү симпозиумы – Татарстан Республикасында традицион булып уза торган һәм 200 артык торакаль хирургия белгечләрен җыя торган чара – узачак. Беренче мәртәбә бу елда Россиянең генә түгел, Европаның да медицина оешмаларыннан табиблар укырга киләчәкләр.

Симпозиумның программасына торакаль хирургия фәненең һәм практикасының, яңа хирургия технологияләренең, эндоскопиянең иң көнүзәк мәсьәләләре керәчәк.  Бу елда утырышларның төп формасы булып түгәрәк өстәлләр һәм җанлы бәхәсләр булачаклар. Симпозиум барышында операция бүлмәләреннән туры трансляцияләр, эксперименталь операцияләр бүлмәләренән мастер-класслар һәм клиник очраклар турында фикер алышулар оештырылачаклар.

Чарага экспертлар булып Бөек Британиядән, Италиядән, Франциядән, Испаниядән, Словакиядән һәм Төркиядән – Европа торакаль хирургия җәмгыятенең әгъзалары, торакаль хирургия буенча әйдәүче белгечләр чакырылды.

Гыйрак делегациясе эш визиты белән хәзер Казанда. Бүген Сәламәтлек саклау министрлыгында делегация катнашучылары белән ТР сәламәтлек саклау министры Адель Вафин очрашты. Очрашу барышында министр Татарстан кунакларына Республиканың сәламәтлек саклавының төп юнәлешләре турында, шулай ук Бөтендөнья җәйге универсиада вакытында медицина тәэминәтен оештыру турында сөйләде. Кунаклар медицина өлкәсендә Татарстан белән хезмәттәшлек итү белән кызыксынуларын күрсәттеләр. Яклар хезмәттәшлекнең мөмкин юллары турында фикер алыштылар.

Казанның эре медицина үзәкләренә бару Гыйрак делегациясенең визит программасында алдан каралган.

2014 елның 27–31гыйнварында Татарстан Республикасында кан һәм кан компонентларының донорлары саны 1182 кеше тәшкил итте, шул санда беренчел – 367 кеше, кабаттан баручылар – 815 кеше. Күрсәтелгән периодта донациялар саны 1201 литр тәшкил итте, шул санда түләүсез нигездә – 1201 литр.

27 гыйнвардан башлап 2 февральгә кадәршәһәрнең ашыгыч ярдәм табиблары кешеләрне коткарырга 7830 мәртәбә чыктылар, шул санда иҗтимагый урыннарга – 909 чакыру. Медиклар 903 мәртәбә бәхетсез очракларга чыктылар, шул санда юл-транспорт һәлакәтләренә – 43 мәртәбә. Бу юл-транспорт һәлакәтләрендә 46 кеше зыян күрде, 1 - үлем нәтиҗәсе белән, 23 кеше дәвалау оешмаларына тапшырылды. Янгынларга медиклар 32 мәртәбә чыктылар.

Бала табуга Казандагы Ашыгыч медицина ярдәме станциясе медиклары 79 мәртәбә чыктылар. Төрле авырулар сәбәпле 6251 чакырулар эшләнде, алар арасында көчле миокард инфаркты – 48 көчле баш мие кан әйләнешенең бозылулары – 217.

ТР Сәламәтлек саклау министрлыгының Республика клиник онкология диспансеры бөтен теләүчеләрне, пациентларны һәм аларның туганнарын, үз сәламәтлеге һәм якын кешеләре сәламәтлегенә салкын карамаган кешеләрне «Сөт бизе яман шеше. Профилактикалау, дәвалау һәм реабилитацияләү» темасына булган «Пациентлар мәктәбенә» барырга чакыра. «Пациентлар мәктәбе» чикләрендә республиканың әйдәүче табиблары белән очрашу булачак. Мәктәпне «ТР ССМ РКОД» баш табибы Хәсәнов Рөстәм Шамил улы ачачак. Чара барышында түбәндәге мәсьәләләр: «Сөт бизе яман шеше. Профилактикалау, дәвалау һәм реабилитацияләү», «Сөт бизе яман шеше диагнозы булган хатын-кызларга психологик ярдәм күрсәтү», «Онкология авырулары белән авыручыларга медицина ярдәмен күрсәтүнең социаль-хокукый аспектлары» каралачак.

4 февральдә 18.00 сәг. «Россия 24. Татарстан» телеканалында ТР ССМ Республика клиник онкология диспансерының баш табибы Р.Ш. Хәсәнов белән интервьюны карагыз. «ТРда онкологик авыруларны диагностикалау һәм дәвалау» темасына сөйләшү «Вести Татарстан» программасының «Интервью» бүлегендә узачак. Р.Ш. Хәсәнов белән әңгәмә 4 февральдә «Бөтендөнья онкология авырулары белән көрәшү көнендә» уздырыла.

Инсульт – бу баш миендә кан йөрешенең нык бозылуы. Кислород һәм туклыклы матдәләр җитмәгән вакытта минең күзәнәкләре үләләр. Менә шуңа күрә ярдәмне кичектермичә күрсәтү шул хәтле мөһим, чөнки кан йөрешен төзәткән вакытта сәламәтлекнең төзәлүенә дә өметләр зур. Бу –  пациентны инвалидлыкка һәм үлемгә китерә торган иң еш авыруларның берсе.

Инсульт төрле яшьтә булырга мөмкин. Статистика буенча Россиядә ел саен 450 000 инсульт була, Әлмәт һәм аңа якын булган районнарда елына 1 мең 737, Әлмәт шәһәрендә – 900 авыру очрагы.

Авырулар санын һәм кан тамырлары авыруларыннан үлүчеләр санын киметү мәсьәләләренә җитди игътибар бирелә. Әлмәт район үзәк хастаханәсендә беренчел-кан тамырлары үзәген ачу алдан каралган.