ЯҢАЛЫКЛАР
М-7 трассасының 809 км ЮТҺ турында мәгълүмат «ГЛОНАСС+112» БДМС буенча 11 сәг. 03 мин. килде. Җиңел автомобильнең кюветка төшүе нәтиҗәсендә 6 кеше, шул исәптән 12-13 яшьлек Казанга олимпиадага баручы 5 яшүсмер зарар күрде. ЮТҺнең медик-санитар нәтиҗәләрен бетерү Республика һәлакәт медицина үзәгенең бригадасы һәм Казан шәһ. «Ашыгыч медицина ярдәме станциясе» ДАССОның 2 бригадасы белән гамәлгә ашырылды. ТР ССМ РКХ ДАССОның 2нче номерлы кабул итү бүлегенең мәгълүматлары буенча 2014 елның 17 гыйнварының 14.30 сәг. халәте буенча 1 зарар күргән кеше канәгатьләнерлек хәлдә, 5 яшүсмер уртача авыр хәлдә ашыгыч медицина ярдәменең машинасы белән
«Республика клиник хастаханәсе» ДАССОның травматология үзәгенә китерелгән һәм хастаханәгә салынган. Зарар күргән кешеләрнең тормышлары куркыныч астында түгел.Көчле таҗсыман синдромлы авыруларга медицина ярдәмен күрсәтүне оештыру турында бүген Түбән Каманың күп профильле хастаханәсенең актлар залындагы киңәшмәдә сөйләделәр. Чарада булдылар: ТР ССМ баш кардиологы Альберт Галявич, ТКМР Сәламәтлек саклау идарәсенең башлыгы Илнур Хәлфиев, баш табиблар урынбасарлары, кардиологлар, ревматологлар, гомуми практик табиблары, ашыгыч ярдәмнең фельдшерлары.
2014 елның 15 гыйнварында 15 сәгатьтә Татарстан Республикасы Фәннәр академиясенең актлар залында (Казан шәһ., Бауман ур., 20) «2013 елда Татарстан Республикасы сәламәтлек саклау органнарының һәм оешмаларының эшчәнлек нәтиҗәләре һәм 2014 елга мәсьәләләр турында» Татарстан Республикасы Сәламәтлек саклау министрлыгы коллегиясенең киңәйтелгән утырышы булачак.
2014 елның 13 гыйнварында Казанның «7нче Шәһәр клиник хастаханәсе» ДАССОның яңа хирургия корпусында тамырлар хирургиясе бүлеге эшли башлады. Бүлектә тәүлек буена эшли торган стационарның 24 койкасы ачылды. Тамырлар хирургиясе бүлеге эшчәнлегенең төп юнәлешләре: аяк артерияләренең облитерацион атеросклерозы белән булган пациентларда югары технологияле һәм аз травматик методикаларны кулланып диагностиканы оптимизацияләү һәм дифференцияләнгән дәвалау тактикасы юлы белән тамырлар авыруы белән авыручыларны дәвалау; көчле тромбофлебитлар вакытында ашыгыч оператив тыкшынулар; варикоз авыруының төрле формаларын хирургик дәвалау; аортаның корсак бүлегенең өзлекле аневризмалары булган вакытта оператив тыкшынуларның югары технологияле методикалары.
ТР «АМЯХ» ДАССОнда тикшерүнең һәм дәвалауның рентгенхирургия алымнары бүлеге «Таҗсыман артерияләрнең бифуркацияле имгәнүләре вакытында таҗсыман үткәргечнең баллонлы навигациясе ысулы» дигән уйлап табуга 2013 елның 20 ноябреннән булган 2498779 номерлы патент алды.
Шул ысулның техник нәтиҗәсе – операциянең вакытын киметү һәм мөмкин булган өзлегүләрнең санын әзәйтү.Иске яңа ел алдыннан Әлмәттә торучы Евгений Горшковның (32 яшь) туры мәгьнәдә иске күрү белән хушлашырга һәм дөньяга яңача карарга уникаль мөмкинлеге барлыкка килде. Хәзерге заман офтальмохирургиясе яшь кешегә яңа ел бүләге бирде.
Әлмәт үзәк район хастаханәсенең офтальмохирургия бүлегендә аңа һәм тагын 5 пациентка катарактаны бетерү буенча уникаль операция – катаракта факоэмульсификациясе – уздырылды. Шул танылган дөнья алымының яхшы яклары: җөй ясауның кирәклеге юк, реабилитация вакытлары кыскара һәм операциядән соңгы астигматизмның дәрәҗәсе иң азга төшерелә.