ЯҢАЛЫКЛАР
Бүген ТР Сәламәтлек саклау министрлыгының Республика клиник хастаханәсе «Ак халатлы фәрештәләр» медицина фестивале чикләрендә медицина университетының булачак табиблар буыны өчен Ачык ишекләр көнен уздырды. РКХнә республиканың муниципаль оешмаларының чыгарылыш класслары укучылары – Казан дәүләт медицина университетының абитуриентлары килеп киттеләр. Татарстан Республикасы сәламәтлек саклау системасының һәм Казан дәүләт медицина университетының Ачык ишекләр көне 6нчы февральдән башлап 16на кадәр узачак. Фестиваль чикләрендә медицина оешмалары белән танышу бара: беренче ике көн КДМУ абитуриентлары өчен Ачык ишекләр көнен бөтен әйдәүче республика клиникалары һәм үзәк район хастаханәләре уздырачаклар. Башка көннәрдә чаралар шушы елның язында медицина университетына керү имтиханнарын бирә башлаган, аннан соң үзенең эшчәнлеге белән бәйли торган медицина белгечлеген сайлап алган укучылар өчен белем бирү программасына багышланалар.
Бүген «Ак халатлы фәрештәләр» медицина фестивале чикләрендә Казан шәһ. 7нче номерлы Шәһәр клиник хастаханәсенә медицина белән үз тормышларын бәйләргә теләгән укучылар килеп киттеләр.
Роспотребнадзор идарәсе территориаль бүлегенең оператив мәгълүматы буенча Яр Чаллыда А (H1N1) грипп диагнозы 35 кешедә расланды, билгеле булганча, барлык бу пациентларга прививка ясалмаган. Алардан 25 кеше инде өйгә чыгарылган, 10 пациент, шул санда 6 өлкән кеше һәм 4 бала, «Яр Чаллы йогышлы авырулар хастаханәсе» ДАССОда дәвалау узалар, аларның хәлләре канәгатьләнерлек.
Әлмәт медицина профилактикасы үзәге эшчәнлегенең төп юнәлешләре һәм эш мизгелләре тавышландылар һәм йомгаклау җыелышта карап тикшерелделәр. Җыелышта ӘМР Сәламәтлек саклау идарәсе җитәкчесе Вера Головина, Әлмәт сәламәтлек саклау хезмәткәрләренең профсоюз оешмасы рәисе Альбина Акимова, «АК БАРС-Мед» җитәкчесенең урынбасары Әнвәр Насыйбуллин катнаштылар.
Бүген Татарстан Республикасы Президенты Рөстәм Миңнеханов ТР 2015 елның сәламәтлек саклау тармагының эш нәтиҗәләренә һәм 2016 елга бурычларына багышланган Сәламәтлек саклау министрлыгы йомгаклау коллегиясенең эшендә катнашты. Төп доклад белән коллегиядә ТР сәламәтлек саклау министры Адел Вафин чыгыш ясады.
РФ гражданнарын түләүсез медицина ярдәме белән тәэмин итүнең дәүләт гарантияләр программасында ашыгыч медицина ярдәме беренче урында тора. Соңгы өч ел буена һәр 3нче шәһәрдә һәм районда торучы сәламәтлек начараю сәбәпле ашыгыч медицина ярдәме станциясенә медицина ярдәме өчен мөрәҗәгать итә. Әлмәт АМЯС – хастаханәгә кадәр ашыгыч медицина ярдәмен тулы күләмдә күрсәтүче дәвалау-профилактикалау оешмасы.
6 февральдән башлап 16на кадәр Казан дәүләт медицина университеты гадәттәге масштаблы һөнәрләргә юнәлдерелгән чара – «Ак халатлы фәрештәләр» дигән медицина фестивален уздыра. Аның чикләрендә факультетларның презентацияләре, дәвалау оешмалары, КДМУ музейлары буенча экскурсияләр, тренинглар, конкурслар, психологик тест ясау узачаклар.
2015 елда Әлмәттәге «ТР ССМ СПИД һәм ЙА ПК РҮ» филиалы эшчәнлегенең йомгаклары буенча һәм 2016 елга бурычларны билгеләү буенча «ТР ССМ СПИД һәм ЙА ПК РҮ» ДАССОның баш табибы Нияз Галиуллин һәм баш табибның хуҗалык бүлеге буенча урынбасары Фанил Газизҗанов катнашуларында отчет җыелышы булды.
Моның турында республиканың сәламәтлек саклау министры Адел Вафин бүген Татарстан Министрлар кабинетында брифинг барышында хәбәр итте. Ул, гомуми үлемнәр саны белән бергә онкология авыруларыннан үлемнәр санының 8% диярлек артуы күзәтелә, дип сөйләде. Шуның аркасында 2016 ел онкология авырулары белән көрәшүгә багышланачак. Министр сүзләре буенча, информацион компания һәр республикада торучыга юнәлдерелә. «Безнең бурычыбыз – Татарстанның һәр йортына керергә», – дип Адел Вафин басым ясый.
2016 елның гыйнварыннан башлап Әлмәт муниципаль районында район башлыгы Айрат Хәйруллин инициативасы буенча шәһәр һәм район җитәкчеләре катнашуында ачык дәресләр уздыру башланды. Бу башлангыч искиткеч мәктәп елларын искә төшерергә мөмкинлек кенә түгел, ләкин шәһәр һәм район белем бирү системасының эшенә төшенергә дә , балалар белән үз тормыш тәҗрибәсе белән уртаклашырга да һәм бер уңайдан белем бирү системасын камилләштерү буенча үзләренең тәкъдимнәрен кертергә юл куячак.