ЯҢАЛЫКЛАР
Казанда Республика фәнни-гамәли конференциясе кысаларында 7нче Шәһәр клиник хастаханәсе җирлегендә «Урта медицина белеме белән иң яхшы белгеч» Бөтенроссия һөнәри осталык конкурсының республика этабында җиңүчеләрне бүләкләделәр. Конкурста җиңүчеләр арасында Мамадыш район үзәк хастаханәнең медхезмәткәрләре, үз номинацияләрендә мактаулы икенче урыннарны яуладылар.
Чистай үзәк хастаханәнең сырхауханәсендә Бөтендөнья артериаль гипертония белән көрәшү көненә багышланган акция узды (17 май). Чистай РҮХ сырхауханәсенең хезмәткәрләре Чистай медицина училищесының студент-волонтерлары белән бергә "Кан басымыңны бел" мәгълүмати-агарту чарасы уздырды.
Түбән Камада "Сайлау хокукы" ("Право выбора") фильм күрсәтелде. Режиссер - абортлар темасына битараф булмаган Елена Пискарева (Мәскәү шәһәре). Фильм халык акчаларына йөклелек өзелүгә юлыккан хатын-кызларның һәм медикларның күпсанлы үтенечләре буенча төшерелгән.
2022 елның 16 маенда Республика иҗтимагый сәламәтлек һәм медицина профилактикасы үзәге репродуктив сәламәтлеккә җаваплы караш формалаштыруга һәм традицион гаилә кыйммәтләрен саклауга багышланган профилактик чарада катнашырга планлаштыра.
Татарстан Республикасы Сәламәтлек саклау министрлыгы хәзерге вакытта республика территориясендә сәламәтлек саклау өлкәсендә лицензияләү буенча дәүләт хезмәтен электрон формада күрсәтү мөмкинлеге барлыгын хәбәр итә.
Казанга РФ Сәламәтлек саклау министрлыгының радиология Илкүләм медицина тикшеренү үзәгенең генераль директоры Андрей Каприн һәм Милли медицина терапия һәм профилактик медицина тикшеренү үзәге директоры Оксана Драпкина эш сәфәренә килделәр.
12 майда, Халыкара шәфкать туташлары көнендә, Яр Чаллы шәһәренең 5нче номерлы Шәһәр хастаханәсенең профсоюз оешмасы шәфкать туташлары өчен Болгарга экскурсия оештырды. Шулай ук сәламәтлек саклау ветераннары да чакырылган иде.
Түбән Каманың «Ковер» яшьләр үзәгендә шәфкать туташлары көненә багышланган интеллектуаль уен узды. Уенда барлыгы 9 команда - шәһәр һәм районның дәвалау оешмаларының вәкилләре катнашты. Командалар бары тик шәфкать туташларыннан гына торды. Чарада җанатарлар сыйфатында баш табиблар һәм баш шәфкать туташлары катнашты.
Бүген ТР ССМ СПИД һәм йогышлы авыруларны профилактикалау һәм аларга каршы көрәш буенча республика үзәге ачык ишекләр көне үткәрә. 18 сәгатькә кадәр теләүчеләр ВИЧ-йогышына түләүсез экспресс-тест уза һәм табиб янында консультация ала алалар.
Теләче үзәк район хастаханәсенең Алан ФАПы төзелеп бетте. Модульле бина «Сәламәтлек саклау» илкүләм проектының сәламәтлек саклауның беренчел звеносын модернизацияләү программасы акчасына төзелгән. Объектның бәясе 6 млн. 766 мең сум дип бәяләнә.