ЯҢАЛЫКЛАР
ТР ССМ ӘМР буенча Сәламәтлек саклау идарәсе һәм медицина көллияте волонтерлары белән берлектә Әлмәт медицина профилактикасы үзәге тарафыннан оештырылган, Бөтендөнья гемофилия көненә багышланган акция зур сәүдә үзәгендә узды. Шунда ук холестерин һәм глюкозга кан тапшыру, артериаль кан басымын үлчәү үткәргән «Сәламәтлек десанты» да узды. Ул шәһәрнең җәмәгать урыннарында, учреждениеләрдә яки предприятиеләрдә, авыл җирлекләрендә традицион рәвештә атна саен үткәрелә.
Казан шәһ. 18нче номерлы Шәһәр сырхауханәсенең баш табибы Резидә Мансурова «Ел менеджеры» XXII Россия конкурсында «Тармакта иң яхшы» номинациясендә җиңү яулады. Җиңүчеләргә бүләкләрне РФА Галимнәрнең үзәк йортында идарә өлкәсендә ел саен үткәрелә торган II экспертлар форумы кысаларында тапшырдылар.
КФУның Университет клиникасында хемодектоманы – каротидлы гломусның шешен кисеп алу буенча сирәк операция уңышлы эшләнде.
25 майда РКДҮдә «Баш мие кан әйләнешенең кискен бозылуы булган пациентларны алып бару үзенчәлекләре» дигән Республика районара семинар-киңәшмәсе булачак. Чараны ТР Сәламәтлек саклау министрлыгы оештыра
Бөгелмә үзәк район хастаханәсенең түләүле хезмәтләр бүлеге мөдире Лилия Кадыйрова «Ел менеджеры – 2018» Россия конкурсының «Структур бүлекчәнең иң яхшы менеджеры» номинациясендә соңгы этабында җиңүче булды. Җиңүчеләрне бүләкләү Мәскәүдә дүшәмбе көнне Россия Фәннәр академиясенең Үзәк галимнәр йортында узды.
Түбән Кама муниципаль районы буенча Сәламәтлек саклау идарәсе җитәкчесе Венера Рәхимова «Дәүләт һәм муниципаль идарәдә ел менеджеры – 2018» дигән XXII Россия конкурсының җиңүчесе дип танылды.
Татарстан Республикасы Иҗтимагый палатасында 2019 елның I кварталы йомгаклары буенча проектны гамәлгә ашыру барышына багышланган эксперт сессиясе узды. Очрашуга ведомство максатларын формалаштыруда катнашкан экспертлар һәм иҗтимагый совет әгъзалары, Иҗтимагый палата әгъзалары һәм профильле министрлыклар вәкилләре чакырылган иделәр.
Бөтендөнья хезмәтне саклау көне алдыннан Яр Чаллы шәһәренең Сугышлар ветераннары өчен госпиталендә учреждение хезмәткәрләре арасында хезмәтне саклау кагыйдәләрен белүгә конкурс узды. Медиклар уен формасында алган белемнәрне кабатлау һәм актуальләштерү мөмкинлеге алдылар. Теория сорауларыннан тыш производствода зыян күрүчеләргә беренче ярдәм күрсәтү буенча гамәли конкурс оештырылды.
Бүген «Бердәм РОССИЯ» Партиясе Рәисе Д.А. Медведевның Татарстан Республикасындагы Җәмәгатьчелекне кабул итү бүлмәсендә зур эш башкарылды. ТР сәламәтлек саклау министры Марат Садыйков һәм министр урынбасары Фәридә Яркаева гражданнарны кабул иттеләр.
19 апрельдә КФУның Университет клиникасында «Мәни бизенең трансуреталь энуклеациясе» дигән мастер-класс узачак. Күрсәтмә операцияләр МДУ Медицина фәнни-мәгариф үзәгенең әйдәүче фәнни хезмәткәре, медицина фәннәре докторы Сорокин Николай Иван улы җитәкчелегендә узачак. Мастер-класс вакытында ике операция – мәни бизенең лазерлы энуклеациясе, шулай ук мәни бизенең биполяр энуклеациясе үткәреләчәк.