ЯҢАЛЫКЛАР

15 майда Чистай халкы ВИЧка түләүсез экспресс-тест үтә алачак. Акция Бөтендөнья СПИДтан үлүчеләр истәлеге көненә (19 май) багышланган «Норлат-Чистай-Казан» автойөреше кысаларында  узачак. Чара ВИЧ-йогышны профилактикалауга, җәмгыятьне СПИД белән көрәшкә мобилизацияләүгә һәм ВИЧ белән яшәүче гражданнарга ярдәм итүгә юнәлдерелгән.

ТР Сәламәтлек саклау министрлыгының баш штаттан тыш белгече токсикологы Алия Насыйбуллина журналистларга елан тешләгәннән соң беренче ярдәм турында сөйләде. Гадәттә, Татарстанда елан тешләүләре май азагында-июнь башында арта. Хәзерге вакытта республикада ике кеше зыян күргән – Яр Чаллыдан әтисе һәм кызы. 2018 ел эчендә Татарстанда елан тешләгәннән соң табибларга 42 кеше мөрәҗәгать иткән.

ТР сәламәтлек саклау министрлыгында «Антикоагуляция» һәм «Йөрәк-кан тамырлары авыруларын профилактикалауда йөрәк-кан тамырлары авырулары белән идарә итү» модульләрен кертүгә багышланган түгәрәк өстәл узды. Утырыш эшендә ТР сәламәтлек саклау министрының беренче урынбасары Альмир Абашев, Архангельск өлкәсенең сәламәтлек саклау министры Антон Карпунов, «Портавита Хелс» ҖЧҖ генераль директоры Марк Слейтер һәм проектлар белән идарә итү буенча директор Светлана Акимова, шулай ук ТР Сәламәтлек саклау министрлыгы вәкилләре катнаштылар.

Казанда ДМУ госпиталь терапиясе кафедрасының 205 еллыгына багышланган «Салихов укулары» фәнни-гамәли конференциясе узды. Оештыручылар – Татарстан Республикасы Сәламәтлек саклау министрлыгы, КДМУ, Россия ревматологлары ассоциациясе һәм В.А. Насонова исемендәге ревматология ФТИ ФДБФУ ярдәмендә Татарстан Республикасы Терапевтлары җәмгыяте.

Апас районының Иске Юмралы авылында капиталь ремонттан соң фельдшер-акушерлык пункты ачылды. ФАП авыл клубы белән бер бинада урнашкан. Капиталь ремонт «Социаль-мәдәни объектларны төзү һәм капиталь ремонтлау» республика программасы буенча узды. Бу хакта Апас районы башлыгы Рәшид Заһидуллин сәламләү сүзендә сөйләде.

Республика СПИД үзәге Татарстан Республикасы Профсоюзлары федерациясе белән берлектә ВИЧка түләүсез тест үткәрүне оештыру белән «Хезмәт көне» профилактик акциясен үткәрде. 

Минзәләдә Татарстан медицина хезмәткәрләре Спартакиадасының район этабы узды. Ярышларга Актаныш, Мөслим, Сарман, Ютазы, Минзәлә районнары командалары җыелдылар. Командалар спортның алты төрендә ярыштылар: бадминтон, теннис, җиңел атлетика, шахмат, волейбол һәм аркан тарту.

«Салага изгелек» проекты кысаларында Әлмәт волонтерлары-медиклары фельдшер-акушерлык пунктлары территорияләрен җыештыруда ярдәм иттеләр. Проект Россия Сәламәтлек саклау министрлыгы тарафыннан ФАПларның торышын яхшырту, кешеләрнең сезонлы авырулар һәм аларга медицина хезмәтләре күрсәтү турында хәбәрдарлыгын арттыру максаты белән оештырылды.

Атна эчендә Казанның ашыгыч ярдәм хезмәтенең табиблары 7492 тапкыр кешеләрне коткарырга чыктылар, шул санда җәмәгать урыннарына – 1226 тапкыр. Бәхетсезлек очракларына табиблар 923 тапкыр чыктылар, шул санда юл-транспорт һәлакәтләренә – 28 тапкыр. Бу юл-транспорт һәлакәтләрендә 23 кеше зыян күрде, 1 кеше һәлак булды, 15 кеше дәвалау оешмаларына китерелде. Янгыннарга табиблар 16 тапкыр чыктылар. Бала табуларга Казанның Ашыгыч медицина ярдәме станциясеннән табиблар 92 тапкыр чыктылар. Төрле авырулар буенча 5839 чакыру үтәлде, шулардан көчле миокард инфарктлары – 52, баш мие кан әйләнешенең көчле бозылулары – 170.

5 майда Халыкара акушерка көне билгеләп үтелә. Яңа туган баланың сәламәтлеге һәм яңа гына булган әнинең хәле нәкъ менә шушы кешеләрнең эшчәнлегеннән тора.